Ka Nupepa Kuokoa, Volume XLIII, Number 31, 31 July 1908 — HE KEENA KINAIAHI MA WAIMEA, KAUAI. [ARTICLE]

HE KEENA KINAIAHI MA WAIMEA, KAUAI.

Eia ka Mokupuni Kaili La ke pii mai nei ma ke anuu like me kekahi mau mokupuni e ae, oiai ma ka la 15 o keia mahina i hoala ae ai ko Waimea poe i oihana kinaiahi, me na lala he 26, me ke koho ana i na lunanui o ia hana. o,keia kekahi o na keehina waiwai loa a kekahi mau opio o ka Waiulailiahi o ka īa\ve ana ae, aole wale no ka hoomakaukau e ana no ke knpale aku i ka wa e hoea mai ai ka pilikia, aka no ka hoike pu ana ae no kona kupono e hookipa mai i ke kikowaena o na hana o ke Kalana e like me ka iini a ko Waimea poe. Oiai he mau keiki mikimiki r«o ko Waimea ke hele mai iloko o ka Ahaolelo, no ka hooikaika ana e loaa na pomaikai ia Apana, nolaila aole no e nele ana ke ku koke mai o ka hale kaawai malaila, me ka lako pu i na mea apau e pono ai ia hana.

Ke emi niai nei ka hialaaiia o na paani kinipopo e paaniia mai nei ma Kamoiliili, no ka loaa wahi make hou ole paha i na Kepani, a no ke oki loa no hoi o kekahi mau hui o Hawaii nei. He 1010 maoli ke ano 6 ka paani ana a ka hui Kamehameha ma ka Poaono i hala, ka paani lealea waleia mai no e na keiki o ke Sanata Clara, a ku a pihoihoi me ka maopopo ole oka mea e hana aku ai. I makemake e aliai i ka lanakila, a e hoikeike mai i ko lakou makaukau imua o na haneri maka e kau aku ana maluna o lakou, he pono no e hoomaamaa mau i na la apau, i ohohiaia ai e ka poe puni leale* ka~ hele ana aku e makaikai. =

Eia hou aku no ia aumokukaua a hoea mai iloko o ka.la elua ae nei o ka mahina o Sepatemaba e like me na lono kePekalapa i loaa mai ia nei, ke ole e hoololi houia ae ka manawa. E uluwehi hou ana no ke kulanakauhale nei i na hana hookipa hoohiwahiwa, a oiai ua loaa na pomaikai. i kekahi poe iloko o na la a ke aumokukaua o ka. Akelanika i ku iho nei ia nei, nolaila ke liuliu hou mai nei no lakou i ka lakou mau hana imi loaa, no ka.hpea mai o keia aumokukaua hou.