Ka Nupepa Kuokoa, Volume XLIII, Number 36, 4 September 1908 — NA HUNAHUNA MEAHOU O KA APANA O HANAPEPE KAUAI. [ARTICLE]

NA HUNAHUNA MEAHOU O KA APANA O HANAPEPE KAUAI.

Mr. Lunahooponopono o ke Kuokoa, Aloha oe: —Ma ke Sabati, Augate 23, ua hoolaaia iho la he wahi Betela ma ka aekai o Mokupapa, no ka Ekaleaia o ka Poe Hoano o na la Hope Nei, o kou meakakau kekahi i hiki aku ma ia anaina. Ma ka makaikai «ina aku i ke ano nui o ka hoolaa a ka poe o keia Honmana, he bapetizo wai nui no ke kahua hōonee o na iliili a ma ia kahua no ke kalele nui ana o na ha'iolelo, he kuahaua no keia no ka' poe kapipi wale ia no ma ka ]ae pili i ka aihue ame ka powa no ka mea aohe i komo ma ka puka a lesu i komo ai, oia hoi o loredane Muliwai, na ka poe manaoio Hoomana no ia e ike iho i keia mau hoakaka ana. Kekahi Ma"kualii kahiko o keia Eka]esia i noho loihi ma ka Aina Houluulu, oia o Mr. Nehemia Hiapoole nana kekahi ha 'iolelo pili no i ke kahua kahi i loaa ai o ko lakou kuleana i ka Baibala, a wahi ana, aia ma loane IV, ma na pauku 36, 37 ame 38, Oia hoi ke ohi nei a ke komo pu nei ka Ekaleaia o lesu Kristo iloko o na hana ame na pomaikai a lakou i luhi ole ai, na Kalawina ma i huli no lakou na papa pa 'i o ka Baibala aka ua liaawi o lesu no kona 'poe Hoano, pehea mai ana la ka wehewehe ana a ka poe ike Palapala Hemolele i keia, e ala e Kanealii ma, oi kau ka la. Eia hou, ua makaukau ka Makualii Nehemia Hiapoole e i ka Aina Eheu a na manu, aka mahope koke no o keia Sabati hoolaa ua waiho iho la oia ma kahi moe me ka nawaliwali, he ha-no kona ma'i i awili pu ia me ka piwa, a ma ke ahialii Poaono, Augate 29 i hala ua hala aku la ma kela aoao mau o ko ka honua a ua waiho ia kona kino lepo ma ka ilina o kana moopima Mrs. Keliikaapuni Kanakaole, pau aku la. Aka nae ua moe ma ka ili aina o Babulona Nui, aole hoi ma ka aina i kahea ia no ka houluulu ana o ka poe Hoano. Aloha no kana ohana keiki ame na moopuna e noho la ma ka Aina houluulu ke loaa aku keia lohe ia lakou ua hala o N. Hiapoole. O kona wahi moolelo pokole i loaa ia'u, mai Kona, Hawaii mai, oiai i kona mau la opio wale no, i hele mai mahope o ke keiki a kona hoahanau oia no o J. H. Kapukui, a ma Hanapepe, Kauai nei no ka noho ana a mave wahine a nunui na keiki, a ma ka manaoio i ka Ekaleaia o lesu Kristo hele a nolio ma ka ili Aina o Laie, a «a ke aloha oliana i hui pu no me ka nawaliwali hoi hou mai.ma Hanapepe nei a hiki wale mai la no keii hopena. Nolaila ua hala leeia hoaloha o ke Akua. Eia hou ma ka Poakahi, Augate 27 ua nalowale kekahi Kepani mahi laiki me ka maopopo ole - o ke kumu o ka hele an?t a hoi hou ole mai no kona home, ua hooikaika nui kona mau hoahanau ame na hoaloha e huli a ma ka auwina la Poaha, Augate -29 i loaa aku ai iloko o ka naheiehele ua make, me he mea la ua make no ma ka Poakahi no ka mea ua ino ke ea o ke kanaka ma ia la no i loaa ai. Ua kii ia ka makai Isaae lona a ma kana ninaninau ana ua maopopo ua make no keia Kepani iaia ponoi no, he pahi no ma kona lima e paa ana i ka m&nawa i loaa aku ai, a ina ka olelo a kona hoahanau, o kekahi no ia o na pahi kuke mea ai a lakou, ke kumu o ka lawe ana i ke ola, aole i maopopo pono he koho wale aku no malia no Ewa. Me keia mau wahi hunahuna ua lawa ke hooki nei au no kahi wa hou aku. F. SABO.