Ka Nupepa Kuokoa, Volume XLIII, Number 36, 4 September 1908 — KUPONO OLE E HOOMAUIA AKU MA IA KULANA. [ARTICLE]

KUPONO OLE E HOOMAUIA AKU MA IA KULANA.

Ina i pololei a oiaio na mea i loheia mai Waialua mai e pili ana i ka hookuuia ana o Ah Chee, ka Pake i hopuia ai no ke kuai waiona me ka laikini ole, mamuli o ka hoohemahema o ke keena o ka Loio Kalana o ke Kalana o Oahu nei, alaila ua hiki mai i ka wa a ka lehu]ehu o ka poe koho baloka e hoomaopopo ai i ka hana a keia kauwa a ka lehulehu. Ua hopuia kela Pake a ua hookolokoloia imua o ka aha apana o Waialua. Oahu, a mamuli o ke kauoha a lunakanawai Apana Archie Mahamlu ia A. M. Baraunu, ka loio ma ko ke aupuni aoao, a e ku ana hoi ma ka aoao o ke keena o ka Loio K-alana, e lawe aku a hoike aku i na kanawai e kakoo ana i na kumu ma ko ke aupuni aoao, i hiki ai ke loaa ke ahewaia maluna o ka mea hoopiiia, pela i hoopaneeia mai ai kela hihia mai ka mahina mai o lulai aku nei i hala a hiki i ka Poakolu aku nei o ka pule i hala, akahi no a hoea hou mai nei ia hihia imua o kela aha 110 ka hoolohe houia ana. No ka loaa oie ana aku o na kuhikuhi kanawāi imua o ka lunakanawai ma keia noho hou ana o ka hihia, ua hookuuia aku la ka mea i hoopiiia, oiai nae ua minamina loa o Lunanana Fennell mamuli o keia hemahema i kau aku maluna o ke keena o ka Loio KaJapa, oiai ma na mea i hoomaopopoia eia, he hihia maikai maoli kela ma ko ke aupuni aoao. i : Malia paha he mau kumu kupono no ma ka aoao o ka Loio Kalana a o kona hope paha, o ka hoouna ole ana aku i na kuhikuhi kanawai e like me ka makemake o ka Lunakanawai Apana Mr. Mahaiiln, ina pela ua loaa no i ka lehulehu he mau kumu kupono loa e wae ole ai iaia i Loio Kalana iloko o ka Aha Elele Wae Moho, a i ole ia koho aku paha iaia i Loio Kalana ke manao oia e alualu hou i ka hanohano ana e paa nei no keia kau koho haloka. Ua hooliloia aku mailoko o ka waihona aku o ka lehulehu na Jilo o na luna aupuni ma ka hopu ana ame ka lawelawe ama i keia hihia imua o ka aha hookolokolo, aka nae iloko o ia mau luhi ana aole i nanaia aku ka pono o ka lehulehu, a hooikaikaia aku hoi e loaa ke ahewaia o ka mea ku-e kanawai, a ina ua pololei ka mea e pili ana i keia hihia a ke hui puia ae me na mea a ka lehulehu i ike ai no keia Loio Kalana alaila, ua hiki mai ka manawa e loaa ai ka loli iloko o kela keena no ka pono ame ka maemae o na hana o ia keena. Ina he oiaio ka meahou i puka ae ai maloko o na nupepa haole puka la o keia kulanakauhale no ka lilo o ka Lunahoomalu o ka Papa o na Lunakiai Chas. Hustace o ke Kalana o Oahu i mea pulapuia e Chas. Aehi, ma o ka puni ana mai e haawi aku ana o Aehi i kana mau kakoo ana i wahi e waeia ae ai oia i Meia, alaila pela i poholo aku la ia mau kanaka o Mr. Aehi 'iloko o na hana alanui iloko o keia mau la aku nei. Ea nui no ka maalea oka Alopeka, eao nae o lilo i luela nana e kumakaia ma ka pahu baloka o keia kau koho. Ua hiki mai i ka manawa a ko Honolulu nei poe e ike hou aku ai i ka heluna nui o na mokukaua Amerika ame na keiki aukai e like iho nei me ke aumoku o ka Akelanika, a ke manao nei makou aole no e nele ana ka malama o na makaainana o keia Teritore i na hana e lilo ai i mau mea hoomanao na na kanaka o keia mau moku kaua ia lakou e haalele mai ai i na kai o Hawaii nei.