Ka Nupepa Kuokoa, Volume XLIII, Number 29, 17 July 1908 — HOOPAU ANA I NA HOOKOHU MUA. [ARTICLE]

HOOPAU ANA I NA HOOKOHU MUA.

Ke lawelawe mai nei ka Peresidena hou o ka I'apa Ola i na hana o ia oihana ma ke ano kanaka makua. Ma ka halawai ana a ka Papa Ola i noho hoomaluia e Peresidena Mark P. liobinson ma ka Poaha o ka pule i hala, ua waiho aku oia i kekahi kumuhana a o ka mua loa hoi mai kona manawa i hookohuia ai ma ia kulana, o na hookohu apau o na agena o ka Papa Ola ma na Apana mawaho aku 0 Honoluln e hoopauia ma ka la 15 o ia ka Poakolu. E hoopuka hou ia aku ana.i mau hookohu hou no kekahi o ia poe Agena, aka nae, o ka hapanui o lakou e lioopau loaia ana. Ua lawe ia kela kumuhana a noonooia, a i ke kaana ponoia ana ua hooholo loa ia e ka Papa pela. Ua hapaiia mai kela ninau e pili ana 1 na hookohu o na Agena mamuli o ka heluheluia ana he iuau leka lehulehu mai na pe'a like ole mai o ka Panalaau, e hoike ana i ka hauhili o hoopuka ana i na laikini no na hale hoolimalima, na hale holoi, na hale hooluu lole ame na hana mikiala imjloaa e ae na wahi i koiia a i hoolioloia e ka Papa Ola e malama mau ia ka maemae. ' O na Kauka Aupuni apau he poe Agena wale no lakou no ka Papa Ola a ma kekahi mau wahi ua hoole na kauka i ka haawi ana i ka laikini a nolaila ua liaawiia aku ka laikini ia lakou ka poe noi e na Hope Makai Nui. O ka hoakaka a ka Loio Kuhina o ka hana pokole wale no e hoopauia ai kela mau hauhili o ka hoopau aku i na hookohu mua a e hookohu hou aku i na kauka ame kekahi poe e ae ma na Apana i lawa ole na kauka aupuni i hiki ai ke hoolawa ponoia na Apana me na Agena o ka Papa Ola. Ua aponoia kela manao. Oiai e noonooia ana keia ninau ua oili ae la kekahi mea hookahaha hou i ka Papa, oia hoi, ua oi aku ka nui o ka uku i kakiia aku e na Agena no ka nana wale ana no i ka maemae o na hale mamua o ka uku laikini. Ma keia hana kapakahi, ua hoakaka ka Loio Kukina Hemenway i kona manao ua ku-e loa i ke kanawai ke kakiia ana 0 ka poe mea hale e na Agena, a pela pu me ka Papa aole loa e hiki ke kaki aku no ka hana ana i kekahi niea a ke kanawai i koi mai ai he pono ke lianaia ma ke ano he mea i hoomakaukauia i mqa e loaa mai ai ka laikini. Ina he uku ka nana ana a na Agena, alaila na ka Papa e uku aole na ka mea noi laikini. KA HOME HOU O NA KEIKIKANE. O na kii kaha i hoomakaukauia ai e Luna Nui Marston Campbell no ka halo e kukuluia aku ai i home no na keikikane a ka poo ma'i lepera ma Kalihi ua hoikeikeia ae imua o ka a ho lelea pu kekalii i heluheluia mai a Campbell mai e hoike «na i kona makaukau e hoonoe aku i na hana im'ua a e waiho aku i ka hoolaha ana i ka poe koho. Ua noonoo ka Papa i ke kaliua ame ka palapala hookuleana no ia kahua mamua o ka hoala ana i kela hale. Mai ka Loio Kuhina mai e hoike ana ua haawi mai ka Bisliop Estate i kekalii apana aina ma ka waiwaiio i auhauia ho $750 no ka eka, me ka hoolako pu i ka wai a liiki i lanuari 1, 1910, mamuli o kekahi mau hoolim.alima liilii elua. Ua kupono kela i ko ka Loio Kuhina manao, aka ua ano ikiia mamuli o ka maopopo ole o ka aina 1 manaoia ai e kuapo, no ka mea, o ko Kiaaina Prear manao hoakaka oia keia aole pono e hoolilo kuapoia na aina kupono i ka mahi o ke Aupuni no na apana pahale ma ke kaona. Ua liooholo ka Papa mahope o na kukakuka ana e waihoia kela hana iloko o na lima o ka peresidena, me ka hoomana ana iaia e h6onee aku i ka hanā imua e pili ana i kela, Home, e like me ka maikai ana i ike ai he pono, mahope iho o ka hooponoponoia ana o ka ninau e pili ana i ke kahua, a © ike pu ia aku ka paa o kela homo i makemakeia me na dala he $15,000 i-hookaawaleia © ka Ahaolelo. He leka mai ka Makua Valentine ae © noi ana i ka Papa © kukuluia ka luakini i manaoia no ka Home Ka--piolani a nni kupono e hiki ai ke apo aku i na keikikane mai ka Homo hou ae. A oiai ua hooholoia ka haawina no ia hale, nolaila, ua manao ka Papa aohe hoololiloli hou ana i ke kii i kaha mua ia, a ua manaoia no hoi ua nui kupono no kela hale e hiki ai ko apo i na keikikane ame na kaikamahine. Ua hoike hou ia ae o ke kula ' ma ka home o na keiki e weheia ana ma ka Poakolu la 15. AEIA AKU E HOOMAHA. Ua noi ae ka Lunanana o ka waiu Halvor Myhre, e aeia aku oia e hoomaha no elua mahina, oiai, wahi ana he 9 makahiki kona noho hana ana malalo o. ka Papa Ola me ka loaa ole he manawa hoomaha, a © hoomauia no kona ukn oiai oia e hoomaha ana. Ua nol pu ae o Kauka W. T. Monsarrat e hookuu iaia no elua mahina hoomaha, oiai ua kauoha kona kauka iaia e hele ma kekahi w"ahi no ka hoololi ana i kahi noho. Ua aeia kela mau noi. ka rrvA taitoi ma olaa. Mai ke Kauka Aupuni mai ma Olaa he hoike © olelo ana aia ka ma'i flva taifoi ke pahola la malaila a he iwa-kalua-kumamakahi poe i loaa i kela ma'i. Ke komo pu la na luna mahiko

o hooikaik.i ma kc kinai ana i ka laulaha ana o kela ma'i. NA LAIKINI HALE HOLOL Ho elua mau laikini i hooholoia e ka Papa, oia ka hale holoi ma ke alanui Kukui ame ka hale holoi ma ko alanui ma Pauoa. He mau Pake na mea noL