Ka Nupepa Kuokoa, Volume XLIII, Number 24, 12 June 1908 — LOAA KA LUNAKANAWAI HOU O KONA HEMA Hookohuia Mai o Robert Makahalupa e ka Lunakanawai Kiekie no ia Kulana. [ARTICLE]

LOAA KA LUNAKANAWAI HOU O KONA HEMA

Hookohuia Mai o Robert Makahalupa e ka Lunakanawai Kiekie no ia Kulana.

Ma ka Poakahi nei i hoopuka mai ai ka Lunakanawai Kiekie Hartwell i ka hookohu lunakanawai apana no Robert Makahalupa no ka Apana o Kona Hema, Hawaii. Mailoko mai o na palapala noi lehulehu i waihoia mai no keia kulana. o Makahalupa ka ka Aha Kiekie i wae ae al i mea nana e hoopiha aku i keia kulana, ke kulana hoi i waiho muaia aku ai ia Lunakanawai J. L. Kaulukou. He keiki papa a he kupa oia no na Kona, oiai ma Keauhou, Kona, Hawaii, kona one hanau, a ua kamaaina wale no oia i ka hapanui o na kanaka 0 na Kona mai kekahi pe'a a kekahi pe'a o ka aina. Iloko o kona mau la opio, ua hoonaauao muaia oia maloko o ke kula helela o Keauhou, malalo o Haluapo, ame L«unakanawai Hoapili, a i ka wa 1 ku ae ai o ke kula wae a ka Mea Hanohano Pilipo, ua komo aku la no oia maloko o ia kula. Mai keia kula aku i hele aku ai oia no ka hoomahuahua ana i ka naauao ma lJihainaluna, "ka ipukukui pio ole i ka Makani Kauaula," a iaia i puka jmai ai mai keia kula mai, ua noho «ia ma ke ano kumukula no Kona-wae*. I ka hakahaka ana o ka noho kumukula no Keauhou mamull o ka walho ana o J. L. Kaulukou ia kulana, oiai oia ka mea e noho kumu ana, nolaila ua hoi mai la oia a noho i kumukula no kona one hanau ponoi. 1 No kekahi manawa loihi kona lawei lawe ana i ka oihana kumukula, a haalele aku oia ia hana, no ka holo ana mai no Honolulu nei no ke a'o ka-' nawai ana. Ua noho hou no nae oia he kumukula ma Kawaiahao no na makahiki | eono a walho aku oia ia hana no ke komo ana ma ke a'o kanawai. j Ua noho pu oia me J. L. Kaulukou, no ke a'o kanawai ana, me J. M. Poepoe ame W. R. Kakela, a ua loaa mai kona laikini loio iloko o na aha apana liloko o ka makahiki 1884, a he eono ona makahiki o ka la,weiawe ana i ka oihana loio maloko o ia mau aha, ua loāa mai la kona laikini piha e ku loio ai imua o na aha apau o keia» Teritore, a mai ia manawa mai a hiki! wale i keia hookohuia ana aku la ona i lunakanawai no Kona Hema, ua piha iaia na makahiki he iwakalua-kuma-

maha o ka lawelawe ana i ka oihana loio. I ka wa e noho lunakanawai ana o Kaulukou no Koolau, ua hookohuia aku oia i lunakanawai i ka wa i holo. aku ai o Lunakanawai* Kaulukou no lapana. Ma ia hope mai, ua hookohuia aku oia 1 Hope Makai Nui no Koolaupoko, a iaia i waiho aku ai ia kulana. ua hoi ae la oia a noho lunakanawai no ka Apana o Ewa. Mamuli o kona ano kuokoa, a hoopilimeai ole malalo o na haole e hoohana ana i ka mahiko malaila, ua liio ia i mea ku-e ia nona, a mamuli o ia kuee mawaena ona ame kolaila poe haole, i waiho okoa aku al oia i ka hana. O ieekahi o kana oieio kaulana ia au e noho lunakanawai ana, o ia no kana pane, "Aole au i kohoia mai ma keia wahi no ka nana ana ma ka ill." - laia i haalele aku ai i keia noho, ua hoomaka hou oia i ka lawelawe ana i i ka oihana loio, a ua hoi aku hoi a noho ma kona one hanau ma Kona, a iloko o kekahi mau mahina pokole wale ae nei no i hala i holo mai ai oia a noho ma Honolulu nei, a hlki wale hoi i k«la hookohuia ana aku la ona i lunakanaw^i. hka lohe ana o kekahi o na kanaka j '.o >na Kona i. hull hoi aku la ma ka Mauna Loa o ka Poalua nei no keia hookohuia ana mai la o Robert Maikahalupa i lunakanawai no lakou. ua piha loa lakou me ka hauoli, a wahl a kekahi o lakou, "Akahl no a loaa ia makou ka iunakanawai hoopono, a naauao." r '• Ma ka Mauna Loa o keia pule ae e hull hoi aku ai oia no na Kona, no , ka lawe ana ae i kona kulana hou. j O ke kumu o keia hooka'ulua iki ana ' ona, no ke kali ana a ike i ka hookuuia J iana o kana keiki mai ke kula mai o! Kamehameha, a e lawe pu aku ana i | oia iaia i kokua ma kana mau hana. I

! SAN PEDRO, lune 6.—Mnmuli o ke j pa-hu ana o na paipu mahu oluna o [ ka mokukaua Tennessee, oiai oia e holo hoaoia ana ma ka umi-kumama-iwa mile i ka hora, ua make he eha kanaka; elua i hoehaia a he eono i moa i ka waiwela. Pakeie ka Adimarala Sebree oiai he minute wale no kona o ke kaawale ana aku a pa-hui ai. i