Ka Nupepa Kuokoa, Volume XLIII, Number 20, 15 May 1908 — KA NAITA SIVERIA Ke Ahikanana a o ke Kaeaea o Leona AME Ka U'i Hoomahie Zenehira. [ARTICLE]

KA NAITA SIVERIA

Ke Ahikanana a o ke Kaeaea o Leona AME Ka U'i Hoomahie Zenehira.

• - MOKUNA XII. "Aole o'u manao e pepehi mai ana ka Moi ia'u, i wahi e hooko ia ai na m'anao awahua iloko ona," wahi a Siveria. "Mai kuhihewa kou manao pela, no ka mea, he kanaka opiopio kekahi i hoounaia mai iloko nei i kekahi wa i hala ae nei, a " "Mai hooki iho hoi paha oe i kau kamailio ana mai i kena moolelo, e hoomau aku!" i kauoha aku ai o Siveria. "O ua kanaka opio la a'u o ka hoike ana aku nei ia 'oe, aole oia \ ike \iou i ka malamalama o ka la, no ka mēa ua pepehiia aku oia mamuli o ke kauoha a ka Moi," a no keia mea, ua naka haalulu ae la ke kino o ua Siveria la no kona maka'u i ka hoea mai o kona manawa e haliai aku ai ina ke alahele hookahi o ka poe apau i kom'o iloko o keia keena paahao ona i hoopaaia ai. "Aole no i uahoa loa na kauoha i haawiia mai ia'u e pili ana nou koe wale iho no, ina aole att e malama pono ia oe, alaila e lilo no kuu ola i pani hakahaka no kou, a ina no ua makemake oe i kekahi mau mea ai au e ono ai, ua hiki ia'u ke hele e kuai." "Ke hoomaikai akū nei au ia oe no kou oluolu, aka aole nae mea a'u e makemake nei e noi aku ia' oe i keia wa, no ka mea ua ike 110 au aole iloko o kou mana ka hooko ana mai ia mea." Ua piha paha ka hapalua hora o ke kamailio pu ana o ka Lunapaahao me ka Naita Siveria, ua haalele mai la oia iaia nei, a i kia Naita Siveria hoi e noho hookahi la, aia ka maka'u ke halii la mahma ona no ka hiki mai i ka wa e hookoia ai o ka make maluna ona Iloko no nae o kona mau manao maka'u, aia no ke puapuai mai la na manaolana no kona palekana, a o kahi nae e hoea mai ai na hoopakele ana aole oia i ike ia mea, koe wale iho no kona hoomaopopo ana, he kanaka oluolu maoli keia lunapaahao. Iloko o keia la o kona noho ana maloko o ka hale paahao, e lawe ia mai ana no kana mau mea ai, he mau mea ai hoi e loaa ole ai iaia he mau hoohalahala ana, a ma ia mau manawa a ka lunapaaliao e lawe mai ana i kana mau mea ai, aole ana mau olelo e kamailio mai ai iaia nei. , t Ma kekahi kakahiaka ae nae, i ua o Siveria e ai ana i kona aina kakahiaka, iia ike aku la oia i ka weheia ana mai o puka o kona rumi paahao a lohe pu aku la oia i ka pane ana mai o Tarika: "Ua hiki ia oe ke komo aku e ike iaia i keia manawa, aka e hoomanao nae oe, he hapalua hora wale no ka manawa i aeia nou e H kamailio pu ai me ia." Ia alawa ana mai a Siveria maluna o ke kanaka e hele aku nei J c ike iaia, ua paa no kona mau lima i ka hoopaaia me ka hao, a i ke! paniia ana mai o ka puka, ua pane mai la ka malihini. "Auhea oe e ka Naita Siveria, e lilo ana paha i mea haohao ia oe ko kaua halawai pu ana i keia la!" "Auwe! o oe no ka keia e Alaela," i hooho mai ai o Siveria me ka hoao ana ae e ku iluna. "Ae. owau io no keia, a e lilo aku ana hoi i mea hookahaha i kou noonoo, ka hoomaopopo ana eia kaua a elua me' na kaulahao i hoopaaia ma ko kaua mau lima. He mau kaulahao keia i like ole aku ko lakou kaumaha me ko na mea kaua, aka he mau kaulahao > iiae e hoehaehaia ai ka manoo ke ike iho ia mau mea." Me oiaio ua paa keia kanaka, a hoaloha hoi o ka Naita Siveria me na kaulnhao, a me ia kaulahao no oia e kakualako hele ai iloko e ka rumi paahao o Siveria. ' "Owai ka mea nana i hoopaa ia oe maloko nei o ka hale paahan, a no ke kumu hea hoi i hoopaaia