Ka Nupepa Kuokoa, Volume XLIII, Number 21, 22 May 1908 — KA NAITA SIVERIA Ke Ahikanana a o ke Kaeaea o Leona AME Ka U'i Hoomahie Zenehira. [ARTICLE]

KA NAITA SIVERIA

Ke Ahikanana a o ke Kaeaea o Leona AME Ka U'i Hoomahie Zenehira.

MOKUNA XIII. "Aole loa au i makemake e lohe aku ka Moi i keia mau olelo au, a no ka mea eia kou ola iloko o ka poho o kona lima i keia manawa, a eia pu hoi me ko kela Naita Kristiano,-ke waiho ia malalo o ke koilipi a ke kanaka oki poo." "Ua manao anei oe e hoike mai ia'u e aa ana ka Moi Mahomeela e pepehi i ka Naiia Siveria a maker" i ninau mai ai ka U'i Zenehira me ke ala ana mai a noho iluna o kona moe. "Ua( paa loa kuu nianao pela, no ka mea ua hoohiki ka Moi e lawe mai i kona poe ma ka la e lilo aku ai oe i wahine mare nana. ? ' Na keia mau olelo hope a Ben Hameela i hooku aku i ua U'i la o Ganada maluna o kona mau kapuaiwawae a hele maoli mai la oia a ku imua o kona makuakane, a pane mai la: "Ina pela iho la ka olelo hooholo a ka Moi Mahomeda ea, alaila e hoolohe mai oe i kuu nianao," me ka hulili o kona mau maka i ka piha inaina, me he mea la e puka okoa mai ana ke okooko ahi mai kona mau maka-mai. "Ina ua paa ka manao 0 ka Moi Mahomeda e lawe ae i ka hanu ola mailoko ae o ka Naita Puuwai haokila, ka mea nana i hoohoka aku i kuu makuakane ma ke kahua mokomoko, alaila e hele aku oe a hoike aku iaia i keia manawa, o ka U'i Zenehira auanei kekahi e moe pu aku ana ma ka aoao o ua Naita la. Mai kuhihewa oe he mau olelo hoopunipuni wale no keia a'u, aka ua puka aku ia mailoko aku o kuu puuwai." x Me he anapu ana la na ka uwila mai ka lani mai kela mau huaolelo i ka pa pono ana aku ma na pepeiao o Ben Hameda, ke haawi la hoi oia i kana mau hoomaikai ana no ke koa ame ka wiwo ole o keia kaikamahine e halawai aku me ka hopena weliweli e kakali mai la no ka Naita Siveria. Aka hoi no ka imi ana aku i mea e oluolu ai ka manao o ka Moi, a e kau ole mai ai kona inaina maluna o ia nei, nolaila, ua hoopoina ae la oia i na mea ana i lohe ai mai kana kaikamahine aku, a pane hou mai la ma ke ano hoomalimali: "Ua ulupuni maoli no oe e Zenehira i na manao maikai ole, mamuli paha o keia moe loihi ou iloko o ka ma'i no keia mau pule loihi, a manao au, ina no e oluolu maikai mai ana oe, alaila pela no e "hoi hou mai ai kou mau manao apono no ka lilo ana mai o ka Moi i kane nau." "Mai kuhihewa kou jjianao e Ben Hameda no ko'u ano, he oia mau no ka maikai ame ka lana malie o ko'u mau manao, e like hoi me ka lana malie ana o ka wai o ke kahawai mahope iho o ka hoalealeia ana o kona wai e kekahi makani puahiohio." Ua hookaawale koke mai la o Ben Hameda mai ka U'i Zenehira aku, a ua kau aku hoi ka weli iaia. mamuli o ke ano o ka nana ana aku a Zenehira maluna ona, a oia no hoi ka manawa a Zenehira 0 ka pane hou ana aku i ua Ben Hmcda la: "O hele a hoike aku i ka Moi Mahomeda no na au i lohe ai mai a'u aku, a e hooi loaia aku auanei ke aloha o kona mau makaainana iaia ke ike mai i ke kino 'puanuanu o ka mea e kamailio aku nei ia oe, e waiho ana maloko o kona mau wawae." "E hamau e kuu keiki, no ka mea aole i maikai kou noonoo i keia manawa! E hoi noluna o kou wahi moe a e hoopoina i na mea 1 kamailioia e kaua i keia la, a na\t no hoi ia e ha'i aku ia Mahomeda, no kou pilrkia, a manao no hoi au, ua hiki no iaia ke kakali malie a hiki i kou oluolu ana. "Ua kuhihewa loa kou manao ana mai e Ben Hameda, ua olalau ko'u mau manao, oiai eia no au ke ku aku Ia me he mea la ua ahuwale na mea "e