Ka Nupepa Kuokoa, Volume XLIII, Number 18, 1 May 1908 — KA MAKAI U NIKOLASA KATA KA WELI O NA POWA A O KE Kaeaea Nana i Hanu ka Pohaku Daimana Kalaunu i Lawe Aihueia. [ARTICLE]

KA MAKAI U NIKOLASA KATA

KA WELI O NA POWA A O KE Kaeaea Nana i Hanu ka Pohaku Daimana Kalaunu i Lawe Aihueia.

\ MOKUNA 111. HIKI PONO I KA MANAWA I HOOHOLOIA. "No keaha iho la hoi ka mea e hoike ole aku ai iaia? Heaha kou manao ma ka huna ana i keia mea īaia?" "E like no me ka'u i olelo aku la; e holo aku ana hoi oia i Europa?" f "Aole oia i hooholo loa i kona manao no ka holo. iho nei no o Paloga i keia auwina la me ka manaolana mau iloko ona e lohe i kauwahi huaolelo mai a oe mai- a he kokua nui aku ia i kana Xiea e hana aku ai." "Kahaha, kupaianaha no ka hoi! ua waiho aku hoi au ia mea na olua e hooholo i ka olua mea pono e hana aku ai." "Alaila, e manao ana no oe ho oi aku ka pono nona ke holo, ea?" "Ua like wale no a like ia mau ia'u." "A pehea ana wau e kamailio aku ai iaia?" "Mai kamailio iki aku oe i kahi mea iaia." He helehelena kaumaha ko ka barona i ka wa i hoole aku ai ka makaikm, a wili iho la kona poo kūlou malie ilalo. "E loaa ana iaia ka noonoo maikai," wahi a ka barona i noi aku ai, "ina hoi oia e lohe aku ana i kekahi mea hou mai ia oe aku ua loaa ia oe kekahi moali ike e pili ana i ka hihia; he mea nui loa aku kela i kona noonoo. Malia paha aohe oe i hoomaopopo lea i ka nui o kona kaumaha no keia nalowale honua ana o kela pohaku. He ano pihoihoi ole niai no ko kela kanaka o ka poe malihini no e pahaohao aku ai nona, aka nae i ko'u nana aku aaia ua kuapupule niaoli oia no ka noonoo nui loa i kela mea. "O, pela no," wahi a Kata, "aohe no o'u makemike e hoolilo aku i kela mea i kumu hoopoino aku iaia. Ina oe e ike hou aku ana iaia " "Ke manao wale nei no au e ike hou aku ana wau taia i keia ahiahi." "Maikai loa keia. Alaila ina oe e ike hou aku ana iaia, olelo aku oe ua ae o Mr. Kata e lawe i ka hihia iloko o kona lima, a ua loaa ialia ka meheu o ke kanaka ana e hoohalua nei, a he ni«ea hoolana aku ia i kona manao kaumaha." "Kela kanaka Paele?" "Ka, na Paloga aku paha ia e noonoo iho pela. Ua manaoW mawaena wale iho no la o kaua kela mea, aka no ko Paloga kaumaha he pono ia oe ke hoike aku iaia pela." Aohe mea hou aku," "Aohe huaolelo hou aku. O 1 kela wale no. Mai hoike aku oe iaia ua kipa mai nei au ianei e ike ia oe. He pono e ike ia ae he ma'lihini Kelemania ka i kipa mai ianei e ike ia oe, a i lawe mai he olelo inai ka makaikiu mai. Mai hoike iki aku oe iaia ua ike au i kahi e waiho nei o kela elaimana. He nui na kumu maikai no keia mau mea a pau, ake kauoha ikaika nei au-ia oe e hoolohe pono loa me ka malaniei i ka'u mau kauoha me kou makaala loa." "E paulele mai oe maluna o'u, mai hopohopo." "Ke manaoip nei no au pela. A eia hou. E lilo ana keia hana i mea no'u e kaawale aku ai i na aina e no ka huli ana, a ke makemake \ nei au ia oe, ano, e haawi mai i palapala hoolauna e hoike aku ana i ko'u kuleana i keia hihia. E hana m'ai oe i palapala hoolauna no'u i kekahi o na makaikiu kaulana o ke Aupuni o Roumelia." "O, pololei loa kela." Huli koke ae la no ka barona i kona pakaukau kakau, a kakau ilio la i kekahi palapala hoolanna a kuni iho i ke Sila o ke Aupuni