mai ai oe?" i ninau aku ai o Sivcria. "() ka mea no nana i- kauoha mai no kou hoopaaia ana maloko nei o ka ha!e paahao, oia mea hookahi no ka mea nana au i hoopaa mai, a no kau uinau hoi i ke kumu o keia hoopaaia ana mai o'it, k e hiki ia u ke hoike aku ia oe i keia manawa. "Xo kekahi manawa loihi ae nei ka hakilo ana o na luna aupuni ia'u a me he mea la ua maka'u loa o Mahomeela o ala mai kekahi irau mea e hoopilikia aku ai i kona mau manao ma o'u nei, a i ka wa hea hoi oe i hoopaaia mai ai maloko nei o ka hale paahao?" "I nehinei kou paa ana mai," wahi a Siveria. "Alaila ke hoomanao la anei oe i kela po a'u o ka ike ana ami 1 a lialawai pu ana me oe ma ke alanui, a mamua o ka oili ana mai <> la ma kekahi kakahiaka ae, ua lilo iho Ia au i paahao na ka Moi Maliōmc(la." "A pehea, he karaima anei kau i hana ai i kau mai ai na lim* " : o aupuni maluna ou?" i ninau mai ai. no o Siveria i ke kumu o ka V' iniia ana o Alael^. "E like no hoi me kou paa ana mai iloko nei o ka halepaahao hk ka hewa ole, pela iho la no ko'u paa ana mai." "Malia paha ua hoao oe e kipi ku-e aku i ka Moi ame kona v."h'i alii." "Xo ke ala ku-e a kipi ana aku i ka Moi Mahomeela ame kana i' in hana, he meahu ia e paila nei iloko o kuu houpo a hiki i keia h ra a kaua e papa olelo pu nei, aka e hoike mai ia'u pehea ka U'i /ukhira. eia anei oia malalo o ka mana o ka Moi Mahomeda?" "Xo kau ninau no ka U'i Zenehira, ua kaa aku oia malalo o ka - alu o Mahomeela, aole nae maloko o kona halealii, a i ole ua lilo : ' u paha i wahine mare nana i keia'manawa, aka malia paha e hiki ni ai ana i ka hookoia ana o na mea i manaoia e kau aku ma'Juna °nn, M a holoi ae la ka Naita Siveria i na waimaka o ke aloha mai k"tia mau maka ae. "ta maopopo no anei ia oe ka la a ka Mor Mahomeda e hoohlo aku ai i ka U'i Zenehira i wahine mare nana," i ninau aku ai o Alada. "Aole i maopopo ia'u ia manawa, aka ua kamailio mai nae oia 'a u aia a liiki mai i kona la e niare ai ia Zenehira o ka wa ia e okiia ae ai kuu poo a laweia aku imua o ua wahine la ana." Ua pahola ae la he nanaina kaumaha maluna o ka helehelena o Alada, alaila ua i hou niai la oia: "Ina aole e hiki mai keia l">pona a ka Moi i makemake ai e hookau mai maluna ou, alaila ke hnpohopo loa nei au, e auamo ana oe i kekahi haawina i oi ae k<* koikoi mamua o ka make. E waihoia ana oe e ola a e auamo i na 'ioehaeha ana apau a Mahomeda i makemake ai e hookau mai maluna ou." "Heaha ke ano o kau mau meā e kamailio niai nei ia'u e Alada, a hoi i ala mai ai na noonoo ana. iloko ou o kekahi ia o na niea i manaoia e hanaia mai no'u? v "I'enei no ia, ina aole e ae ana ka U'i Zenehira e lilo i wahine ni are na ka Moi Mahomeda, alaila aole oe e pepehiia ana a make. Mai nana mai ia'u me ke pahaohao, no ka mea i imi mai la au ia oe i maopopo ai ia'u ke kaa ana o ka U'i Zenehira malalo o ka Moi, a nani hoi ia ua hoike mai nei oe, aia oia ma kona home no kahi i "oho ai, nolaila, e ku.-e mau mai ana oia i ka lilo ana mai i wahine na Mahomeda, a e lilo pu ana o Emina i mea kokua aku iaia no ta noohokaia o na manao o ka Moi." "Aole no o'u nana nui i na mea e hanaia mai ana e like hoi me i kau e houpuupu mai nei, aka ina e pakele aku ka U'i Zenehira mai

