Ka Nupepa Kuokoa, Volume XLIII, Number 33, 14 August 1908 — HAINA NINAU BAIBALA. [ARTICLE]

HAINA NINAU BAIBALA.

Mr. Lunahooponopono o ke Kuokoa, Aloha oe:—E oluolu mai ia'u ma he wahi kaawale kekahi o kau mar kolamu e hookomo iho hoi i ka'u haiaa | o ka ninau a C. K. Kaonokiokalani i hoike ia ma kou helu 3'- o ka la 7 o Augate. Ninau heaha la ka Berita Kahiko a Paulo i olelo ai ua lu'alu'a ua kicat Haina, Na Mohai i ka wa o Mose ame Aarona pela i hoike ia ma ke j>oo-ma-nao o ka Mokuna 9. 0 Kristo ka Mohai e pono ai aole ko Aarotia ma. Ninau 2. Heaha hoi ka Berita Houf Haina. ka Mohai i ka wa i hiki mai ai o Kristo i keia ao a o keia mau' li-iina la o ka Paulo ia e hoike nei i ko Hebera poe, oiai ua hoike ia no ma pauku 7 o ka mokuna 3. Eia ka heluhel'i . Ina kiaa ole kela berita mua ina I aole i imi hou ia kahi kaawale no ka lua. Hoakaka no ka ninau mua; i ka wa a Mose m-i i kukulu ai i ka Halelewa mua ua mohai aku lakou me ke koko o na pipi ame na kao a o ia mau Mo> ! hai la, ua kapa aku o Paulo ua kina a ua lu'alu'a i mea e maopopo ai ke hoike nei ka pauku 8 o ka mokuna 9 o Hebera. Ma ia mea i hoakaka mai ai ka Uhane Hemolele, aole i wehe ia kahi e komo ai i ka hoano loa i wa i ku ai ka Halelewa mua. Iloakaka Ninau 2, ka Mohai ana o Kristo i Kona koko i mea e ola ai na i poe apau i manao he mea e kala ia ai na hewa, a pela i lilo ai ko Kristo Mohai he Berita Hou, nolaila o ka'u mau huina aku la keia. Nolaila e kala mai ina ua, kulike ole keia mau haina me 'ka ka mea nana ka ninau alaila hoihoi mai no me a'u ia. Nolaila me C. K. K. ko'u lululima ame na keiki o ka Papa ko'u welina. J. K. K. KAHINALUA. Kakaako, Honolulu. Aneane no e pololei, a malia e noonoo hou oe, a hoouna hou mai i kekahi mau wehewehe ana e kulike loa ai ka haina me ka ka mea nana ka ninau.— L. H. £ & 1. Heaha ka Berita Kahikol Oia no kona Ekalesia e nolio hooponopono ia ana i ke au o na Kahuna ame ka 'papa Levi. Heb. 9:1. He inau oihana no hoi kn ka Berita mua no ka hoo* mana ana, a ua ike ia ka hookumu ana a ua ike ia ka hookumu ana o ia Berita ma ke ahiahi i kalua ai i na keiki hipa kina ole no ka moliaola a puka ai 'lakou mai Aigupita aku, Heb. 8:9. -2. Heaha ka Berita Hou? Oia uo ka Ekalesia a īesu i kukulu ai, Mat. 16:13. Ke olelo aku nei hoi au ia oe, 0 oe no o Petero, a maluna o keia po* haku e kukulu ana au i ko'u Ekaleaia, aole hoi e lanakila mai na ipuka o ka po maluna ona. A ua hookumu ia hoi keia Ekalesia ma ke ahiahi o kona Ja 1 kumakaia ia ai, Luk. 22:15. He nui ka makemake a'u i makemake ai e ai pu me oukou i keia moliaola mainua o ko'u make ana. A oiai o ka wa ia ana e hoopau ai i ka ahaaina moliaola o ka Berita mua, a o ka hoomaka ana hoi o kana ahaaina no ka Berita llou. MRB. lIENISFA, MISS LILI'. Ka Ua Kuahino o Manoa, Augate 12, 1908. Aole no i kulike me ka haina a ka mea nana ka ninau, huli houia mai!— L. H.