o Koumelia maluna oua palapala 'la. • "Pehea'keia, ua kupono iho la ia i kou makemake?" wahi ana i u ; mai ai ia Kata. "O. ua kupono loa e like me ka'u i rriakemake ai," wahi a Kala; "'ina palia e oluolu hou mai e kakau hou iho i hookahi koe e hke 110 me keia." "Xo ke kumu i na e nalowale keia, alaila ua loaa no ka lua, ea? Pono loa kou noonoo ana mai la." Kakau hou iho la ka barona. "E oluolu no oe e kakau hou iho i hookahi i koe," wahi a Kata iiie ka akaaka ana iho," a o ka pau ana ia a haalele iho au ia oe." "Pehea! i ekolu ka palapala hoolauna^"" "Ke oluolu mai hoi paha kou hanohano, e ka baj^Mia." He ano uluhua paiia ko ka barona no ke noi pinepine loa aku o ka makaikiu, aka nae, aole oia i ike i ka m'anao o ka makaikiu ma 1|( »i ana. A me ka huaolelo hou ole kulou hou iho la ka barona a kakau i ke kolu o na palapala hoolauna'i ka oihana makaikiu o Roumelia, a i ka paa ana ho-o iho la o Kata i kela mau palapala a pau iloko o kona pakeke. A i kela manawa me ka palamimo loa me he mea la i paia ia ae n a maka o ka barona, a i.kona nana hou ana aku i ka makaikiu, aole ° Kata, aka, o kela malihini Kelemania i komo mai ai i na minute mamua iho. Me ka helehelena minoaka, ku ae la ka malihini a haawi mai la 1 kona aloha, me ka pane ana mai: "Makaala loa oe i kau mea e kamailio ai ia Paloga, mai hoike iki Ce ianei au aua hui kamailio kaua, a e holo aku ana wau ina aina Ke kaumāha nei au nona; a i ko'u noonoo ana he mea maikai ka hou ole ana aku iaia i kekahi mea e pili ana i keia leka hoolauna, "i'Uiuui o kana mea i ike i keia manawa." ka naau kahaha nui ka barona Rubelika i hooia mai ai aole o hoike iki i kekahi mea ia Paloga, a haalele iho la ka makaikiu i a )ar °na e nalu ana me ke kahaha nui ike ano o kela kanaka hookalakupua. 0 kona kumu kahaha nui, me ko laua noho pu iho no a ike, ole I lho la 110 oia i ka loli ano e koke loa ana o ka helehelena o kela kaI a i kela manawa ulu mai la na noonoo iloko ona no kana mea 1 °he wale ai i ke kupaianaha o na hana a keia kanaka, } ka makaikiu no hoi a hala aku komo mai ana o Paloga, aole nae Ia 1 hoomaopopo mai i ka makaikiu.

MOKUNA IV. HE HIHIA KO'IKO'I. I ka haalele ana iho o Nikolasa Kata i ke keena o ka Barona Rubelika, hoi pololei loa aku la oia i ka hale a me ka hoohakalia ole kauoha aku la oia ia Chika ame Patse e hele mai i kona keena. Aole laua i ike iki a hiki i kela manawa akahi no laua a hoomaopopo i ke kumu o kona nalowale loihi ia la a po. Ua hoike aku oia ia laua i ke kipa ana mai o ka Barona Rubelika ame lana Paloga imua ona ame kona heie ana e nana i ka hokele Asetora. "A nolaila i keia manawa," wahi ana, "he hihia keia na kakou like a pau, a e wehewehe aku ana au ia olua mahope; i ko'u noonoo akahele ana he keu keia o ka hihia kamahao a kakou e huli aku ai. O ke kumu o ke kamahaō i ko'u noonoo oia keia: he waiwai makamae loa,Jceia nona kekaW kumukuai kiekie a me ke kanalua ole ke olelo 2ē ua aihueia, a o ke alahele nae e hiki ai ke hopuia ke kolohe, he pohihihi." "Ke makemake nei au e ike no keaha iho la ka mea e hiki ole ai ke hopuia?" wahi a Patse. "Alia, e kali iho, e kuu keiki. E maopopo ana no ia oe ke nbonota a(kahele iki iho oe. O ka ninau mua e ulu mai ana, aia ia wai kela daimana?" "Ka, aia