Ka Nupepa Kuokoa, Volume XLIII, Number 21, 22 May 1908 — MOOLELO KOMITE KIAI A KA AHAHUI C. E. O LIHUE. [ARTICLE]

MOOLELO KOMITE KIAI A KA AHAHUI C. E. O LIHUE.

Koho ke komite kiai o ka Ahahui Hooikaika Kristiano Mokupuni o Kairt\i ma ka luakini kahiko o Lihue, ma ka la 10 o Mei, 190S hora 11 a. m. no ka hoomaopopo ana i na lala ame na hoa ame ke koho hou ana i na iunanui o ka Ahahui Hooikaika Kristiano- o Llhue. e like me ia i hooholo Ja e ka Ahahui Hooikaika Kristiano Euanelio Mokupuni o Kauai. Na komite Kiai i hiki mai—J. K. Apolo, Lunahoomalu: W. Werner, C. K. Haae, Wm. Ellis ame J. K. Kapuniai na lala. Hoomaka ia na hana ma ka noho Lunahoomalu ana a J. K. Apolo me ka himeni ame ka pule a Rev. J. B. Hanaike, koho ia o W. Werner 1 kakauolelo no ka manawa. Noi mai o W. H. Rice, Sr., e ae ia aku oia e haawi mai i mau manao paipai ma-! mua o ka nee ana aku o na hana imua. Ua hoakaka nui mai ola (W. H. Rice Sr.,) e noi ana e hoopau i na manao ku-ee, a e noho iloko o ke aloha, noi mai o Mrs. Mary Rice e ae ia aku' oia e heluhelu mai i kekahi mau pauku baibala, ae ia a heluhelu mai oia ma Mareko 9:22-36. Na ka Lunahoomalu he mau manao paipai. Hoomaka ia ka hana e like me ka papa hoonohonoho hana a na komite, penei: Hoomaopopo ana i na lala kahiko i hikl mai imua o keia halawai, kahea ke kakauolelo i na inoa o na lala, a he 29 lala i hiki mai. Hoomaopopo ana i na lala komo hou mai, ame na lala i komo mai me ke ano huikau. Na ka hale i ka inoa o Mrs. Carrie Mallna, Mrs. Nane Kapuli, H&nnah Hoopii, Isaac Kahele, Keuma, Opio, ame Edwin M. Desha e lilo i lala no keia Ahahui, apono ia me ka lokahi. Hooponopono ka hale i ka inoa o J. Aiu, Mra. Ana Aiu ame J. Halemanu a apono loa ia he mau lala no lakou. Hoomaopopoia ke koho ana i na Luna nui e hoomaka ana ma ka Peresidena—na Mrs. Kahele i ka inoa o Wm. Eilis, na S. Kaulili ia P. Holi, nā J. H. K. Kaiwi la Mrs. Anna Aiu, kohoia ma ka haloka, koho ka noho ia J. Kapuniai ame C. K. Haae i mea ohi a helu haloka, a penei ke koho ana: Mrs. Anna Aiu 14 balota, Wm. Elli? 13 baloka, F, Holi 11 baloka; nolalla, ua kukala mai ka noho ua koho pono ia o Mrs. Anna Aiu i peresidena. Na Jas. K. Kaiwi ia Mrs. H. Hobron i hope peresidena, ua apono lokahi ia ma ka hookomo ia ana hookahi baloka, Na W. H. Rice Jr„ ia Edwin M. Desha i Puuku, aponoia, na Kaulili ia Allee Holi i kakauolelo, apono ia. Nana no ia Hana Holi ame Mrs. C. Malina i mau hoakuka aponoia. A eia na luna nui i koho ponoia: Mra. Anna Aiu, Peresidena; Mrs. H. Hobron, Hope Peresidena; Edwin M. Desha, Puuku; Aliee Holi, Kakauolelo; Hana Holi, Mrs. C. Malina, hoa kuka. Kauoha ke komite ma o ka noho la e hoonoho koke ia na lunanui, a ua kahea pakahi ia na lunanul e ku lluna. Mahope iho o ke mele ia ana o ka himeni 5 ma ka Leo Hoonani me ka eehia nui, ia wa 1 haawi aku ai ka Makua Rev. J. B. Hanaike i na olelo a ? o me ka eehia nui, e kuhikuhi apā i na lunanui i ke kahua e loaa ai ka ikaika no ka hoonee ana i ka l-'hahui imua, a pela pu mai no ka lunāhoomalu o ke komite, pau keia ua haawi mai la ka" Rev. S. Kaulili i ka pule hoolaa me ka ihiihi nui a hookuu ia ka halawai me ka himenl ame ka pule a ka 'Rev. J. B. Hanaike atne ka pule a ka Ahahui mahope iho o ka pule hookuu, ua lululima hoolaulea na lala na hoa ame na makamaka, na hoaloha me na luna nui hou. W. WERNER, Kakauolelo no ka manawa a na Komite Kiai A. H. K. Mokupuni o Kauai.