Ka Nupepa Kuokoa, Volume XLIII, Number 26, 26 June 1908 — KAU PONO IA PUA HAWAII I KE AKI Hookohuia o A. L. Ahlo Opio i Lunakanawai Kiekie no ka Aha Kiekie ma Pekina. [ARTICLE]

KAU PONO IA PUA HAWAII I KE AKI

Hookohuia o A. L. Ahlo Opio i Lunakanawai Kiekie no ka Aha Kiekie ma Pekina.

Ma ka leka i loaa mal nei ia Mrs. L. Ahlo, ka wahine kanemake a Afr. Ahlo i kamaaina i keia kulanakauhaie, a makuahine hoi o Anthony L». Ahlo, e hoike mai ana ia i kona hookieklela ana ae i lunakanawai no ka Aha Kiekie o Pekina ma Kina, a ua loaa hoi iaia ke kuleana ma ka papa elima. O ke kulana ona i ihookiekieia aku la, he kulana ano nui loa ia, he kulana kiekie hoi a mana nui iwaena o kekahi inau kulana e ae. O ka mea.maa, he umi makahikl o kekahl mea e noho ai ma ka papa ewalu mamua o kona hookiekieia ana ae, e!a nae, aoie pela keia keiki, mai ka papa ewalu no oia i noho ai, a hookiekie ae i ka papa eiima. Penei iho ka kekahi nupepa o Pekina i olelo ae ai nona, maloko o ka Nupepa Chinese Public Opinion, o ka la 28 o Mei, 1908. "Ua hauoli ioa makou i ka ike ana 1 ka hookohuia ana ae nei o Mr. A. L. Ahlo ma ke kulana lunakanawai no ka Aha Kiekie maloko o Pekina. O keia keonimana, oiai no kekahi o keia hanauna hou, a ma ke Kula Kiekie o Cambridge, Enelani kona wahl, o ka hoonaauaoia ana, a puka mai ia oia me ka hanohano. ''No kekahi manawa ae nei i hala kona noho ana .aku ma ke ano he kakaolelo a he kuhikuhipuuone no ka Aha Kiekie o ke Kaulike, a he hana maikai kana i hana aku ai no kona keena. He mea oiaio, oia ka haumana hookahi i huli hoi mai, i hookohuia aku ma ke kulana ano nui iloko o ka oihana hookolokolo ma Kina. "Ke hilinai nei makou, e loaa aku ana he mau kanaka maikai, oiaio o kefa ano, no kekahi mau kulana hanohano maloko o keia keena, no ka mea ina e loaa ana kekahi puulu lunakanawai kupono, iloko o ka wa maikal, e loaa mai ana ke aponoia e na Mana oi ae, no ka hoopau ana i ke ano o na lawelawe hemiihema ana e holopapa nei ma kona mau palena."