Ka Nupepa Kuokoa, Volume XLIII, Number 18, 1 May 1908 — E HOOMAEMAE I KE KULANAKAUHALE. [ARTICLE]

E HOOMAEMAE I KE KULANAKAUHALE.

Ma ka noho ana o ka halawai a ka Ahahui Hoomaemae (City Improvern«nt Club) ma ke ahiahi o ka Poalima i hala i hapaiia mai ai ka'noonoo no ka hoomaemae koke ana aku i ke kulanakauhale nei mai keia manawa aku mamul o ka hoea ana mai o ke aumoku kaua Amerika iloko o ka mahina ae nei o lulai. ' O ka hooinaemae a keia ahahui e makemake nei, o ia no ka hana ana ae i kekahi mau wahi inoino a owaawaa e waiho mai nei, na wahi hoi i ike maopopoia ko lakou uhipu ana i ka maikai ame ka maemae o na wahi koke mai ia lakou. Ua kau iho nae he hana nui ke lokahi t na makaainana o keia Teritore no keia kulana hoomaemae, ka hana ana, ka imi ana ame ka hoomaemae ana i ko lakou mau pa, na hale ame ke kulana o ko lakou noho ana. Ika nana ana aku ika makemake ame ka iini oka Papa o na Lunakiai o ke Kalana o Oahu nei, eia lakou ke imi mai nei, a ke hana mai nei i na alanui o ke kulanakauhale ma ke kulana maemae, a o keia no hoi ka mea a na makaainana i makemake loa ai e loaa na alanui maikai ia lakou. - . E lilo auanei i mea na na makaainana o keia Teritore e haaheo ai ka haawiia mai o na mahalo ana e na malihini kipa makaikai mai no ke kulana maemae a maikai o ke kulanakauhale o Honolulu nei, ka maemae o na pa o na makaainana ame ko lakou mau hale ame ke ano o ko lakou noho ana. % ' O keia iho la kekahi o na mea ano nui e pili ana i ke ano o keia noho ana, aole paha mamuli o keia heluna nui o na koa ame na 'Jiikoa e kipa mai ana i keia kulanakauhale, ke kumu e malamaia ai keia kulana maemae i makemakeia na kela ame keia makaainana e hana ai, aka e malama mauia aku ia ano noho maemae ana. Aole no hoi keia o ka hiki mua o keia manao hoomaemae, aka eia ka Papa Ola ke ku nei me kona mau rula e kauoha ana i ka lehulehu e hoomaemae i ko lakou noho ana, no ka maka'uia o hiki mai na ma'i lehulehu maluna o lakou. t ka lawe ana ae a kela ame keia makaainana a hooko aku i keia mau mea, e hookahaha ia aku auanei na kamaaina o Honolulu nei, a e lawe heleia aku ana ka inoa o ke kulanakauhale o Honolulu no kona kulana maemae ma ka waha o na malihini kipa, ia lakou e haalele nlai ai i na kaiaulu o keia Teritore.