Ka Nupepa Kuokoa, Volume XLIII, Number 36, 4 September 1908 — HOIKE HUI O NA KULA SABATI O KA MOKUPUNI O MOLOKAI. [ARTICLE]

HOIKE HUI O NA KULA SABATI O KA MOKUPUNI O MOLOKAI.

Ke hoike ia aku nei ka loha i na Kula. Sabati 'apau o ka Mokupuni o Molokai e malamaia ana he Hoike Hui o ua mau Kula Sabati la ma ka luakini o Kaluaaha ma ka hora 10:00 a. m. o ka la 20 o Sepatemaba. A. D. 190S. O na haawina Hoike o ua mau Kula Sabati la ua hoikeia malalo iho nei, penei: Kula Sabati o Pelekunu, liaawina o ka mahina o Malaki; Wailau, o Aperila Halawa, o Mei; Waialua ame Honouli, o lune; Kaunakakai, o lulai; Kaluaaha, o Augate. M Ke hoike puia aku nei ka lohe, e malama ia ana he Ahamele maloko o ka luakini i oleloia ma ke ahiahi o ka la 19 o Sepatemaba ma ka hora 7:30 p. m. no ka hoomaemae hou ana i ka luakini o Kaluaaha, a ke noi ia aku nei ka oluolu o na Kula Sabati apau o ka Mokupuni o Hina e hoouna mai i ko oukou mau lede ame na keonimana o ka Papa kiekie ma ka ike mele ma ia po. O ka poe mawaho ae o na Kula Sabati e makemake ana e komō pu mai ma na hana Hoike Kula Sabati aine na himeni Ahamele, e hoike mai i ke Kahu Kula Sabati Nui o keia iMokupuni. Me ka mahalo, Ka oukou kauwa haahaa, J. Kahu Kula Sabati Nui o ka Mokupuni o Molokai, Kalana o Maui.