no ia Paloga," wahi a Chika ame Patse pu. "Pololei! Ua hoohuoi mna no au i ka wa a laua i komo mai ai i ke keena nei, a ua akahele loa nae au i ke alakai ana i kona noonoo oiai nae oia e noonoo ana oia ke alakai ana i ko'u noonoo i mea e manaoia aku ai na hai i aihue. "Ua hoowalewale kokeia no oia e aihue i ka wa ana i ike ai i ka nui o ka waiwai e loaa ana i kela daimana, mahope iho o kona hoikeike ana i kela daimana i ka poe kuai momi a pau o Nu loka. A mai kela manawa mai ua hoolala oia e powa no iaia iho. v "Mai nalo io no paha kana kolohe ina oia i hana me ka noonōo. Ina oia i kahili i ka lepo oluna o ka puka makani maluna o ka puka komo, ina la paha ua loaa ia'u ka manao he mea okoa ka mea i komo iloko o ka rumi. Aolie nae, i ko'u komo ana e nana ua ike au e waiho ana no ka lepo puehu iluna o ka puka aohe wahi meheu wawae a lima hoi. Ua poina loa oia i ka i kela hana, ua puapuahulu loa; a ma na mea e ae nae, ua hooholopono, a o ka epa loa aku ua hoopunipuni ino loa oia i ka Barona Rubelika." "Ke manao nei au me he trfea la o laua no a i elua ka i komo pu iloko o keia hana aihue," wahi a Chika. "Ua loaa pu mua no ia'u ia manao, aka nae ua kali iki au i ka hooiaio ana ia koho a hiki i ka wa e huli pono ia aku ai o ka oiaio. "Ua kipa aku nei au e ike i ka barona a ua hoohikilele nui ia i ko'u wa i olelo aku nei iaia ua ike au i kahi i,waiho ai o kela daimana. A i ko'u nana aku i kona kulana he kona i komo pu ole iloko o kela hana kolohe a Paloga. I ko'u manao aole oia i komo pu iloko o kela hana aihue, o Paloga wale no. Ma ko'u nana aku i kona manao he akenui kona e hoihoiia mai kela daimana, a e paa ke kolohe." "Heaha ka Paloga ike i kamailio mai nei ia oe e kue ana no iaia oiai oia maanei?" wahi a Chika. "I ko'u nana aku iaia aohe kela he kanakainoonoo nui i na mea e pili ana i ka pono ame ka hewa ma ke ano o kana launa ana me ka poe hihiu. A o kekahi no hoi o kela wahi pahu ana. I ka nana aku e hoike maoli mai ana no ia i kona' ano he kanaka hana apuka. Ua hiki loa ia'u ke wehe i kela pahu ana i kinohi, aka, he makemake wale no au e hoike aku iaia aohe hiki ia'u ke wehe i mea no'u e lohe aku ai i kana kam'ailio mai. A eia kekahi, i ka wa a'u i hoakaka aku ai no na kanaka paele o Boroneo, ua hikiwawe loa kona hooia mai ua hookoloia mai oia e kela poe a eia i Nu loka kekahi o lakou a na kekahi o. lakou i aihue ke daimana i kona manawa e hiamoe ana, a ua makemake loa oia, i ko'u nana aku, e hahaihele au mahope o ka meheu o kela poe paele. "Ua maopopo loa ia'u aia no iaia kela pohaku kalii i huna ai, a ua loaa mai na hooiaio ia'u pela i kuu wa i hele ai 1 ke kulanakauhale e ninaninau. "Ua hoopaa o Paloga i kona inoa ma na mokuahi a pau ekolu e holo ana i Europa i ke awakea o ka la apopo." "Kanaka kolohe maoli kela!" wahi a Patse. "Ua hoopaa oia i kona inoa pololei ma ka mokuahi White Star (Hoku Keokeo), aka nae, ua-hookaa pu oia i kona tikiti ukumoku maluna o na mokuahi Amerika ame Cunada. He nni no na hana e ninaninau ai i kela mau mea a hiki i ka maopopo pono ana o ka mea oiaio, a oia mea ua loaa mai ia ia'u, a o ka ninau i keia manawa ma ka moku hea oia e kau ana? Aole oia»e noho ana i Nu loka nei, no ka mea, ua hoikeikeia kela daimana ianei, e