Ka Nupepa Kuokoa, Volume XLIII, Number 27, 3 July 1908 — HAINA NANE. [ARTICLE]

HAINA NANE.

Mr. Lunahooponopono, Aloha oe:—E oluoiu hou mai oe no'u kahi rumi kaawale o ka kaua Miiimiii i ikeia ae hoi nei mea huna a D. M. Kahikina e pee poli mai nei, malia paha hoi, eia wale ae no hoi i ka lihilihi la o ka lihi lou oleia hoi e ka manai, a oia iho keia. He kama ka'u he hoapaio no ka ua ams ka ia, ka uwiia ame ka hekili aole nae e lilo ka ikaika hoonee o ka leo nakolokolo o ka hekili i mea nana e hoemi i ke ku kilakila ana o kuu Kama he oia mau oia i ke ku kilakila i ke alo pali. E loaa no he mau mahele like ole mawaho ae o kuu Kama penei no ia. Mahele 1. Aia oia e hiolani ana i ka po ame ke ao maloko o na home o ka poe waiwai e noho ana maluna o ke gula ame ke dala pau pu no me ka poe ilihune, ke kiekie, a haahaa. Mahele 2. Aia keia mahele o kuu Kama i ka naele ulu wehiwehi apuni ke ao nei, e honi ana i na ea huihui o Maleka a no kela mahele o kuu Kama keia mau lalani mele penei: ' Kumaka ka ikena ia Maleka, I ka hau oki o Kaleponi. Mahele 3. Ua lilo keia mahele o kuu Kama he milimili, he hiiaio na ka makua, a he lei hoi na ke kupuna nona paha keia mau wahi lalani mele penei: He milimili a he Hij?ahiwa hoi na ka ua i kanahele. He lei a-i.hoi na ka uakoko punohu ula o ka moana. I hanai pauaho oleia e ka ua Naulu. Maanei hooki i ka'u kui ana, a kukulu iho la au i na ninau like ole penei:, Nlnau 1. Owai la ka inoa o kuu Kama? Haina, Koa. A penei e maopopo al, he koa io no ko Kama, o ke koa, he kanaka ia e ku kiai ana i ke ao ame ka po, e hooko ana hoi i ka makemake o ke kauoha, a lilo ai hol ke anu a ka ua ame ka wela a ka la i hoapaio no ua Kama j la au, he mea ole wale lo no la mau mea' apau 1 ke kilakila o ka oiwi kino, 0 ua Kama la a kaua e hewa ole ai hol au ke olelo ae na ko mele no i hoIke a maka ae nei 1 ua Kama la au 1 ke ku kilakila i Halealii. Ninau 2. Owai ka inoa o ka mahele 1 o kuu Kama? Haina, Koa, a he "Moe Koa" hoi ma kahi ana ae e loaa io aku ana no ua moe koa la j ia'u e hiolani mai ana iloko o na rumi kapu o eha ka manao, iloko hoi o na home o ka poe waiwai e noho ana maluna o ka waiu ame ka meli e kahe ana i ka aina o Kanaana. Ninau 3. Owai la ka inoa o ka mahele 2 o kuu Kama? Haina, Koa a he "Kumulaau Koa" no hoi ma kahi olelo ana, he oiaio, aia io no keia ano laau i ka naele o Alakai, e honi ana hoi l na ea huihui o ke kuahiwi rae ke kualono a mailoko mal o keia ano laau i kalaiia ai ka waa o KeawenUi aumi ke alii o Hawaii i kela au i-o Kikilo loa, iaia i imi mai ai 1 kela kahu ona, ia Pakaa, imi ia Pakaa, heaha ka Pakaa, a mailoko mai no hoi o keia laau i hanauia mai ai na umeke koa a kakou, a he nui wale aku. Ninau 4. Owai la ka inoa o ka mahele 3 o kuu Kama? Haina, Koa a he "lei koa" hoi ma kahi hooheno ana ae, o kona hua, ua kuiia me ka lopi, ua hoopilipiliia, hoomaumauia a loihi kupono no ka a-i, alaila lei iho he u'i hoi kau, na eke paa lima la, pehea la, ka, he milimili hoi paha ia, a he hiialo hoi na ka makua. E pa wahf wai ae hoi keia a e kipa kaua a Ko'u no a mau, J. W. K. KAKELAMALUIKALEO. Keena Oihana Halepaahao o Uwahipouli. Maemae wale e ke kino o ka palai, Pulupe i ka ua liilii killkllihune, A- he wehi ia no ka uka kanahele, E Kaililauokekoa e, ua moe paha oe. Aoie i moe, e ala ana no, a loaa aku ia Kakelamaluikaleo, e hoekepue mai ana i ka uka o ka laula o Kapaa,—Pololei wale ka Home Rula! Ua lei no ua kanaka i ka iei koa, kiiia mai ko makana.—L. H.