Ka Nupepa Kuokoa, Volume XLIII, Number 33, 14 August 1908 — POWAIA HE HINEDU MA HAUULA Na na Koa Amerika ma Kahauiki i Kau Aku i ka Hana Hilahila Ole Maluna Ona. [ARTICLE]

POWAIA HE HINEDU MA HAUULA

Na na Koa Amerika ma Kahauiki i Kau Aku i ka Hana Hilahila Ole Maluna Ona.

i O kekahi ona hana ku ika hilahila ole o ia no ke komoia ana oloko o ka hale 0 kekahi kanaka Hinedu ma Hauula iaia e pauhia ana i ka hiamoe e kekahi poe koa ma ka po o ka Poakahi nei; a noke aku la i ka pepehi iaia, me ka lawe pu ana i kana wahi dala hookahl , mai kona lolewawae aku, Wahi o ka hoike a keia Hinedu, ua hoopuiwaia oia mai kona hiamoe ae ma kela po, ma o ke koino ana aku o kekahi koa me ka lole kaki, a e lewalewa ana no kana pu panapana ma kona aoao, a hahau aku la iaia me ke kuau o ka pu. I kela manawa i komo hou mai ai kekahi mau koa hou aku a koino like aku la ma kela hana limakoko o ka hilaj hila ole. I ka pau ana o ka pepehi ana a kela poe koa i keia Hinedu, ua hele aku la kekahi o lakou e huli i kona lolewawae, a lawe mai la i kana wahi dala hooleahi, oiai hoi kekahi mau koa e iho 1 noke ai i ka huli ialoko o kona wahi hale. No ka ike ana paha aole he nui o ke dala a leeia Hinedu, ua haalele iho la ua poe koa nei i ka hale; me ka waiho no o ka mea i pepehiia iloko o ke kulana kupilikii. I ke ao ana ae ma lee kakahiaka Poalua nei, ua hele aku la oia e aie i mau dala i kona mau h'oaloha, a ma ke kaaalii mua loa o ia kakahiaka i kau mai ai oia no Honolulu nei. Ua hoopuiwaia ko ka halewai poe i ka hoea ana akru o keia Hinedu ma kela kakahiaka, ua hele ka welu e wa-hi ana i kona poo a kihe 'ahe 'a i ke "koko, a ua haki hoi kona, ihu me kekahi mau hoailona e ae o na hana limakoko ma kona mau maka ame kona helehelena. Ma ka manaoio loa o kela Hinedu, aole e nalowale ana kela poe koa nana i lioeha a i .p.owa iaia, oiai ua ike oia, ua haukae ka lole o kekahl o lakou 1 ke koko. Ma ke kakahiaka o ka Poakahi nei i hookuuia aku' ai kekahi poe koa o Kah.auiki ae nei no ka hele ana e hoomoana nia na Koolau aku nei, a ma ia huakai a lakou i komo ae ai kela poe koa kolohe e hoopoino i ka mea hewa ole. Ua hoikeia aku ka lohe e pili ana no keia hana limakoko i na aliikoa ma Kahauiki a e laweia ae ana na keehina e hiki ai ko loaa ka poe kolohe.