hiki pono ole ana iaia ke hoike ae. Aka, ma Ladana a ma Amasatama ua hiki loa iaia ke hoikeike aku me ka nui ole o kona manao hopohopo." "Aole ka he hiki ke hoohalua aku iaia mai ka hokele Asetora aku?" wahi a Chika, "a hiki i kekahi o kela mau mokuahi ana e manao nei e kau aku ?" y "He alahele maikai oi loa aku kekahi mamua a I\ata. O ke kanaka e hoohalua ana i kona wahi e hele ai e hala ana no ka ike a kona maka. O ke alahele maikai loa o ka halawai aku no m<e ia maluna o ka moku i ka wa e aku ai ka moku mai ke awa aku." * "Ka moku hea?" wahi a Patse. "Aohe paha ia he mea ninau. He ekolu hoi kakou, a ua kuai mua mai nei au i mau rumi no kakou pakahi maluna o kela mau moku, a nolaila, ua hiki i kela ame keia pakahi o kakou ke kue iaia. He hihia nui keia." "Oia paha ke kue mai ana ia kakou, ka pololei." "Ka, o kana hana ia e makaala loa nei i keia manawa." "Ina pela ua pono. O ka m&ku hea ana ko kela ame keia o kakou e kau ai ?" wahi a Patse. "He kupono loa ia," wahi a Kata, me ka minoaka ana iho; ke manao nei aole hookahi iwaena o kakou i nele i ka makemake e kau pu me Paloga ma ka moku hookahi, aka, aole hiki ia kakou ke -olelo ae i keia manawa ma ka moku mea ana oia e kau ai. E kau aku ana oia maluna o kekahi o ria moku, oia ka mea maopopo loa. Eia ko'u manao; E puiliili kakou; o ka mea e ku ana iaia ka hoailona, alaila oia ka rnea e kau maluna o ka mokuahi White Star." ""Ua pono kela." "E hoike mua aku no au ia olua i ke kumu e hiki ole ai ia kakou ke hopu," wahi a Kata. "O, ua ike aku la wau." wahi a Chika. "A pela no hoi me a'u," wahi a Patse. "Heaha kau kiimU o ka manao ana pela, e Chika?" wahi a Kata. "A eia; Ina wau e hopu ana ia Paloga a loaa paha ke daimana iloko o kona paiki, a i ole ma kahi wahi paha o kona kino, e olalo mai ana no kela, O, he makaainana ia no ke Aupuni o Roumelia, a he kuleana kona i kela waiwai, a e hooko ana oia i ka mea i kauohaia iaia e hana. Aohe aha hookolokolo e hoahewa ana iaia no kela mea ma keia honua." "Pololei loa kela," wahi a Kata. "Ma ia ano iho la la ua hiki Ole la kakou ke hana hou aku i kekahi mea i kumu nona e paa ai i ka hopnia. Aka ina aole e hiki ana ia kakou ke huli i kela daimana a hoihoi aku i ke Aupuni o Roumelia, alaila aohe no he mea e ae e hiki ana ke huli aku." "He kuleana anei kekahi o ke Aupuni o Roumelia i kela daimana?" wahi a Patse i ninau mai ai. "Aohe i maopopo loa ia'u," wahi a Nikolasa Kata, me ke kuoo. "Aka nae, i ka Barona Ruelika olelo maj he kuleana no, no ka mea,

ua manaoio no oia me ke dala a ke Aupuni Roumelia o Paloga i kuai ai i kela daimana. Ua manao au ua aihueia mai eia, a i ole. ua loaa mai paha iaia ma ke ano epa, a ke ike ole nei au i ko kakou ponuikai ma ka wale ana no ma keia manao koho." "Aole," wahi a Chika." no ka mea, "aohe kuleana o Paloga i kela pohaku. Na ke Aupuni keia e hoolimalima nei ia kakou e huli i ka mea nae ana i kuai ai. Oia wale no ka mea hiki ia kakou ke hana." "Pela ko'u manao," wahi a Nikolasa Kata i pane aku ai. "Alfiila o keia wale iho no ka kakou hana o ka hele e kii i kela daimana a hoihoi mai ?" wahi a Patse. "Aole, ina e loaa ana alaila haawi aku i kekahi o na makaikiu o Roumelia." "Pela ka hoi paha; aka, he hihia keia o ka huli ka hana