Ka Nupepa Kuokoa, Volume XLIII, Number 23, 5 June 1908 — POKOLE I NA METALA ILIO. [ARTICLE]

POKOLE I NA METALA ILIO.

He mea pahaohao i ka nana aku pehea la i pokole ai na metala ilio i keia makahiki, ua nui loa hou ae nei anei na ilio a i ole ua haawi paluaia aku anei na metala i ka poe hookaa auhau-ilio. Iloko o na mahina mua elima he iwakalua-kumamakahi haneri metala i haawiia a ke hele mau ae nei no naē kekahi poe e noi i mau metala ilio hou i kela ame kela la. A mamuli o ka pokole o ka rumi auhau i na metala ilio, ua kauoha aku nei ka Hope Luna Auhau Neley i mau kokua mai na mokupuni e ae. Ua kauohaia aku nei na metala ilio i Kauai, Maui, Hawaii a ina e hiki mai ana alaila paha lawa na ilio metala ole o Honolulu nei. TJa loaa mai Wailuku*mai he haneri ame iwakaluakumamaha ma ka Poaono nei a ua manao ke keena auhau ua lawa iho la ia heluna no keia mau la.