Ka Nupepa Kuokoa, Volume XLIII, Number 18, 1 May 1908 — HAALELE IA HOA O KA PAPA HOONAAUAO. [ARTICLE]

HAALELE IA HOA O KA PAPA HOONAAUAO.

Ma ka Poaha aku nei i hala i walho ae ai o Mr. Clinton J. Hutchins i kana palapala waiho oihana, no kona ma,nao e huli hoi aku no Kapalakiko no ka noho paa loa ana malaila. TJa hoea mai keia haole i Hawaii nel iloko o kekahi mau makahiki eiwa i hala ae nei, a oia kekahi i komo kuhohonu ma na hana hooholomua e ku nei iloko o ka aina. He nui na kumu o kona makemake ana e haalele iho ia Hawaii nei, oia no ka maikai ole o ke ola kino o kana wahine, ka hele no hoi o ka laua kaikamahine i ke kula ame ka nawaliwali o kona makuahine, a tna kona noho kokoke ana aku -me kona makuahine ka mea nana e hoolana mai i kona mau manao. Ua waiho pu aku oia I kekahi mau kulana ano nui ana i paa ai me kekahi mau hui o keia Teritore. laia e hoea ai ma Kapalakiko. e komo aku ana no oia ma kekahi oihana imi loaa.