Ka Nupepa Kuokoa, Volume XLIII, Number 26, 26 June 1908 — KAKAUOLELO GARFIELD ME KA NINAU AINA AUPUNI. [ARTICLE]

KAKAUOLELO GARFIELD ME KA NINAU AINA AUPUNI.

— Ma ka ninau pili ina aina aupuni oke Teritore Hawaii nei, e lialawai aku ana me Kakauolelo Garfield o ke keena Kalaiaina ka ike, aia ma kahi o ka 4,50,000 ka nui o na eka aina aupuni e waiho nei ma kela ame keia mokupuni a puni ke Teritore, a mailoko ae o keia heluna eka,.he 200,000 i hoolimalimaia aku no na hana kanu ko. Ke loaa nei ia Hawaii he hookahi wale no hapakolu o na mea i manaoia e loaa mai i ke aupuni mai kela mau eka aina mai, mamuli 0 ka loaa ole o kekahi kanawai aina maikai. Ina e hui puia aku ana na wahi i kanu oleia i ke ko, me na aina 1 kanuia i ka halakahiki, ka malina, ka pulupulu, ka paka ame ka raba, e loaa ana he uku makahiki mahuahua ae mamua o na mea e loaa mai nei mai na aina kanu ko niai. Ina e laweia msA ana ke kumukuai o ka halakahiki e kuai ia nei i keia la. pela hoi ka paka, ka pulupulu, ka raba ame ka malina, a imi aku i ka waiwai io o na mea e hoohuaia mai nei mai keia mau eka aina mai, e loaa ana he elua hapakolu ka oi ae o na loaa makahiki mamua o.na mea e loak nei mai ke ko mai. Ina e imiia aku ana na iuea e hiki ai ke hoohanaia aku a loaa ka hoohua maikai ana mai mai na aina vyaiho wale mai, alaila, ua hiki ke oleloia ae, e hiki aku ana ka loaa makahiki i ke Teritore tna kahi o ka $100,000,000 i kela ame keia makahiki. E ike aku ana ke Kakauolelo i kekahi mau aina momona e waiho wale ana ma nawahi ana e kipa aku ai ma na mokupuni, e ike ana nae oia, ua nōho onaia ia mau aina e kekahi poe, i hiki ole i ke kanawai ke ku-e aku a hana aku i kekahi mau 'mea pili i ka pono kuleana o "ke kanaka, oiai nae he mau wahi kupono no ke kukulu ana akil i kekahi mau hale, a e. nohoia ai hoi e na kanaka. E ike pu ana no hoi oia, ua kaa aku keia mau wahi iloko o ka lima o ka poe na l.akou.i hoolimalima mai i kela mau wahi me na uku hoolimalima haahaa, a maluna o kā Ahaolelo ame ke keena Aina Aupuni, 110 ka hookomo ole aku ia mau aina iloko o ka lima o ka poe e noi mai ana i mau aina hookuonoono no lakou ke koikoi, aole wale ma Hawaii nei, aka ma Amerika no kekahi. Ina e loaa ana na mea e hiki ai ke hoohanaia maluna o na aina no ka pono a no ka pomaikai o ka hapanui o na kanaka o keia Teritore, alaila iloko o keia mau makahiki kakaikahi e hoea >nai ana e loaa ana he mau kaukani ohana e noho ana ma kela ame keia walii, a e loaa mai ana na mea iilu no lakou na huaai e hoounaia aku ana i na aina e i hiki aku i ka papakolu ae o ra tona i ko keia wā e hoounaia nei.