Ka Nupepa Kuokoa, Volume XLIII, Number 34, 21 August 1908 — HOOLE I KA HAALELE ANA I KANA WAHINE MARE. [ARTICLE]

HOOLE I KA HAALELE ANA I KANA WAHINE MARE.

Mamuli o ka loaa aua mai o kekahi palapala mai Los Angeles mai o ka la 31 o lulai, i hoopauia ae ai ka pohihihi <? pili ana i kekahi lono kelekalapa i loaa mai e hoike ana i ka make ana o Kenerala Wardell ame ka pupule ana o kana wahine mare. Penei ke ano o ua palapala la: Ua loohia ka wahine mare a Keia Kenerala i ka ma'i lepera, a ua hooholo k»na kane, aole loa oia e haalele i kana wahine i hoopaaia maloko o ka halema'i. He Kenerala keia i komo iloko o na lioouka kaua elua, a ua lawe aihue aku oia i kana wahine mailoko aku o ka halemai, a holo aku la me ka puahia nui ma na palena o Mekiko. Ua hoike maoli ae oia i kona manao e noho pu no oia me kana wahine mare a hiki i kona make ana, a mamuli o ka olelo ana o na luna auphni no ko laua hooweliweli ana mai, e lawe maoli ana no laua i ko laua mau ola iho, ina e hoaoia aku «n* laua e hopu, pela i hookuuia aku ai no laua, aole i hoaoia e hoihoi mai.