Ka Nupepa Kuokoa, Volume XLIII, Number 27, 3 July 1908 — HE HOOMAIKAI. [ARTICLE]

HE HOOMAIKAI.

Mr. Lunahooponopono, welina kaua: E oluolu mai kou hanohano e hookomo iho i kela manao e kau ae la maluna ma kahi kaawale o ka kaua milimili. Ke haawi aku nei au i ko'u hoomaikai nui i na kamaaina apau o Kailua ka poe hoi na lakou i hookipa ia'u ame ko'u mau hoa me ka maikai a i wehe ae i ko lakou mau puuwai a hamama a hoonoho ia makou iluna 0 ka lakou mau papaalna me ka hauoli mamua ae o ko makou haalele ana aku la lakou oia ka Poakolu la 24 o lune ua haawi ae na haumana Kula Sabati ame na hoaloha no apau he papaaina i luluu me na ono apau a ka maka e hookaha ai ame ka puu hoi e moni ai ka haae. Ua malama ia" keia papaaina i ka hora 4 p. m. a ua hoonuu i na kohi kelekele a ka puukolu no ka nui loa o na mea i hoolako ia aole e hiki ia'u ke helu aku a pau pono a iwaena o ka paina ana ua wehe ia he mau oleio paipai mai ka meakakau aku e hoolana ana i ka manao ō na haumana Kula Sabati no ka hooikaika ana no ka pomaikai o ke ola kino ame ka uhane. O ka lua, o na mea i ku e haawi i na manao hoolana oia no ke keiki kupa o ia aina Thomas Aiu ua huai mai oia i ka wai momona o kana mau olelo e hoonaauao ana i na poe opio, nui ka waiwai o kana mau olelo o ke kolu oia no ka makuahine Mrs. Lifte.j o kana mau mapuna olelo ua like me ka momona o ka wai meli a he mea hoi e pomaikai ai i ka mea e hahai ana mahope o kana mau alakai ana a pau ka paina ana ua hoonanea ia ke anaina me ka leo nahenahe o na loea himepi ame na kaula 0 uwehone, a ua hookuu ia ke anaina me ka maluhia, hora 7 p. m. No oukou ko makou hoomaikai a nui loa o ka lua o ka paina ma la ahiahi no, hora 8 ma kahi o Philip Kepalina mamuli no 0 ka lokomaikai o keia keonimana ame kona madame ua hoomakaukau laua I kekahi papaaina a'u e hiki ole ai ke helu aku i na mea ai i hoonoho ia mal no ka nui hewahewa loa ua ai a ua inu a lawa ka makemake i ka oluolu o keia mau kamaaina a no laua ame ka olikna ko makou hoomaikai a nui loa. O ke kolu o ka papaaina i ke kakahiaka no a haalele aku makou, lune 25. Ua haawi hou ia mai mai ka lokomaikal mai o kekahi no o na keiki hanau o ia wahi no, oia no ke Kapena Makai o Kailua, Joe Keliikoa ame kana Ewa a o keia papaaina kau i | kana Ewa a o keia papaaina ka'u i oluna o ke pakaukau i na mea ai o ka mea apiki nae aole rumi e hookomo hou mai ai o»«i ke mau la no ka piha i kela mau paina i ka po iho aka o ka hoopa ana ua lawa ia. Nolaila, no olua ko makou mahalo a nui loa. Ko oukou hoa paahana iloko 0 ka Haku. SAM. KAAUMOANA.