Ka Nupepa Kuokoa, Volume XLIII, Number 23, 5 June 1908 — HAAWIPIO MAHOPE IHO O KE KAUA ANA NO 120 MAKAHIKI. [ARTICLE]

HAAWIPIO MAHOPE IHO O KE KAUA ANA NO 120 MAKAHIKI.

HERMOSILLO, Iune 1.—Mahope iho o ke kaua ana no na makahikl he 120 ua hooholo ka lahui Iilikini Iakui e hoopau 1 ke kaua ana me ke Aupuni 0 Mekiko. O ka- lahul Iliklni Iakui kekani o na lahuikanaka nui e noho ana ma ka Akau Komohana o Mekiko, i ikeia 1 keia ia ka Okana aina o Sonora e moe la ma na kapakai o ke Kaikuono o Mekiko a e holo ana a komo loa i ka Akau i kahi i ikeia i keia la o Kolorado. Ina la e noho lanakila ana na Panioio aneane eha haneri makahikl 1 kaahope aku ua manao wale ia ua hiki aku ko lakou huina 1 ka 300,000. A iloko o na makahiki elua a ekolu paha haneri i kaahope aku ua komo mau keia lahui i ke kaua me ka poe Paniolo ame ka Mekiko. He ano lahui malamalama iki ae keia i kekahi lahui Ilikini iho i kapaia ka Apake (Apaches) a ma ka hoomanawanui, ka punikoko ame ka wiwoole he like loa no. I keia la o ko iakou heluna ua emi loa mai a ka 15,000 a o ka hapa nui o lakou aia malalo o na Awawa 0 ka Okana aina o Sonora. I ka wa kaua e oloio hele ana iakou ma na kualono ma na awawa ma na wahi o lakou wale no ke ike i na alanui kikee a pela aku. Iloko o iwakalua a oi makahiki i hala me he mea la aohe wahi maka-> hiki hookahi i nele i na nupepa i ka hoolaha i na kaua lehulehu a keia lahui i hooili ai maluna o ka poe eli gula a lanahu a maluna pu o ka poe Mekiko e noho ana ma na wahi like ole. A i kekahi manawa i ka wa e hahai hele ia aku fii iakou e na likoa. Mekiko a. hee ana lakou a hiki 1 ke komo loa ana aku i na palena aina o Amerika Huipuia. Ua hoakaka ae kekahi mea kakau i kekahi moolelo pokoie no iakou penei: "Aole lakou i komo mau loa i ke kaua. Iloko o ka hale mua loa a'u f komo aku ai e ku ana kekahi pu ralfeia i kahiko ma ke kihi o kekahi haie. He kamaa ko ka ohana apau e noho ana oia hoi he makuahine me na kaikamahine iiilii ekolu me na holoku kalakoa maemae. O ko lakou hoi ana mai no ia mai ka pule mai no.ka mea he la pule ia. He lehulehu na hale e ae I komo ia a i ko'u ike ana ua kahaha loa ko*u naau no ka mea, ua kaulana keia poe i ka noho naaupo, aka nae ma ke ano o ko iakou noho ana ma na home he maemae maoii, he kulana o ka lahui i hoonaauaoia. He ano kiekie ae na kane ame na wahine i ko ka poe Mekiko. O ka hapanui o lakou he poe ioloa me na kino Ikalka maikai. He maikai ko lakou mau helehelena o na maka he nunui, he pololei ka ihu a o ko lakou mau nTho he aiai e like me ka niho ele-