hoolalaia mai Ia e ka Moi Mahomeda no ko'u hepena." "Mai hoopaakiki oe e Zenehira e noho iho ilalo, a aia a loaa ia oe ka oluolu maikai, alaila e ano e auanei kau mau mea e kamailio mai ai ia manawa. "Aole anei ou minamina i kela mau pomaikai mii a kou makua nei e kau nui aku nei o ka hoea mai maluna ou, a e ola hoi kou makua nei ia oe?" Ua puili ae Ia na lima o ka U'i Zenehira ma kona mau maka, a noho iho la oia ilalo, maluna o kona noho, no ka mea he makehewa wale no ka" noke mau ana aku i ka hoike i kona ano maoli imua o kona makuakane oiai aole no oia e manaoio mai ana ia mau mea. Ke paa loa la no kona manao e hiki mai ana i ka wa e moe pu a' oia me ke kino make o'kana aloha, a iaia nae i hoomaopopo ae ai 110 keia noho honua ana, aole ana mea e ae e hauoli ai, o kona. lilo wale aku no i hoapili mau no ka Naita Siyeria. No ka pane ole mai nae o ua U'i Ztnehira Ta i keia mau olelo a Ben Hameda, ua i hou aku la ua hapauea hoopilimeaai nei. "E hele aku ana au a hoike aku i ka Moi Mahomeda ua ma'i loa oe a e kakali malie no hoi oia a hiki i kou oluolu ana, alaila iu manawa oia e kii mai ai ia oe, a lawe aku no ka halealii." "Ina oia iho la kau mea e hele aku ai e hoike i ka Moi ea, alaila ke kalokalo ae nei au i na lani, e kaili aku i ke ola e paa nei iloko 0 kuu kino." "He mau kuko palaualelo wale no ia au e kuu kaikamahine, nawai hoi ke noi ara aku ia Alahe e kaili aku i ke ola, ka mea i haawi waleia mai ia oe, a he mau wahi la kakaikahi wale no koe, alaila hoi mai kou ola kino inaikai o na la i hala ae nei?" "Alaila i ka wa hea o Mahomeda i manao ai e hooli'o aku ia'u 1 wahine mare nana?" "I ka manawa e loaa ai ia oe ka~ikaika kupono no ka hoi ana aku a noho pu me ia maloko o ka halealii." Ua kunana iho la o Ben Hameda no ke" ano 0 kana mea e pane aku ai, a komo koke mai la no ka maaao kolohe iloko ona, e hoopunipuni aku oia ia Zenehira i mea e hookoia ai kona manao, a oia hoi kana 0 ka pane ana aku: "0 ka mea huna a ka Moi i hoike mai ai ia'u, oia no keia: Ua hooholo kona manao, ina oe e lilo ak« ana i wahine mare nana, a hoike aku hoi oe i kou aloha iaia ame kou hooko i na meia apau nona e hauoli ai, alaila e hookuu laelae ana oia i ka Naita Siveria, aka hoi ina e paa mai ana oe i ka uahoa, a hoike maoli mai i kou mau man&o hoowahawaha nona, alaila o ka wa no ia e make ai o Siveria." "Ea e Ben Hameda, ke hoopunipuni maoli mai nei oe ia'u, i wahi es hookoia aku ai o kou mau makemake e keia kanaka hoopilimeaai." "Aole paha ia he hoopunipuni, o keia ka mea oiaio maoli a T u e ha'i aku nei ia oe, a o ke ola ame ka make hoi o ka Naita Siveria aia ia maluna ou," aka nae hoi aole e hiki ana iaia ke ike mai aia kekahi mau hoohuoi no ka oiaio o keia mau mea a kona makuakane e hoike aku nei iaia, a mamuli no hoi o kona kamaaina' i ke ano ame ka oluolu o Ben Hameda, ua-manaoio mai Ia no Oia ua hoike aku oia i ka mea oipio. "Aole au e hookikina wale aku ana ia oe e ka U'i Zenehira e hele ao kaua e mare me ka Moi Mahomeda," i hoomau hou aku ai o Ben Hameda i kana kamailio ana? I hoike aku no nae au ia oe ea, lie makemake ka Moi e hiki koke mai ka la no olua e mare ai, a oiai nae ua hele oia a piha huhu loa no ka Naita Siveria, aka e uhi pu ia

