Ka Nupepa Kuokoa, Volume XLIII, Number 36, 4 September 1908 — KOHO LUNANUI C. E. O LIHUE. [ARTICLE]

KOHO LUNANUI C. E. O LIHUE.

Mr. Lunahooponopono, Alolia oe:—E oluolu mai kou hanohano e hookomo iho iloko o kahi kaawale o kau nupepa i keia mau wahi hunahuna meahou: Ma ke Sabati, Augate 23, maloko o ka luakini kahiko o Liihue nei, a ma ka noho lioomalu ana mai a ka Hope Peresidena Nui o ka Paeaina, Hon. W. H. Riee, o na 0. E. no ka Mokupuni o Kauai nei, a mahope o ka himeni ame ka pule ana, ua kohoia o Mrs. Tabita Ellis i Peresidena, Mrs. Harriet Hobron, Hope Peresidena-, Miss Allie Holi, Kakauolelo; Mr. Eddie I>esha, Puuku. Na Mrs. Hana Holi ame Mrs. Carrie Peter Malina, na hoakuka; aine James H. K. Kaiwi i Kakauleta no ka Ahahui Hooikaika Kristiano o Lihue nei. He koho ana keia e like me ke Kumukanawai hou o na A"hahui C. E. o ka Paeaina; a he mau lunanui liou keia i kohoia me ka lokahi ame ka maluhia o na hana i hanaia; nialaila pu ae ka Makuahine Mrs. Julia Bowers o ka C. E. o Kawaiahao; i hui pu ai a lawelawe pu i na hana maikai "*no Kristo ame kona Ekalesia. E na Lunanui liou, e ala, e ku, e hana a e paa i ka mahiole o ka pono o Kana olelo. Me ka mahalo nui, Owau no, JAMES H. Iv. KAIWI, Kakauolelo C. E. o Lihue.