Ka Nupepa Kuokoa, Volume XLIII, Number 11, 13 March 1908 — E HOAOIA ANA KA MANA O KE KANAWAI HOOHUOI [ARTICLE]

E HOAOIA ANA KA MANA O KE KANAWAI HOOHUOI

Ma ka Poakahi nei i waiho ae ai o C. W. Akepoka he palapala hoopii imua o Lunakanawai Lindsay no ka hookuuia ana mai o kekahi mau wahine elua e noho mai la maloko o ka hale hoao ma Kalihi, i hopuia ai no ka hoohuoiia ua loaa laua i ka ma'i lepera. Maloko o ka palapala hoopii e hoopukaia mai he palapala hookuu kino, e hoakaka ana ia i ka hooko oleia ana 0 ke kanawai ma na mea e pili ana 1 keia mau wahine, mamua o ko laua hopuia ana aku e na makai. Ūa ano like loa no ke ano i hopuia ai o keia mau wahine. Ma ko Mary K. Kaumakahia hopuia ana iloko o kekahl mau la pokole wale ae nei noi 1 hala, ua oleloia, he hookahi wale no ona manawa i nanaia ai e na kauka, oia o Kauka McDonald ame Kauka Atcherley. Ma ia nana ana nae a laua, ua kuikahi ole ko laua manao ma ke ano o k6na ma'l. O ka Kauka Atctterley ike, he ma'i lepera no ko keia wahine he ma'i nae e hoopilikia ole aku ai ia ha'i, oial hoi o ka lke a kona hoa kauka, he ma'i e hoopilikia aku ai ia ha'i. I kulike al hol me ka manao o ke kanawai, ma kahi o ke kuikahi ole o na kauka elua i ke ano o ka ma'i lepera i loaa i kekahl mea, he pono e kaheaia aku i kauka hou no ke komo pu ana mai ma ka nana ana me na kauka mua no ua ma'*i .la, a ua hooholoia o Kauka Wood ko lakou kolu e nana hou ai i keia wahine, I ka hiki ana mai nae i ka la a lakou i hooholo ai no ka hoea ana ae ma kahi e nanaia ai o ka wahine ma'i, o Kauka McDonald ame Wood wale no ka i hoea ae, aole hoi o Kauka Atcherley ame ka mea ma'i, a mamuli o keia hoea ole ana ae o kela wahine i hoopukaia ae al ka palapala hopu nona. Ma ke kumu hoopii i waihoia aku imua o ka Lunakanawai Kaapuni Lindsay, aole he mea i olelo ikiia ae no keia nana elua ana i ka wahine ma'i ame ka hoea ole ana ae o ua wahii*e la i kahi i makemakela ai; aka

e olelo wale ana no ma ua kumu hoopii la, aole loa i malamaia he nana elua ana maluna o ke kino o ka wahine ma'i i hoohuoiia i kulike ai m© ka manao o ke kanawai. Ma ka paku'i i hooholoia e ka Ahaolelo o ka makahiki 1907 aku nei i haia aole I hoakakaia ka mea e hana aku ai i ka wa e kuikahl ole ai na kauka elua ma ka nana mua ana 1 ka mea ma'l, ame ke kuikahi pu ole ana o ke kolu o na kauka ma ka nana elua ana, a i ole ia e hoakaka ana paha i ka mea e hana aku ai, t ka wa i hoea ole mai o ke Kauka ame ka mea ma'i i ka wa i makemakeia a! no *» nana ana. Ma keia hoopii nae e maopopo mai ai ke ku-e kumukanawai o kela paku'i a ka Ahaolelo no ke ku-e i kekahi mau hana e ae a ka Papa Ola, 'a ina e ku ana keia kanawai pela, alaiia e mana ole ana ke kanawai piii i ka hoohuoi ma'i lepera, oiai ua haawiia ka mana 1 ka mea ma'i e koho i kekahi o na kauka e nana ana iaia, a e hoole mau ana hoi keia kauka 1 ke kolu o na kauka e koiia ana no ka hele ana mai e nana pu me ia no ka lua o ka manawa.