Ka Nupepa Kuokoa, Volume XLIII, Number 21, 22 May 1908 — KUU POKII HELE LOA. [ARTICLE]

KUU POKII HELE LOA.

E ke Kuokoa, Aloha op:—E oluolu oe e hookomo ilio ma kahi kaawale 0 kou kino iahilahi i kela mau lalani e kau ae ia maluna i ike māi ai na kini ame ka ohana e noho ana ma ka La puka ma Kumukahi a ka wolona a ka la I Lehua no kuu poJtii hele loa walohia wale hoi a. Ua pauaho mai o George Kaonohiokala Kaauwai i ka la 10 o Mei nei ma Hawi Mlli I ka iwakalua-Kumama ono o kona mau makahiki. Ua hanau ia kuu pokii ma Kahei, Kohala Akau I Malaki 10. 1882 mai ka puhaka mai o ko makou mau makua i hala mua aku oia hoi o Mr. David W. Kaauwai ame Mrs. Kaiimahana Kaauwai. He eha ko makou nui. he elua maua kane, he elua hoi wahine, aka ua hala lakou ekolu ma o o kela Kanaana hou e hoolohe ana hol i ka pu a ka Anela,a ka Haku, A ko ae la ka mea a ka Buke Nui i hoike mai ai "I hele kohana mai no au mal ka opu mal o ko'u makuahine a e hoi' kohana aku no au i ona Ia e hoonaniia Kona inoa, nana no i haawl mai a nana no 1 lawe aku. _He kelki hoopono oia a he hooikaika I ka hana a ka Haku a moe wale* aku la he oluolu, aole ona hookiekio i kona mau ohana apau, ua hoonaauao ia oia ma ke kula o Ainakea ame Ka olelo naauao a ka Haku. Ke haawi pu aku nei hoi au I ko'u mau hoomaikai palena ole i ka Hui Hookani Pila o Hawi no ko lakou lawe ana i na hoolilo o ka hoolewa o kuu pokii maluna iho o lakou a peia pu no hoi au e hoomaikai pu nei i na poe 1 lawe mai i na makana pua no kuu pokii a pela hoi i ka poe i ukali aku mahope o kona huaKai hope loa. Na ka Makua Misiona M. Bush ame ka Peresidena Mahoe 1 lawelawe kona haipule hope a moe aku la ia i kona Home mau. Owau iho no me ka luuluu, L. K. K. KAAUWAI. Honoipu, Kohala Akau, Mei 15, 1908.