aku ana ia mamuli o kona nui aloha ia oe. Ina e ike mai ana kela i kou paakiki, ua ike no oe i ka hopena e kau aku ana maluna ou, a na kou lunaikehala ponoi no e hoike ae i kau mau mea pono e hana aku ai, a e alakai ia hoi oe e kou mau manao maikai. "Ina aole i lawehala ka Naita Siveria, aia no ia oe ka hookuti laelae ae iaia niai na hoopilikia ana aku a ka Moi maluna ona, no ka mea he mana kou e kauoha aku ai i na kanaka o Mahomeela e huikala ae iaia a aole mea a ka Moi e hoole mai ai, oiai ua hookoia aku kona makemake ma kou lilo ana aku nana." "I ka wa hea o Mahomeda i makemake ai e lilo aku au i wahine mare nana, a aia hoi ihea kahi i hoopaaia ai o ka Naita Siveria?" "I keia hora no a kaua e kamailio pu nei oia i makemake ai e lawe aku ia oe ina he maikai kou ola kino, a oiai hoi aole au i ike aku i kou oluolu maikai, nolaila i ka wa e hiki ai ia oe ke hele holoholo me ka hoi ana mai o kou mau manao maikai apau. "A no ka Naita Siveria, eia oia maloko o ka halepaahao e paa mai nei i keia.manawa a mai hopohOpo oe nona, no ka mea eia no oia ke kiaiia nei a ke malamaia nei me ka maikai." "Ina o keia mau mea apau au e hoike mai nei ia'u a he mau olelo hoopunipuni wale iho no nau, alaila e kau aku no na hoehaeha ana he nui maluna ou, a aole hoi e loaa he maha a he oluolu iloko q ke koena ~aku o kou mau la o ke ola ana." "Pehea hoi e hiki ai ia'u ke hoopunipuni aku i ka'u kaikamahine ponoi," walii a Ben Hameela me ka leo kuoo, oiai nae ua hele kona mau maka a wiwo i ke kau pono īnai o ka nana ana a kana kaikamahine maluna ona, a oia hoi kana o ka pane ana aku: "Aole au mea e hopohopo ai no keia mau mea a'u i kamailio aku nei ia oe, a e ike aku ana no oe i ka mea oiaio." "Ina pela ea, e hooko aku ana au i ka makemake o ka Moi," a hina aku la ka U'i Zenehira noluna o kona moe, a hiki hou ole i kona ir.au lehelehe ke hoopuka mai i kekahi mau huaolelo. Ke noke iho la o Ben Hemeda i ke kahea i kana kaikamahins, ke hoonioni iho la oia r-kona poo, aole nae he wahi mea a nana mai o %ia U'i la o Ganada maluna o kona makua, a o na waSm)aka ka i pane e hoike mai ana i ka nui o ka ehaeha ame ke kaumaha no kona mauna ana aku iaia iho e lilo aku na Mahomeda i wahi e hoopakele ia ae ai ka Naita Siveria e like me kana e manaoio loa nei, i na mea ]a Ben Hameda i hoike aku ai iaia. No keia maliu ole aku o Zenehira i na leo uwalo a hoomalimali o Ben Hameda, ua haalele okoa mai la oia i ka rumi o kana kaikamahine, a ia Zenehira i noho hookahi iho ai, ua ala mai la oia iluna me ka hoopili ana mai i kona mau lima ma kona umauma. Hele mai la kona helehelena a keokeo pu, a me he mea la aole he koko iloko o kona mau aa koko, a o na huaolelo i puka ae mai kona mau lehelehe mai, oia keia: "Auhea oe e ka Naita Severia, ka mea a'u i hookaa aku ai i ko'u mau manaolana apau maluna ou no kuu hauoli, no ka imi ana aku i kou pono, a no ka panai ana aku i kau mau hana maikai i hana mai ai no'u, ke molia okoa nei au ia'u iho nou, a nou wale no. "Aole au e ae aku ana e lilo i luahi na ka make, no ka mea he alaheie loaa wale aku no ia ia kaua. E ola aku ana au, a e ike aku i ka wili ana mai o ka nioo i kuu nui kino, me kon'a kiki ana mai i kona mau wai awa, aka e lilo no nae i mea no kuu uhane e liauoli ai, ka hoomanao ana ae, ke ola nei au no ka hoopakele ana ae ia oe e ke aloha. "He hopena awahia keia a'u e auamo nei no kaua a elua, aka o kuu ike ana aku i kou hookuu laelaeia-ana ae, he mea ia e loaa mai ai o ka ikaika hou iloko o kuu kino. Malia paha aole no kaua e halawai hou aku ana, aka aole he mea nana e keakea mai i ko kaua hui pu ana ma ka lani." I ka pau ana o kela mau hopunaolelo i ke kamailioia e ka U'i Zenehira, ua haule iho la kona mau lima ma kona aoao, a moe aku la kona poo maluna