Ka Nupepa Kuokoa, Volume XLIII, Number 35, 28 August 1908 — I MAU KOKUA NO KA MIKINI KII HOOLELEAKA A NA MAI LEPERA. [ARTICLE]

I MAU KOKUA NO KA MIKINI KII HOOLELEAKA A NA MAI LEPERA.

Ua hiki mai ka wa maikai loa a ka lehulehu e hoike ai i ko lakou mau manao aloha no ko lakou mau hoakanaka e noho mai la iloko o ke kumaha ame ka ehaeha ma ke kahua ma'i ma Kalawao, Molokai, mamuli o ka hoike maoli ana i kekahi mea e hooiaio ana ia manao aloha. Ma ka meahou i hoopukaia aku ai ma ka helu o ke Kuokoa o ka pule' i hala e pili ana i ka makemake ana o na Ma'i ma Molokai e loaa ona mikini hoolele kii aka onioni na lakou, i hiki ai ke ike i na mea kilpaianaha o ke ao nei, i lnlu maoli ae ai lakou a loaa na dala he hookahi hanen, a na kekahi poe haole o keia kulanakauhale i haawi hou ae i kekahi mau dala no keia hana i ka pule aku nei i hala, aka ke ha-, mama nei no nae ka puka no na haawina kokua e loaa mai'ana mai iia makamaka mai. He oiaio o kakou o na Hawaii ka hiki mua ma ka olelo ana i ke ploha i kela poe e noho mai la i ka aina 0 ka ehaeha, aka ma ka waha wale iho no nae ia mea he aloha, a koe aku ka hooiaio ana o ia aloha ma ka hana, aka o keia nae ka wa e ikeia aku ai ke aloha o kakou.i ua poe la iloko o ka pilikia mamuli o ka haawi ana i kekahi mau kokua no keia mikini a lakou e iini nei e loaa aku ia lakou. Ke ike nei ka lehulehu, ka poe e hele lanakila nei ma o a maanei i na mea kupaianaha apau, e hiki ana ia lakou ke ike, oiai hoi ke noho mai la kela poe me he mau lio la i paluluia na maka a paa, he hookahi wale iho no wahi e nana ai, a ma keia ano i ala mai ai ka noonoo i'loko o lakou, o ka loaa ana aku ia lakou 0 na kii o kekahi mau wahi kaulana o ke ao nei, a mau hana kaulana palia a kekahi mau kanaka, me ka mikini nana e hana aku a hiki i ko lakou hana maOli ana mai me he hana ana la i ka wa e ola ana. e lilo ana ia i mea hoohauoli aku i ka poe e noho ana iloko o ke kaumaha ame ke kaniuhu. No keia haawina kokua manawalea i makemake ai ke Kuokoa nei i ka poe he mau manao aloha ko lakou no keia poe, e hoike ae ia mau manao aloha ma ka hana; a ina he poe Kristiano kekahi e kapa ana ia lakou pela, alaila ma ka -hana e ikeia ai ke ano ICristiano o īa a wahine paha. Ma ka aoao oke Kuokoa, ua haawi aku oia no keia waihona kokua he umi dala i ka pule aku nei i hala, a, ke kahea aku nei oia i ka lehulehu, ina he poe kekahi e manao ana e haawi i maū kokua no keia hana ua hamama ke keena o ke Kuokoa nei e apo mai ia mau haawina makana, a e hoopukaia aku no ko lakou mau inoa me ka nui o na mea a lakou i haawi manawalea mai ai. Ke hana mai nei na nupepa haole'puka la o keia kulanakauhale i keia hana hookahi no, ma o ke kono ana aku i ka lehulehu e lawe i ka lakou mau kokua manawalea i ko lakou mau keena pakahi, a pela hoi ke Kuokoa e ku ae nei iluna a apo aku i na kokua a na makamaka Hawaii no keia hana maikai.