Ka Nupepa Kuokoa, Volume XLIII, Number 25, 19 June 1908 — KA LA 11 O IUNE MA KE KAHUA MA'I. [ARTICLE]

KA LA 11 O IUNE MA KE KAHUA MA'I.

I ka Eiele mama a Lahui, ka Nupepa Kuokoa, Aioha no:—Ma ka wehe ana mal o ke alaula ua ike ia aku na paia lani ua kalae e pa aheahe ana ka makani he Moae. Ma ka hora 6:30 ua hlki ae ka huakai o ka Hui pa-u o na wahine i noho Peresidena ia e Mrs. M. Notley ma Kalawao maluna o ko lakou mau lio me na pa-u ulaula i humu lau ia: na pa-u melemele, kaiina a pela waie aku. Ma ke poo o ka huakai e welo haaheo ana ka hae Hoku o Amerika. Ua wehi na lala o ka Hui me na lau uliuli o ka wao, na pua poni moi e luhe ana ma ka a-i a ma na papale, a e kikepa ana ma ka aoao. Ma ka huli hoi ana aku o ka huakai ma ka Home o ka Peresidena o ka Hui ike ole aku ka mea kakau ma ia wahi. Ma ka hora 10:15 ka'i hou ka huakal no Kalawao no ka lua 0 ka manawa e holo ana kela» keia nona iho a nahaha ka huakai. Ma ka hora 2 p. m. ua hoomaka ka paani kinipopo mawaena o GoodEye ame Baldwin Home, a penei: 1 - 123456789 Good-Eye 2 0342410 o—l6 Baldwin Home 2 3300420 o—l4 Nul na makaikai i hiki ae i ke kahua kinipopo aia maWaena o 3 ame 4 haneri. Ma kā hora 3:30, ua hiki ae ka huakai a ka Hui hoio pa-u mawaho o ke kahua kinipopo e kaapuni ana kekahi hapa o ka hui i ka paka, e holo ana kekahi hapa no Iliopii. He mau paina liilii i malama ia e kekahi poe ma ko lakou mau home a he mau hauoll ana a ma ka aluna ahiahi, ua ike ia na poe hoio lio ma j na alanul o ke kahua ma'i e hoio ana 1 uka i kai. Me na keikl hua mekala ame ka Lunahooponopono ko'u aloha nui. Kou oiaio, S. K. M. NAHAUOWAILEIA. Kalawao, Molokai, lune 12, 1908. I ka la 19 o ka mahina o lune, 1813 I kukalaia ai ke kaua mawaena o Beritania Nui ame Amerika, a hanaia hoi ke kuikahi panaiiike i ka makahiki 1815, i ka la 18 o ka mahina o Feberuari. '