Ka Nupepa Kuokoa, Volume XLIII, Number 36, 4 September 1908 — PAKELE KE OLA OIA KAMAIKI Haule Iloko o ka Hawai ma Wailuku, a Laweia e ka Wai no 300 Kapuai ka Mamao. [ARTICLE]

PAKELE KE OLA OIA KAMAIKI

Haule Iloko o ka Hawai ma Wailuku, a Laweia e ka Wai no 300 Kapuai ka Mamao.

Ma ka Poakolu aku nei o ka pule i hala i pakele ae ai kekahi keiki uuku nona na makahiki he elima wale no mai ka make mai, ma o ka haule ana iloko o ka hawai ma Wailuku, Maui, a laweia no kahi he ekolil haneri kapuai ka mamao, eia nae aole oia i make, aka ua loaa nae na palapu lehulehu ma kona kino. 0 Ellia Coke ka īnoa o keia keiki, a o kona makuakane ka mea e noho hana nei no ka nupepa Maui News. Ma k6 kakahiaka o ka Poakolu, e nanea ana no keia keiki me kona mau hoa i ka paani ma kahi kokoke i ka halekuai o Enos ma Wailuku, a hele aku la oia me kekahi keiki okoa aku me ka manao e kii i kekahi niu e lawe ia mai ana e ka wai iloko o ka hawai. Oiai e hoao ana keia keiki e lalau aku i ka niu, o kona wa ia i haule aku ai iloko o Ka hawai a laweia aku la e ka wai me ka ikaika a pau aku la kona ikeia ana, oiai ua uhiia kekahi wahi o ka hawai a ua komo maoli no hoi kekahi wahi iloko o ka lepo. Ua kahea koke kona mau hoa no na kokua a i ka hiki ana mai o kekahi poe malaila, ua wawahiia kekahi mau

papa ma kona wahi o ka haule ana, eia nae aia ua keiki la ke laweia la q ka wai no kalii o ekolu haneri kapuai ka mamao. , I kela wa i oili aku ai o keia keiki ma kekalii aoao o ka liawai, ua noke ae la oia i ka uwe kapalili, a holo aku la o Albert Decker, a nana i liuki mai iaia a hemo -mai ka hawai mai, me ka hele o kekahi mau walii o kona kino a manumanu. Ua lilo ka pakele ana o keia keiki i mea e hookahahaia aku ai ka manao o ka lehulehu, 110 ka mea he liaiki loa kekahi wahi o ka hawai, a he pani hoi ma kekahi wahi, aka ua puka aku no nae oia mai keia mau wahi pilikia aku me ka nui ole o ka poino. He wahi manawa uuku wale no ia o keia keiki i noho malie iho ai mahope 0 ka loaa ana o keia ulia, a iloko o na hora elua, ua ike houia aku oia e noke mai ana no i ka paani me kona mau hoa kamalii. 0 Mr. McCandless kekahi mea i ike 1 ka loaa ana o kela ulia i keia keiki, a nana i kauoha koke i ka papa, me ka hoolimalima ana i kamana no ka uhi ana i ka hawai a paa, i ole ai e loaa hou kekahi ulia i na kamalii ma kela wahi.