Ka Nupepa Kuokoa, Volume XLIII, Number 14, 3 April 1908 — KA HUAKAI MUA A KA MAUNA KEA NO HILO [ARTICLE]

KA HUAKAI MUA A KA MAUNA KEA NO HILO

Ua awakea loa ke ku ana mai a ka Mokuahl Mauna Kea no Honolulu nei, ma kana huakai mua loa aku nei i ka Ua Kanilehua, a wahi a Kapena Freeman. Ua ku aku ka Mauna Kea ma Lahaina ma ka hora eono o ke ahiahi Poalua. Ua hele ouka o Lahaina a paapu i na kanaka no ka akahi a ike i ka mokuahi hou, a pela no hoi o Hilo. Ua hoike pu ae no hoi oia, i ka hakuia ana o kekahi hula no ka Mauna Kea e na kanaka o Hawali, a e hulaia aku ana e na luina o ka Mauna Kea. O ka Moiwahine Liliuokalani, kekahi i oleloia ae, e haku aku ana oia he himeni, no kana huakai mua loa maluna o keia mokuahl hou.