ka Moi Mahomeda aku alaila e make aku auanei au me na manao hauolL" "Aole nae oe i make i keia manawa. nolaila mai kamailio kaua no na mea e pili ana ia hopena, a ina io e lawe ae ana o Mahomeela i kou ola, o kaua no a elua ke ana ma ia alahele hookahi, aka eia no iie wahi manaolana iloko o'u no ka hoea mai o ke ola ia'u nei, a ma ia kumu hookahi e kau pu aku ai na' manaolana no kou palekana." \ja hoopahaohaoia aku ka Naita Siveria no keia mau olelo hoolana a Alaela a hoepoina ae la oia i na mea apau, alaila ua ninau hou mai la oia i kona hoaloha i ka i ana mai. "E hoike maopopo mai ia'u i kou ano ame kou inoa, no ka mea ua hooi loaia mai ko'u pahaohao i keia manawa i kou ano maoli." "He hookahi no a'u mea e kamailio aku nei ia oe, oia no ko'u lilo ana he paahao e like no me oe, a o ko'u hoike ana aku a oi aku mamua o keia e uhaki auanei au i ka'u hoohiki o ke kulana naita oiaio, nolaila mai noke loa mai i ka niele ia'u." "Alaila e hoike mai hoi ha oe i ke kahua o ka manaolana i loaa ia oe no ko kaua palekana!" "Aole no e hiki ia'u ke hoike aku ia oe ia mea, koe wale iho no e la/we aku oe a malama i na mea apau a'u o ke kamailio ana aku nei, a e komohia aku hoi ke aloha iloko ou iio'u nei. He keu nae ke kupaianaha o ko kaua komo like ana iloko o ka pilikia mamuli o Va U'i Zenehira, a o ka oi loa aku hoi o ke kupaianaha, oia no kou lilo ana he Kristiano, a he Mua hoi au." Mai noke loa aku ka Naita Siveria i ka niele ana i kona kokoolua aka ua wehe e mai la o Tarika i ka puka a i mai la ua pau ka hapalua hora, ka rpanawa i aeia mai ai e kamailio pu o Alaela me Siveria, a oia hoi ka Alada o lfa pane hope ana mai ia Siveria: "E hoolana i ka manao e Siveria, a ina aole au e make ana, aole no oe e make ana, ke ole nae hoi e hoololi ka Moi Mahomeda i kona manao, a hookau aku i kou poo maluna o ka paepae oki poo, nolaila o ke aloha no kou," a o ka huli aku la no ia o i\lada hele no kahi o ka puka a Tarika e ku mai ana e kali o kona hoi aku. I ka noho hookahi hou ana iho o Siveria, ua hooi loaia aku kona hoopuhiliia i ke ano o keia kanaka o Alada, aka no kona lihi launa ole aku i kahi e hiki ai iaia ke maopopo kona ano maoli, ua kaukai (wale aku la no oia ma na mea e hoea mai ana, ina paha no kona palekana a no kona poino paha. MOKUNA XIII. ( 1 E.waiho iki ana ka kakou kamailio ana no ka Naita Siveria no ka manawa, a e nana ae hoi kakou no ka U'i Zenehira, pehea aku nei la ua kaikamahine la. I ka hala ana ae o kekalii mau la loihi mahope iho o ka paa ana o ka U'i Zenehira i ka ho ; puia, a'hoihoiia aku maloko o ka hale o Ben Hameda e hoopaaia ai, ua loohia iho la ofa i ka ma'i, he ma'i kukonukonu hoi e hiki ole ai iaia ke hoomanawanui iho i na hoehaeha ana, a. ua kokoke loa no e lawe maoli ae kona mau lima ponoi i ka hanu ola mai kona kino aku. Aia nae o keia. mau hoehaeha ana a ka ma'i mahma o kona kino ke uwiuwiki mai la na hoomanao ana no ka Naita Siveri i, ka mea i mauna i kona ola iho, ma ka lioao ana e hoopakele iaia mai na lima mai .o ke aloha ole. Ua haawi pau mano pau hi'u aku oia i kona aloha i keia kanaka opio koa, a ua panaiia mai hoi ia mea me kekahi haawina e hiki ole ai iaia nei ke pale ae, a o keia wale iho la no kahi puu oioina hoomaha nona iloko o keia manawa o ke kupilikii. Ala mai la na manao like ole no kona poino ame ka pilikia, m*. muli o kona hoao ana e pale ae i ke kauoha ame ka mnkemake o kona makuakane hanai, aka o ke aloha wale no o-ka Naita Siveria ka mea nana i hoomama mai iaia, a ua like hoi ia mau pilikia. me he hau la k£ hehee mai kana mau hoomanao ana i kona wa e haliu aku ai, a hoomanao ae i ka helehelena o ka mea ana i aloha ai. E noho nanea wale ana no nae ua U'i nei o Ganada iloko o kona rumi me kana kauwa, aia hoi i kekahi la ua komo aku la o Ben Hameda ileko a kauoha aku la i ke kauwa e haalele mai oia ialoko o ka rumi, no "ka mea ua makeinake oia e kamailio me kana kaikamahine. 