Ka Nupepa Kuokoa, Volume XLIII, Number 34, 21 August 1908 — PAANI KA HUI KEIO ME KO HILO MAU HUI. [ARTICLE]

PAANI KA HUI KEIO ME KO HILO MAU HUI.

Ma na lono i loaa mai mai Hilo mai i keia mau la iho nei, ua malamaia he erua mau hookuku kinipopo ana ma- i waena o ka Hui Keio ame kekahi mau hui o Hilo ma ka Poaono ame ka la Sabati i hala. Ma ka hookuku i malamaia ma k.a Poaono, o ke Keio ame Hilo na hui i paani, a na kaa ke eo o ia hookuku ana i ke Keio, he elima a lakou mart aipuni, a he hookahi wale no a ko Hilo hui. • * Ma ka la Sabati mai nae, ua haule ua hui Keio nei i ka Mooheau, he hookahi wale no nae ka oi matmia o ka hui malihini.' He ekolu mau aipuni a ka Mooheau, a he elna a ke Keio. Ma lyriTa mau paani a elua i malamaia ma Hilo, na ka Hui Keio ke kaa mua o ka loaa ana o ka aipuni ma ke komo ekahi ana, a mahope mai ka kekahl jpau hui e ae. Ua hoike pu ia mai no hoi, ua hele maoli keia mau hookuku ana a piha i ka poe makaikai a loaa ole kahi e noho ai, e like iho nei no hoi pahā pie ko Honolulu nei kahua kinipopo i ka wa i paani mua ai na hui malihini me ko Honolulu mau hui.