Ka Nupepa Kuokoa, Volume XLIII, Number 23, 5 June 1908 — KU-E KA HUI O NA LIMAHANA I NA LIMAHANA ASIA. [ARTICLE]

KU-E KA HUI O NA LIMAHANA I NA LIMAHANA ASIA.

Ua loaa mai i ka Luna Nui o na Hana o ka Lehulehu, Martson Cainpbell he leka a ua waihoia aku i ka Loio Kuhina no kona manao kanawai no ke ku-e i ke kanawai ame ka ole, a nana ia e noonoo akahele iho a hoakaka ae. Penei ka mea ano nui o ka leka: Honolulu, Mel 27, 1908. Mr. Martson Campbell, Luna Nul o na hana o ka Lehulehu, Terltore o Hawaii, Aloha: —Ma o ka Peresidena la, ke waiho aku nei ka Hul o «a Limahana o Honolulu 1 ka lakou hoohalahala e ku-e ana ia A. P. McDonald ka mea i lilo al ka aelike no ke kukulu ame ka hoopau pono ana i na hana o ka "Hale Hookolokolo" ma Wal luku, Maui, malalo o kekahi aelike me ke aupuni Teritore i hanaia ma ka la 17 o Sepatemaba, 1907, a o McDonald i oleloia, ua ku-e oia i na kumu o ka aelike mamuli o kona hoolimalima, a i ole ae a hookomo ana maJ i ka hana, ma ke kukulu ana i ua hale la, i na kanaka i hookupa ole la no Amerika Huipuia a ua ku-e ia hoi na hoakaka a na Pauku 123-124 o na kanawai i hooponopono houia o Hawaii. A mamuli o ka noii ponoia ana ua ikeia o ka 'hapanui o na lako o kela hale hookolokolo oia na puka aniani, j na pani puka, na kikina puka, na peā- i pea, na puka pa a pela wale" aku, ua hanaia e ka poe 1 lilo ole i mau kupa Amerika, oia hoi na lahui Asia, me ka ike no o McDonald a i ole mamuii no paha o' kana kauoha i hanaia al kela niau lako apau. A no ia kumu, ke noi nei keia hui e lawe kokeia keia kumuhana a e noonoo, akahele ia e kou hanohano, me ka manao e hooko la ka makemake o ke kanawai a e hoomalu ana 1 na pono o na kupa Amerika maoli a ina ua ku-e ia ke kanawai e kauia na hoopa'i i hoakaka ia e ke kanawai. Ke ku makaukau nei ka Hui o na Limahana e hoolako aku la oe me na olelo Ike kupono, a 1 kekahi luna aupuni e ae paha ke uila J»ai, a e waiho aku i na inoa o na hoike kupono e kakoo.ana i ka oiaio o kela hoopil. HUI O NA LIMAHANA O HONOLULU, Ma o J. F. MeMUOHLIN,