Ka Nupepa Kuokoa, Volume XLIII, Number 33, 14 August 1908 — HOOKU'I KA LAWELEKA ME KA PIPI Haule Mailuna Mai o Kona Kaa i ka Po—Palapala Hoopii Imua o ka Papa Lunakiai. [ARTICLE]

HOOKU'I KA LAWELEKA ME KA PIPI

Haule Mailuna Mai o Kona Kaa i ka Po—Palapala Hoopii Imua o ka Papa Lunakiai.

Mamuli o ka loaa aua o kekalii ulia i ka mea lawe leka o Kona ma o kona haule ana mailuna iho o kona kaa leka, ma o ka hooku'i ana me ka pipi e moe ana i ke alanui i ka po, nolaila ua waiho aku nei o Mr.\ George 'W. Carr, ke kokua lunanui o ka oihana halihali leka i ka palapala a ka lunaleka o Kealakekua, Mr. Woods, iniua o ka Papa o na Lunakiai o Hawaii, e noi aku ana e nana ia mai ka pono o ka leliulehu ma na mea pili i na holoholona hele wale ma na alanui i ka po. Ma ka hora eha o ke kakahiaka o ka la elua o ka mahina aku nei o lulai, oiai o Charles Hooper e lawe mai ana i ka leka inai Hookena mai maluna o kona kaa i ka po, no ka haleleka o Kealakekua, a ma ia hele ana mai ana i hooku'i ai oia me kekahi pipi e inoe ana i ke alanui, na kekahi Pukiki nona ka inoa o Joe Henriques, a haule oia ilalo. Mamuli o keia ulia i loaa i.ka.mea lawe leka, a no ka ike mauia no hoi o na pipi a kela Pukiki i ka maau hele ma ke alanui aupuni i hiki aku ko lakou nui ma kahi o ka ewalu, nolaila, ua kakau maoliia ae he palapala hoopii e na kamaaina o Kona-waena e noho kokoke ana ma keia wahi, e noi aku ana i ka Papa o na Lunakiai, e nana mai i keia pilikia. Aole i eha ka mea lawe leka ma kela haule ana ona, aka mamuli o ka maka'u ia o loaa hou aku auanei iala kekahi ulia i oi aku mamua o keia ae la, oiai he kanaka oia e hele mau ana i ka po, pela i makemake ai ka lunaleka o Kealakekua e hooko kokeia mai ke kanawai, e pili ana i na holoholona hele auwana ma na alanui. Aole no hoi no keia kumu wale no, aka' oiai o keia no ke alanui a na kamalii e hele a e hoi ai mai na halekula mai, pela i makemake nuiia ai e hookaawale loa ia aku kahi o na holoholona mai kahi hele aku o ka lehulehu.*