Ka Nupepa Kuokoa, Volume XLIII, Number 29, 17 July 1908 — KE KAAWALE ANA O TAYLOR MAI KA OIHANA MAKAI AKU. [ARTICLE]

KE KAAWALE ANA O TAYLOR MAI KA OIHANA MAKAI AKU.

Ma ka Poakolu nei i kaawale loa mai āi ko Mr. Taylor pili ana me ka oihana makai o ke -Kalana o Oahu nei ma ke ano makaikiu, e like me ke kulana ana i noho hana ai iloko 0 ia keena iloko o na mahina he umi-kumamawalu i hala ae nei. E like me ka meahou i hoopukaia aku ai ma ka pule i hala e pili ana i ke kaawale ana aku o Taylor mai ka oihana makai aku e like me kana palapala waiho oihana, pela o Makai Nui laukea i apo mai ai ia palapala me ka manao maikai. He nui na lohe laulaha e pili ana i keia kumu o ko Mr. Taylor waiho ana i kona kulana makaikiu e laa na manao like ole mawaena ona ame kona poo ma ka hana, aka nae ma na kukai olelo hope ana ma"waena o laua ma ke kakahiaka o ke Sabati i hala imua o na makai ame ka poe apau e noho hana nei no ka oihana makai, he mau olelo wale xio i pili i ka launa maikai ana mawaena o kekahi ame kekahi. Ma ko Makai Nui laukea aoao, ua minamina loa oia i ko Mr. Taylor kaawale ana aku mai ka oihana makai aku, iloko o keia wa nui o ka 'hana mamuli o keia keehina hana hou a ka oihana makai e lawelawe nei no ka hoomaemaē ana ae i ke kulanakauhale nei. No na hana nae a Mr. Taylor i lawelawe ai iloko o na mahina loihi ae nei i hala ma ke ano makaikiu, ka hooikaika ana e kinai aku i na hana piliwaiwai ame kekahi mau hana ku-e kanawai lehulehu e ae, ua loaa aku i ka oihana makai o ke Kalana o Oahu nei ka mahalo ana a ka lehulehu o ka pohai e makee ana i ke kulana maikai a maemae o ka lawelawe ia ana o keia oihana. He oiaio ua loli ae ka hookele ana o ka oihana makai mai ka Mākai Nui Repubalika mai a i ka Makai Nui Demokarata; ka mea a na Demokarata e haaheo nei no ka lakou kanaka, aka nae maluna o Mr. Taylor he Repubalika; kekahi o ia mau mahalo kiekie ana, e like me na hoike maopopo loa o kana mau hana no ka pono a no ka pomaikai ka lehulehu. *Ua waiho aku o Mr. Taylor i ka hana o ka lehulehu me ka maikai me kona manaoio ua hooko aku oia i ka hana ma na ano apau i hiki iaia ke hana, oiai nae e nokeia ana oia i ke ke'uke'uia e ka pohai o ka poe ku-e a hakihaki kanawai. Ma kana olelo imua o Makai Nui laukea iaia i waiho aku la i ka hana, lia makaukau mau oia i na manawa apau a laukea e makemake mai ai no kana mau kokua ana i ka oihana niakai, a oiai ua hoi hou mai nei o Mr. Taylor a noho hana hou i mea kakau 110 ka nupepa Advertiser, nolaila e lilo aku ana no oia i mea kokua aku i ka oihana makai ma ke kakau ana i na hana ku-e kanawai ana e ike aku ai ma kekahi mau wahi e like me kana i hana ai iloko o kona manawa e kakau meahou ana, i ka wa e malamaia ana ka hakoko kalaiaina i ka makahiki 1906.