mua. Ina e hiki ana o Paloga 1 Ladana me kela daimana, o ka hakilo mahope ona a hiki i kahi kuai momi ka kakou hana mua loa." "Ae, ua hiki loa oia ke ahuwale loa ae malaila, aka nae, he kanaka paakiki loa kela e hoohalua ai. Ke manaolana nei au ua> hiki loa ke loaa kela daimana mamua o kona hiki ana aku i Ladana. E ike mai olua v a akaaka ae la o Kata; "ina e ike e ana oia ua laweia kela pohaku mai a iaia mai, aole loa e hikuana iaia ke puai wahi leo hookahi, no ka mea, qa like no ia me ka hoikke ana ae ua aihue no oia iaia iho ma Nu loka nei." Nee pu ae la o Patse i ka akaaka, a i kela manawa unuf\i o Kata i na palapala hoolauna mai kona pakeke ae a haawi pakahi aktt la ia laua, a ka barona i kakau mai &i. O kela mau palapala a pau ekolu ma ka inoa wale no o Nikolasa Kata. "Halawai aku kakou i Ladana; koe wale no ina e ili ana ka moku a nahaha ;ma ka Hokele Tavistock kakou a pau e noho ai. E koho kakou i keia manawa i ko kakou mau moku pakahi e holo ai," wahi a Kata. Ua hoomaka iho la lakou e kohokoho. Ua koho o Kata i ka mokuahi Amerika, o Chika i ka White Star (Hoku Keokeo), a o Patse, i ka mokuahi Cunard. "O ka manao o keia he elua pule hoomaha maluna o ka moana no kekahi mau mea o kakou," wahi a Kata, me ka ak?aka ana iho, "a he hana nui hoi na kekahi o kakou." "Ma na ano a pau, e kamailio mua ana wau i ke kupakako e haawi mai i kekahi o kakou ika rumi moe pili koke aku iko Paloga. Ina oia e kau ana maluna o ko'u moku, e pili kokoke loa aku ana wau iaia. A ina no hoi maluna o kou moku e Chika, ma kekahi aoao mai ia oke alapii. A ina hoi maluna o kou, e Patse, maloko oia o kekahi 0 na rumi elua ilalo ma kela aoao inai o ke alapii, ma ia aoao hookahi no." x "Ei ka auanei e kau aku ana kela']je moku okoa," walii a Patse 1 namunamu ai. » • Akaaka ae la o Kata, a hoi pakahi aku la lakou i ko lakou mau rumi no ka hoomakaukau ana ia lakou iho no ka huakai aumoana hahai manu. I ko lakou halawai nui ana aku ma ka papaaina i ka ama awakea pane mai la o Chika: "E Mr. Kata, pehea ana kela kanaka eleele i kipa ae ai i ka Hokele Asetora a ninau ai ia Paloga? He hoopunipuni wale no ia olelo?" "Aole," wahi a Kata i pane aku ai. "Ua ninau wau i ke kupakako e pili ana i kela kanaka. Ua hiki io mai no he kanaka eleele, he nanaina kupaianaha loa kona, pela ke kupakako i hoike mai ai ia'u." "Mai Boroneo mai ia kanaka?" "Me he mea la peia. Ua noonoo iki au no kekahi sekona he mea ano nui ka kela kanaka o ka hiki ana mai, aka nae, i keia nianawa, ua hoopau loa wau i ko'u noonoo ana pela. Malia paha ua hele io mai oia mai Boroneo mai no ka huli no i kela pohaku, aka e waiho kakou na Paloga aku no ia mea e hoomaopopo aku iaia." "A pehea ina ua hoao io kela kanaka e komo iloko o ka nuni o Paloga?" . "E paa ana oia i ka hopuia, oia ka mea maopopo. E huli ana o Paloga iaia, aole oia, o na makai, a hiki i kona paa ana i ka halepaahao, alaila kau maluna o kekahi o kela poe moku a holo aku no Europa. Aohe mea nana e ke'ake'a mai ia Paloga mai ke kau ana aku maluna o kekahi o kela poe moku e holo ana ika la apopo. Nolaila, aole o'u"nana i ka mea pili i kela kanaka pa<jle. "Ua kuai o Paloga he mau tikiti no na mokuahi ekolu no kona hopohopo o hoohuoiia oia, a ua makemake oia e loaa iaia