Ka Nupepa Kuokoa, Volume XLIII, Number 31, 31 July 1908 — WAWAIA NO HE HALE KANAKA. [ARTICLE]

WAWAIA NO HE HALE KANAKA.

Ke puapuai hou mai nei kekahi mau lono e pili ana ia Lunakanawai £epoikai o Maui, a ua hala aku ka Hope Loio Kuhina Lamaeh no Maui ma ka pule aku nei i hala no ka noii pono ana i na mea e pili ana i kekahi nota aie ana i haawi ai, i uku oleia hoi a hiki mai i ka wa i loaa mai ai ka lohe no leeia mea. Ke waiho neī he hoohalahala no Lunakanawai Kepoikai īmua o Kiaaina Frear, aka aia nae a waihoia mai ka hoike a ka Hope Loio Kuhina alaila maopopo pono ae kona maiiao no keia hoohalahala e pili ana ia Kepoikai. Ma ka hoomaopopo ana aku mamuli o na mea i waihoia mai imua o Kiaaina Frear. aia kekahi mea pono e hanaia aku i hiki ai ke loaa mai kekahi mau dala no ka malama ana i ke ola o kekahi mau keiki oo ole, oiai ke waiho wale la na dala a keia mau keiki iloko o ka waihona o ka Aha Kaapuni, me ka hoolilo oleia no na mea $0 laua e pono ai.