Ka Nupepa Kuokoa, Volume XLIII, Number 11, 13 March 1908 — HOU I KONA HOALOHA I KA PAHI No Ke Opulepule o Kekahi Pake Ohua ke Kumu i Loaa ai ka Poino i Kona Hoa. [ARTICLE]

HOU I KONA HOALOHA I KA PAHI

No Ke Opulepule o Kekahi Pake Ohua ke Kumu i Loaa ai ka Poino i Kona Hoa.

Mamua o ka holo ana o ka Mokuahi Amerlka Maru no Kina ma ka Poakahi nei, ua houia mai la o You Kong, he Pake e noho hana nei maloko o ka haleukana o Hon Kee e ku nei ma ke kihi o ke alanui Moi ame Kamika i ka pahi e kekahi Pake okoa iho nona ka inoa o Choy Yin, eia nae o kahi o ka laki, aole i kukonukonu ka moku pahi i loaa i keia Pake, aka ua lawa nae ia no kona noho ana iloko o ka halema'i no kekahi mau ia ioihi. Ua manaoia ua opuiepuie keia Pake nana i hou mai i ka pahi i kona hoaloha. Mamua o ka haalele ana mai o ka Mokuahi Amerika Maru, ua iho aku la keia mau Pake noluna o ka Mokuahi. O Choy Yin o iaua ka mea e hoi ana no Kina, a i iho pu aku hoi kona hoaloha me ia no ka nana pono ana i ke ano o kahi e haawiia mai ana i kona hoaloha maluna o ka moku i kulike ai me kona kiklk*. Me ka maikai wale no ia hele ana a laua a hiki i ke kau ana iluna o ka mokuahi, a mamua nae o ko laua hiki ana aku ma ka aoao mamua o ka moku, kahi o na ohua i manaoia ai, ua unuhi ae ia o Choy Yin i kana pahi a hou aku la You Kong. No ka manoanoa nae o ka loie o keia Pake e. komo ana, a hu( pu iho me kona ili kuapo opu e paa ana, ua hiki ole i ka pahi ke komo kukonukonu aku iloko o kona kino; eia nae he eha no ;e moe ai iloko o ka- haiema'i no kekahi manawa loihi. Ua hopu kokeia ka Pake hou pahi e na aliimoku me ka hoopaa puia o kona mau lima i ka hao. Matuna no nae o Makaikiu Taylor o ka mokuahi ia manawa, no kekahi hana okoa aku 1 piii i kana oihana, a ua haawi kokeia ae la ka Pake hou pahi maloko o Kona lima, a lawe loaia mai la no ka halewai.