Ka Nupepa Kuokoa, Volume XLIII, Number 36, 4 September 1908 — HOOKAHI HANERI TONA WAIMELI I HOOUNAIA. [ARTICLE]

HOOKAHI HANERI TONA WAIMELI I HOOUNAIA.

He hookahi haneri tona waimeli (honey) Hawaii i ohiia, kuaia a i hoomakaukauia e F. L. Waldron no ka hoouna ana aku i Kapalakiko maluna o ka Mokuahi Mongolia ma ka Poaha o ka pule i hala a ua kau pu aku oia ma ia moku no ka hoopukapuka ana aku ia mea ma na makeke like ole, a hoouna aku paha ma na wahi like ole. He helona nui o na pahu waimeli i hoahuia e ka Hui Kopaa Amerika, a oia mau pahu ke hoouna pololei loa ia ana i Ladana. e laweia ana ka hapanui o ia i mea ai a o kekahi hapa aku e hooliloia ana i mea hoohina hinu kamaa. Ma na hale hana kamaa apau, ua hoohanaia keia waimeli malaila no ka hoohinuhinu ana i na kamaa liou mamuli o ka ikeia he mea maikai loa ia no ka hoohinuhinu ana i ka ili hou o na kamaa like ole. Ua ho-oia ka waimeli iloko o na kini huinaha e like me ka hanaia ana o na kini aila mahu a hookomoia iloko o ka pahu, ma ka elua kini o ka pahu hookahi.