Ka Nupepa Kuokoa, Volume XLIII, Number 30, 24 July 1908 — HOOPAKELEIA MAI KE PIHOLO ANA ILOKO O KE KAI. [ARTICLE]

HOOPAKELEIA MAI KE PIHOLO ANA ILOKO O KE KAI.

Ma ka auwina la o ka la Sabati nei i loaa ai kekahi ulia i kekahi o na luina o ke aumokukaua iaia ame kona mau hoa e auau kai ana mawaho o Wikiki, aka ua hoopakeleia nae kona ola e kekahi o na keiki haole o Honolulu nei. 0 kahi a keia poe e auau ana, ma kahi hohonu no ia mamua pono aku o ka Hokele Moana, ma ka aoao Waikiki o ka uwapo, a no ka paupauaho loa o keia haole, ua piholo iho la oia iloko o ke kai me ka hoomaopopo ole mai o kona mau hoa no keia ulia i loaa iaia. Mai kona hale aku no ko Mr. Curtis Hustace hele ana aku, a ike oia i kela ulia, o kona wehe no ia i kona lole a au aku nowaho o kahi o ka haole poino. He umi-kumamawalu wale no makahiki 0 keia keiki, eia nae iaia i hiki ai i kahi o ka haole piholo, ua luu aku la oia a kaualako mai la iaia nouka o ua aina a he hora okoa ia a Kauka liogers o ka noke ana i ka apa a hiki 1 ka hoi hou ana mai o ke ola i ua haole nei. v Noluna keia haole o ka mokukaua Kentuckey, a ua aie nui oia i kona ola i keia keiki opio. O keia iho la k« j kolu ō ka poe a keia kanaka opio i hoopakele ai, ka mea kupono loa e haawiia aku iaia na hoomaikai ana ame na medala hoohanohano e ka poe na lakou e nana nei i ka poe koa ma keia hana hoopakele. 1 ka nana ana aku i ka moolelo o keia ohana, he lehulehu wale ka poe a kona mau kaikuaana i hoopakele ai mai ka make mai ma na kapakai o Waikiki iloko o kekahi manawa ae noi i hala. O ka mua loa o na keiki o keia ohana nana i holo aku no ka hoopakele ana i kekahi mea i piholo iloko o ke kai, oia no o Will Hustace. E paani ana no oia iloko o kona pa i ka wa i kahea aku ai kona makuahine iaia e hele e hoopakele mai i kekahi kanaka mai na nalu mai o Waikiki, a ua hooko aku keia keiki i ke kauoha a kona makuahine, eia nae ua make mua oia mamua o ka hoea ana mai o kona kino iluna o ke one. I 0 keia ka hoomaka mua ana mai o na hana hoopakele a keia ohana keiki: a ma keia hana ana no hoi i a'o aku ai ko lako\i makuahine ia lakou apau, i ka wa o hoopakele ai i kekahi mea )loko o ka poino, o ka papa heenalu ka lakou mea makaala loa, a o ka oioi o ka papa ke haawi aku i ka mea iloko o ka poino, me l<a makaala loa ana o liopu mai auanei kela i ka mea e hoopakele ana a he hookahl ka pau like ana i ke piholo iloko o ke kai. O kekahl 6 na keiki o keia ohana he unli-kUihamalua wale no ona mau makahiki, oia kekahi inea nana i hoopakele i kekahi mea i piholo iloko o ke kai maniua pono aku o ko lakou wahi, a e like me ke kuhikuhi a ko lakou makuahine i ke ano o ka hoopakele ana, pela oia i hoopakele mai ai i ka mea iloko o ka poino, me ka malama loa ana iaia mai ka pulikiia ana niai e ka mea e lioopakeleia ana. He mau hoopakele lehulehu e ae no kekahi a keia mau keiki i hana ai, a mawaho no o Waikiki lakou i hana ni ia mau hana koa e hookaulanaia ai ko lakou mau inoa. 0 keia keiki nana i hoopakele i ka luina oluna o ka mokukaua Kentuckey, oia kekahi o na keiki i hele ai a hoikeike i kona akamai heenalu ma na aekai o Manly, Aukekelaria, a i lilo ai kona makaukau ma ia hana i mea hookahaha aku i na kamaaina olaila.