Ka Nupepa Kuokoa, Volume XLIII, Number 30, 24 July 1908 — NA HUNAHUNA O KA UA LANIHAAHAA. [ARTICLE]

NA HUNAHUNA O KA UA LANIHAAHAA.

WAILUKU, Maui, lulai 18—Ua haawipio ae kekahi mau Hawaii elua ia laua iho iloko o na liina o ke kanawai mahope ilio o ko laua hele auwana ana iloko o ka ululaau ma ke kua aku o ka Apana o Hana no kekahi mau pule, a o ko laua aloha iho la, na kalo nlu nahele ame ka maia ko laua mau mea e ola ai iloko o ia mau la loihi. Ua noke ka Makai Nui ame ka puali makai i ka hakilo ia laua nei, he mau mea holo mahuka aole nae he loaa iki, me ke ku kiai ana e makaala loa ana no ko laua wahi e pee ana aole nae he loaa iki a hiki i ka hoike okoa ana ae. Ma ke kakahiaka nui poniponi wale nae o ka Poakahi i hoi mai ai laua mai ke kuahiwi mai a haawi okoa mai ia laua iho ia Mr. Silva, ka mea nana e malama ana i ka halepaahao ma Hana no ka hookipa ana aku ia laua. Ma ka la apopo e hooloheia ai keia hihia, a oiai o ka lua iho la keia o ka hoaoia ana, me he mea la e hookoia aku ka mana o ke kanawai.