o ka uluna, me ka hoopuka mau ana i ka inoa 0 ka mea ana i aloha ai. Mai hoopilikia wale aku kakou i ka U'i Zenehira iloko o keia manawa o na manao kupilikii e hakoko la iloko ona, aka e kiei iki aku kakou maloko o ka halepaahao, pehea aku nei la ka Naita Siveria. MOKUNA XIV. He hookahi pule i hoohalaia e ka Naita Siveria maloko o kona iumi paahao, a ua ike hoi i na inea o ia noho pio ana, a aole no nae 1 hao iaia ka noke mau ana aku i ka ninau i ke kanaka nana e lawe aku ana i kana mau mea ai, ka loihi o kona manawa e noho ai, alaila hookuuia aku oia mai ka noho pio ana. Oia ninau hookahi no kana e ui aku ai i ka lunapaahao, a ht hookahi fio a laua pane, aole laua i maopopo i kekahi mea e pili ana no ia nei, aole no ka la e hookauia mai ai ka hoopa'i maluna ona, a oki loa aku hoi ka maopopo ana e hookuu laelaeia aku ana oia mai kona wahi paa aku. I kekahi kakahiaka nae, aia. no ka luna paahao ke noho la maloko o kona wahi keena, o kona puoho ana mai no iā mai kona hiamoe mai, a e noonoo ana no oia no kana moeuhane o ia po iho, komo ana kekahi kanaka elemakule i kahikoia me ka lole o ke kahunapule, ua hele hoi kona man papalina a alualu, a e kalele ana hoi -maluna o kona kookoo. "E hookauia aku na hoopomaikai ana maluna ou e kuu keiki," i pane aku ai ua elemakule la ia Tarika, ka Lunapaaliao. "Ke haawi aku nei au ia oe i ka'u mau hoomaikai ana," walii a Tarika me ka leo oluolu. "E ka Lunapaahao, i hele mai nei au e ike i kekahi o kau mau paahao a'u i lohe wale ai eia oia maloko o ko oukou halepaahao," i hoomau hou aku ai no ka elemakule malihini. "Ua maopopo no nae paha ia oe kona inoa?" i ninau mai ai ka lunapaahao. "Aole i loaa ia'u kona inoa, aka ua lohe wale no nae au, he Kristiano oia. Aole no hoi i maopopo ia'u kona wahi o ka hele ana 'mai, aka ua lohe wale no nae au i ka nui o kona ikaika ame kana mau hana koa, a o na kanaka o keia ano ka'u i makemake loa ai e hui pu, a e kamailio no na mea e pili ana i kona hoomana, no ka mea he kahunapule ka'u oihana." ? "A pehea ina e hoohulihuli mai ana oia ia oe a lilo aku i Kristiano, e ae ana no anei oe e komo aku ma kona hoomana? Aia a maopopo mai kau pane, alaila hiki ia'u ke ae aku a ke hoole aku paha i kau noi." "Aole loa i ae mai o Alahe, e lilo aku au i ke alakaiia e kekahi kanaka hana hewa e like la me keia paahao a'u e makemake nei e ike aku," wahi a ua kahunapule elemakule la. "Aole au i ike, he mau kumu kupono ole kekahi, a i ole hoi ia ua pili paha ka hewa ia'u ma ka ae ana aku ia oe e hele aku e hui I pu me ia," wahi a Tarika. | "Ke waiho aku nei no au nau no e hooholo i kau mea pono e hana mai ai no'u, ina no ua manao oe he mea hiki ole ia'u ke ike aku iaia, e hele aku no au mai kou alo aku me ka naau luuluu, a ina hoi he mea pono i kou manao ko'u hele ana aku e kamailio pu me ia, alaila aia no ia i kou manao." "Aole e hiki ia'u ke hoole aku i kau noi e ke kahunapule ffiaikai," i pane mai ai o Tarika. "Ke hoomaikai ae nei au ia Alahe no ke alakai ana i kou lunaikehala a haawi mai i ka iloko ou e apono mai i ko'u hui pu ana aku me kau paahao." No ke ano nawaliwali o keia elemakule i ka nana aku, ua i okoa aku la ka lunapaahao: "Ho jnai i ko lima, a na'u e alakai aku oe imua ona." "Ua hiki no ia'u ke kuo'e malie aku mahope ou, ina e hele aku ana oe mamua. He elemakule no au, eia nae hoi aole no i palupalu loa, a ua hele nae ko'u mau lima a haālulu, a ma ka lokomaikai wale no o Alahe i hooloihiia ai ko'u mau la ma keia ao. Aole I pau.