i manawa e alo ai i kona hahaiia aku. E hookuu aku kakou iaia e hana e like me kona makemake, & i ole ai e nui ka kakou hans, e kau kakou maluna o na moku i keia ahiahi." Ua haawi aku la o N|ikolasa Kata he pahu i ka mea pakahi o laua, i hanaia a like loa me ka pahu a Paloga i hana a hookomo ai i ke daimana, ana i lawe hele ai. Na Nikolasa Kata no keia mau pahu liilii i kauoha e hanaia ma ia la. "He mea kokua nui loa keia i ka mea o kakou e loaa ana o kela daimana. Ke mankolana nei au ua manaoio maoli no o Paloga e uhaihele ana au mahope o ka moali o kela kanaka eleele, me kona hoohuoi ole ae he ekolu kino o Kata." "Ua hana maoli aku au i kekahi hana e manaōio mai ai o Paloga ame ka barona pu aole o'u makemake io e lawe i keia hihia iloko o •ko'u lima me ko'u hoike pu aku i ko'u kanalua ke huli i keia hihia, aka nae, o ka mea oiaio, ua hooholo mua i ko'u manao e lawe i ka hihia i ka wa mua loa no a laua i kamailio mai ai ia'u, no ka mea. ua ike koke no au he mea ano nui loa ke ulu ae ana mailoko ae o kela hihia." Haawi aku la i kona aloha i na makaikiu elua a iho pakahi aku la kela ame keia i kona moku iho, me na olelo kaukau "e hahai ia ka laua misiona e na pomaikai." He mea paakiki loa ke olelo ae ua ike ia ka inoa o Nikolasa Kata ma ka papainoa o na ohua. Ua kuai o Nikolasa Kata he mau tikiti ukumokil' malalo o na inoa like ole ekolu; i kekahi moku o Baraunu ka inoa, i kekahi aku o Hailaki, a i ka liope loa o Malona, o ka inoa hope loa ua haawi ia no Patse, oia kona inoa kapakapa. Aohe hookahi o laua i ikemaka ia Paloga, aka nae, ua wehewehe pono aku ka makaikiu Kata i kona ano a pau ia laua, a laua e poina ole ai ke ike aku iaia. 4 E lilo ana no paha.ka wehewehe ana aku i kona ano ia laua i mea waiwai ole, no ka mea, ina he manao kolohe kona, e hele ana oia me ka helehelena i lioano e ia e hiki ole ai ia laua ke koho pololei aku iaia. 0 ka inoa o Paloga i haawi ai maluna o*ka laina mokuahi Cunada o Berodi, a ua ike no o Patse, aohe e hala ana he hookahi a elua paha la mamua ( o kona ike ana iaia me ka ninaninau ole aku i kekahi poe— oia hoi, ina e kau io ae ana o Paloga iluna o kona moku—no ka mea, 0 na inalihini he hikiwawe loa k'o hookamaaina ia lakou iho ma ka moana, a he hikiwawe loa no hoi ka ike ana i ke kino o ke kanaka nona ka inoa i paa i ka papa inoa o na ohua, a e hoomaopopo pu ana 1 ka wa e noho ai na ohua maluna o ke pakaukau i ka wa e ai ai. Pii aku la o Patse iluna o ka mokuahi e holo ana i kela manawa, me ka loaa ole o kekahi noonoo iloko ona no kana hana pono e hana aku ai, koe wale no o kona nana pono ana i ke ano o kela kanaka. Aole oia i manao iki e loaa ana iaia ka laki ma ka holo pu ana me Paloga maluna o kona moku, a nana aku la oia ia mua ma ka hophala ana i kekahi o ka pule holookoa e hiki mai ana ma ka heluhelu mau ana i na buke maloko o ke keena waihona o ka moku. Hoolalau hele wale iho la no oia ma o a maanei ma ke kakahiaka o ka la i holo ai ka moku, ma ka heluhelu ana i ria nupepa o Nu loka. 1 ke kokoke ana i ke awakea, a hoomaka mai la na ohua e pii ntii mai iluna o ka moku, ia wa hoomaka aku la oia e nana pono loa i ka helehelena o na ohua a pau e pii mai ana iluna o ka moku me kona. makaala loa no Paloga. Aole! patu -