0 ua Ben Hameda la no kekahi mea nawaliwali, a ua hele hoi kona helehelena a haikea, mamuli o ka ehaeha. i loaa aku iaia mai ka maka aku o ka pahikaua a ka Naita Siveria, e hoike okoa mai ana hoi kona ano maoli i ka nui maoli o kona hoomanawanui ana i na pilikia i ili aku maluna ona. / 1 ka noho ana iho o ua o Ben Hameda maluna o kekahi noho e ku ana ma ka aoao oka moe ka U'i Zenehira ua pane aku* la ua hapauea nei i ka i ana aku: "Auhea oe e kuu kaikamahine, na kau mau hana hookuli i kaualako aku ia kaua a elua iloko o na auwe ana, a ina no hoi paha i hana oleia e oe i keia hana, ina me neia nei,'eia oe ke luakaha nei i na haawina pomaikai, ame ria pulama ana mai ka Moi Mahope mai. Ua aneane loa no nae au e huikala aku ia oe i keia manawa, mamuli o ka maopopo ana ia'u na kela Naita maoli no i hoomahuka maoli^aku ia oe, aole hoi nau i holo malu mai kuu alo aku." "Mai hookau aku i na ahewa ana maluna o ka Naita Siveria," •i pane mai ai ka U'i Zenehira me ka leo koikoi. "O ko manao ana nana i hoomahuka aku ia'u mai kou hale aku, ua kuhihewa loa ia manao ana ou pela, no ka_mea maluna iho no o'u na hoahewa ana apau e pono ai ke kapa ia mai e oe. Ina he mau hoahewa ana a he mau huhu ana kekahi au maluna o kela kanaka hewa ole alaila e hookau mai ia mau mea maluna o'u a e auamo no au me ka hoomanawanui, a i lohe oe e kuu makuakane ea, ua makemake wale no ka Naita Siveria e hoōpakele ae ia'u mai na poino mai' e hoolalaia ana no'u." "Uwoki e Zenehira! mai hoopuka mai oe i kena mau olelo, o lohe auanei ka Moi Mahomeda alaila kau mai kekahi poino maluna o kaua a elua. Ua hoike aku au i ka Moi, ua lawe maoliia aku no j oe mamuli o ka limaikaika e kela Naita Kristiano, a ua manaoio j mai oia i ka'u mau olelo, nolaila mai hoao oe e hoike ae i kekahi mea e ili mai ai ka inaina o ka Moi maluna ou a maluna hoi o'u." "No keaha la oe e Ben Hameda i hele aku ai a hoopunipuni aku imua o ka Moi Mahomeda?" i ninau mai ai ka U'i Zenehira me ka piha huhu. "I imi aku hoi au i mea nou e pono ai, no ka mea ua punia ka Moi i ka inaina no ka lohe ana i kou mahuka ana aku mai a'u aku, aka hoi mamuli o kuu hoike ana aku iaia na Siveria i hoomahuka hiaoli aku ia oe, akahi no a akakuu mai kona mau manao uluku, a ua manaoio no oia, ua makemake no oe e lawe mai iaia i kane nana me ka manao hauoli." "Aole io paha kuu makemake iaia i kane na'u. Heaha la kou mea o ka ha'i pololei ole ana aku iaia, aole loa he wahi lihi hoihoi o'u e kaa aku malalo ona, ke Satana nui i hoonoho'ia mai ma ka honu nei." Auwe no hoi oe e Zenehira e! a hea la oe hoomaopopo mai no ko kaua pono! Ua uluahewaia anei oe mamuli o ka nui loa o ka fiva maluna ou, ke kumu i puka mai ai o kena mau olelo makona? Aole hoi oe pela mamiia, he akakuu mai no hoi kou mau manao, eia nae ke ike aku nei au ia oe, me he mea la ua uluhia oe i ke daimonio." "Aole au i uluhiaia e ka uhane ino, ak? ~au i hookonokono mai ia'u e hoopuka aku i na mea a'u o ke kamailio ana aku nei, au hoi i lohe pono ai me ko mau pepeiao." "Oia mau olelo hoi paha au o ka hoopuka ana mai nei ,he mau olelo wale no ia e hoehaehaia ai ka manao o ka Moi!" "Pela io no, oiai aole loa he wahi hoihoi iloko o'u nona, a mai hoouluhua mai oe i ko'u mau manao e Ben Hameda." Aoli i pau.