Ka Nupepa Kuokoa, Volume XLIII, Number 36, 4 September 1908 — KA WAIHO INOA A NA KALAPU REPUBALIKA. [ARTICLE]

KA WAIHO INOA A NA KALAPU REPUBALIKA.

Ma ka hoomaopopo ana aku i ka nee ana o ke au o na hana kaOaiaina kuloko, ma o na mea oiaio i ikeia iloko o ka waiho inoa ana a na Kalapu Repubalika apuni ke Kalana o Oahu nei, aia ka iini ame ka makee o ka hapanui o ka poe koho baloka, e loaa na elele maikai a kupono na lakou e wae mai i ma'u moho kupono na lakou e noho hooponopono mai i na hana o ka lehulehu, ma keia kau koho baloka e hoea mai ana. / Ma ka waiho inoa o na Elele Kālana ame Apana, a pela-hoi iloko o ka Aha Elele Teritore ma ka po aku nei o ka Poalima i hala, he liuku loa na mahele i ikeia ka waiho paluaia ana ae o na papainoa o na elele no ke kohoia aku ma ka po o ka la apopo, a ma kekahi mau (mahele, ua lokahi maoli na lala o ia mau kalapu i na moho apau 1 •waihoia ae, no ka mea ua waeia ae lakou maiwaena mai o ka poe maikai apau i manaoia aku, e hana mai ana lakou i ka mea kaulike. Ma kekahi mau mahele nae, ua waihoia aku ka inoa o ka poe kupono apau loa i manaoia no ka hele ana aku iloko o na aha elele a elua, oiai nae, he kakaikahi wale no ka poe o lakou i makemakeia ai e koho a puka mai ia mau kalapu mai, aka no ka makemake maoli ana e waiho akea aku na na lalr e wae i ko lakou makemake iho, ma 0 ka haawi ana i ko lakou mau baloka no keia poe; pela i hoomaopopoia ae ai, ua makeeia ka hoohana ana o kela ame keia mea koho 1 kona pono koho, e like me ke alakai ana a kona lunaikehala iho. Ma kekahi mau Kalapu i ike mauia ai ka like ole o na manao o na lala ma o ka wae ana i na moho iloko o keia mau aha elele, oia hoi ke ku kaokoa loa ana o ka palaoa mai ke kikania mai, aka i keia wa nae, ma o ka mea i ikeia ma ka po o ka Poalima aku nei i hala, ua hoi mai na manao ooloku i maa i ka hoala ia iloko o na lala o ia mau kalapu ai ka wai lana malie. Ua wawahiia ka mikini a pau ike okaoka, a loaa aku la i ka poe koho ka wae ana e like me ka lakou i ike ai he pono, aole hoi mamuli o ka wae wale ana no a kekahi pohai, i makemake e komo aku iloko o ka Aha Elele Wae Moho, a wae mai i na kanaka i kupono i ko lakou ano iho, a i ko lakou makemake paha. Ma keia wahi, ke makemake nei ke Kuokola ma kona ano he waha olelo no ka lehulehu, e hooaiai aku imua o ka poe koho baloka iloko o na Kalapu Repubalika, o ka aha elele Kalana ame Apana a pela hoi ka Aha Elele Teritore, he hookuina ia o na makaāinana iloko o kekahi aoao kalaiaina no ka wae ana ae i na kanaka i kulike me ka makemake o na Repubalika oiaio apau, na kanaka hoi e hiki pu ai ke umeia aku na kakoo ame na apono ana a ka lehulehu holookoa, aole hoi o ka poe e ake ana i na kulana hanohano wale no, a i ole na kanaka paha e ake ana e loaa mai kekahi mau pomaikai pilikino mai kakalii mau oihana mai a mau ano okoa ae paha. ' ' Nolaila i ka oili ana mai o na elele mailoko mai o na Kalapu like ole ma ka po o ka la apopo, e hoomaopopoia, ua kau aku maluna o lakou ke koikoi o ka wae ana ae i keia poe kanaka e like me ka ke Kuokoa e hoaiai aku nei, na kanaka e hiki ai i na Repubalika oiaio ke kau aku na maka me ka hialaai, na kanaka e kapa oleia mai ai he mau ilio melemele, a no ka mea ke nana nei ka Repubalika oiaio i ke kanaka ma kana hana, aole ma kona ano. E hoomanao pu e na elele, o ka aha a oukou e hele akii la, he wahi ia e halawai mai ai me na wiliau, nana e ume aku i ka noonoo, a e hoolauwili i na manao maikai, a kaualakoia aku e wae a e koho i na mea i ku-e i ke alakai ana a ko oukou mau lunaikehala, nolaila e hoomanao i ke a'o a ke Kuokoa i kiaahi i ka po, a i kiaao i ke ao.