Ka Nupepa Kuokoa, Volume XLIII, Number 27, 3 July 1908 — HE LEO HEA. [ARTICLE]

HE LEO HEA.

j E noho ana ka Ahahui Paoaina o ka Ekalesia b ka Hoomana Naauao ma lea Luakini o Kealaula o Kamalamalama ma Koula, Honolulu, Oahu ma i ka la 27, 28, 29, ame 30 o lulai. ' Ma ka la 31 e malamaia ana ke anaina pule no ka hoomanao ana i ka la i ku ai ka Ekalesia maluna o ka lepo o Hawaii, ma ka la 31 o lulai, 1893. Na kahunapule nana e malama ia hana, Rev. J. E. Kekipi ame Rev. { Samuel K. Kamakaia. Ma ke anaina pule ma ka po e hoomanao ana ia anaina pule no ka la i hoolaa ia ai ka luakini o Kealaula o Kamalamaiama ma ka la 31 ,o lulai, 1897. Na mea nana e malama ia anaina pule, Rev. John Kekipi ame R. W. E. Edmands. Ma ka la 1 o Augate oia ka Poaono ma ia po e wehe ia ana he Ahamele ma ka hora 8 p. m., ma ka la 2 Sabati, e malamaia ana ka Hoike Kula Euanelio o na Ekalesia a puni ka Paeaina. Eia keia, e hoouna mai na Ekalesia apau i ka lakou malama ola no k» kau e hiki mai ana penei na hoomaopopo ana. Ke Kupaianaha o Kamalamalama ma Molokai, $5; ua hoouna mai, Kalanakila o Kamalamalama ma Lanai, $2.50; ka Lamaku o Kamalamalama ma Lahaina $2.50; Keola o Kamalamala ma Keokea, Kula, $5; K& olino o Kamalamalama ma Pauwela. $7.50; Kaalohi o Kamalamalama ma Honopau, $7.50; Kamana o Kamalamalama ma Nahiku, 4 'Hana, $3.50, huina nui ma ka mokupuni o Maui $35. No ka Mokupuni o Hawaii ke Kilohana o Kamalamalama ma Waiakea $5, ka Moku o Kamalamalama, $5; Kamauloa o Kamalamalama ma Olaa, Puna, $2.50; Kaelele o Kamalamalama ma Kehenfe, Puna $2.50, huina he $15.; nolaila ma ke aloha o ke Ākua ame ka lokomaikai o ko kakou Haku pela me ka mana o Kona Uhane Hemolele e loaa ia kakou ke ola mai ke ao Kumuole a i ke ao pau ole Amene. Hanaia e ke Komite i keia la 29 o lune, 1908 ma Kealaula o Kamalamalama, Koula, Honolulu, Oahu, T. H. Owau iho no me ka haahaa, JOHN KEKIPI.