Ka Nupepa Kuokoa, Volume XLIII, Number 27, 3 July 1908 — KO PUKUNIAHI MANAO NO NA WAHINE. [ARTICLE]

KO PUKUNIAHI MANAO NO NA WAHINE.

Ua hoike ae o Lunahoomalu Pukuniahi o ka Hale o na Lunamakaainana o ka Ahaolelo o Amerika Huipuia i na mea e pili ana i na wahine e like me ia malalo iho nei penei: "No na makahiki he kanakolu ka hoomau ana mai o na kaikamahine aloha i ka hele ana mai i Wakinekona, me ka manao e paku'i 1 ke kumukanawai i hiki ai i na wahine ke koho haloka, eia nae aole mea iki i hana ia a hiki i keia manawa," wahi ana i olelo ae ai ma kela mua koke ae nei. "Aole au e olelo ana, aole e koho baloka na wahine, aka aole o'u manaoio, ua makemake lakou ia mea. Ina ua makemake na wahine na lakou e hapai nei i keia ninau no ka'u mau olelo a'o, alaila e olelo aku no auanei au ia lakou. 'Mai hoopau manawa wale ma Wakinekona, ma ke noi ana aku e paku'iia mai ke kumukanawai. lna e loaa ana ia oukou ia mea, e aponoia mai no ia e ka elua hapakolu o na Mokuaina. Na kela ame keia Mokuaina e noonoo i keia ninau nona iho. Eia ke loaa nei i na wahine ka mana koho baloka piha maloko o kekahi mau Mokuaina ekolu. E hookuu aku i keia poe i loaa ka mana koho baloka e hooikaika maloko o Nu loka Ilinoi ame Ohio. He hana maalahi loa ka hookoia ana o ka mea e noonooia ana ma ka Mokuaina hookahi, mamua 0 na Mokuaina he kanaha-kumama-kolu.' "Na ke' au o ka manawa i lawe mai 1 na loli lehulehu ano nui, no ke 'anuu maikai ae o ka hoomakaulii ame ka launa ana o na ano o na wahine. Maloko o Indiana au i a'o kanawai ai, aka ma Ilinoi nae ko'u wahi i īawelawe loio ai. Aole i nui loā ka'u mea i ike ia manawa. Iloko o ia mau la, aole e hiki i ka wahine i mareia ke hana i kekahi aeiike mana. E lilo ana kona ukuhana 'ina he uku kekahl ona no kana kane. Iloko no hoi o ia manawa, o ka lio ahinahina oia ka oi aku o na lio elua. "E ike ana ka wahine i kona mare ana i kekahi kane waiwai ole. E loaa mai ana he mau kelki a nana no auanei e malama aku ia lakou, i kekahi manawa, me kana kul, a i kekahi manawa hoi me ke kapu holoi lole. "Oiai no nae aole e hiki i ka wahine ke hana i aelike, aole e hiki iaia ke paa malalo o ke kanawai no kekahi keneka, ua hiki nae ke loaa iaia ka aeia mai e aie ma na wahi apau ma kana olelo wale no, oiai nae aolo e hiki i ua kane waiwai ole nei ana ke hilinai ia mai, ina he pepee paka wale no. Ke hauoli nei nae au i ka olelo ae, na'u i hana ke kanawai malaila e haawi ana i ka pono kaulike i na wahine i mare a mare oleia paha. "O .ka wahine e hana ana, e loaa aku no iaia na hoopakele ana apau i loaa i ke kanaka, a ua '"aa iaia pela iloko o na Mokuaina apau o Am?rika ia pono i keia la. Aka, he pono i ke kanaka ke malama i kona ohana i ka wahine hoi ka hanau ame ka malama ana i na keiki, o keia ke kanawai o ke Akua, aole i haahaa iho na wahine i na kane, aka ua kiekie ae."