Ka Nupepa Kuokoa, Volume XLIII, Number 36, 4 September 1908 — HOOPIIIA AKU NEI O BRECKONS I AMERIKA [ARTICLE]

HOOPIIIA AKU NEI O BRECKONS I AMERIKA

He mau kumu hoopii o ke ano koikoi loa ka i hoounaia iiku nei i Wakinekona e ku-e ana ia Robert W. Breckons ka Loio Apana o Amerika Huipuia i hookumuia iloko o na pule lehulehu i hala e Rev. E. W. Thwing. U4 ike o Breckons i keia mau mea apau e pili ana iaia a ua hoakaka ae oia i kona makaukau e halawai mai me na hoopii like ole i manaoia nona i na manawa apau ina he makemake ko ka Loio Kuhina Nui o Amerika Huipuia e noii mai no na hana o kana oihana a i ole nona ponoi iho paha. Maloko o keia mau hana oa owili puia na paalalo o Kiaaina Frear, a ua hoakaka pu ae ka poe i komo pu ma

kela hoopii i ko lakou manao ua oili mai na lono no ka pomaikai o Breckons mailoko mai o ke keena hana o ke KiaaLna. 0 na inoa o na keonimana i komo pu iloko o kela hoopii oia no o P. C. Jones, W. W. Hall, W. B. Kakela, ka Bihopa Bestarick ame kekahi mau inoa e ae i noi ia aku e kakauinoa i ke noi imua o ka Loio Kuhina o Amerika Huipuia e noii kokeia mai e like me na. kumuhoopii i waihoia aku. O ka hoike mua i kuu akeaia ae e pili ana i ka hoounaia ana aku nei o na hoopii no Breckons i Amerika ua hoolaha ia ae ia maloko o ka Nupep»

Kepani Shinpo o ke kakahiaka Poakolu o ka pule i hala, a maloko o ia nupepa ua hoakakaia kekahi o na ku mu hoopii e ku-e ana i ka Loio Apa* na Breckons. "Wahi a kela nupepa e hoike ana ia i ka mea oiaio maoli o na kumu hoopii a e hoakaka pu ana ia pepa o ke noi e huli ponoia mai kela hewa he hana kalaiaina wale no ia, i ulu mai mamuli o ka noii ia ana o ka hihia o laukea, a oiai ma ia hihia ua komo pu 0 Mr. Breckons ma ia hana. Ua hoopuka pu ae kela pepa i ka oluolu, ka w Y aipahe ame ka noho aloha ana o Breckons me na Kepani. s Ma ka Poaha aku nei maloko no o ua nupepa Shinpo la e hoakaka ana ia aohe nupepa haole o ke kaona nei 1 hoakaka iki i na kumu i hoopiiia aku nei o Breckons, me he mea la he hana keia e lawelaweia ana ma ke ano akahele loa. O na kumu hoopii no Mr. Breckons oia 'no na mea pili i ka poe hakaka no ka uku makanaia, kona komo pu ana iloko o ka hihia o Isoi, kona lawelawe ana ma na hihia malu i ku i ke kanawai e ku-e ana i kana hana a e hoopalaleha ana i ka hoopii ana mai i na hana i haawiia nana e hana. Ma ka Poaha aku nei ua ninauia aku o Thwing i ka oiaio o ka mea i hoolahaia maloko o ka Shinpo e pili ana i ka hoounaia ana aku nei o na kumuhoopii e ku-e ana ia Breckons i Amerika. Ua hooia mai oia i ka pololei o ia hoike a ua pa\u'i hou mai oia i kekahi mau mea hou,»a penei kanaka: ."No kekahi manawa i hala, ua holo leka au me na luna Aupuni ma Wakinekona e pili ana i ke ano o ka Breckons I mau hana e lawelawe nei ma kana oihana maanei. Ua lehulehu ko'u mau [ manawa i kakauleka ai i ka Loio Kuj hina Nui Bonaparte, a o kekahi oia | mau leka a'u i kakau aku ai ua manaoia he leka ano nui loa ia no na kokua o ia oihana e hoouna aku ai iaia ma kona home ma Lenox, Mass. A no keia leka ua kakau mai ka Loio Kuhina Nui i kekahi pane nona ka nui he elua aoao i piha e hoakaka ana 0 ka'u mau hoakaka apau i hoouna aku ai iaia he maii mea ano koikoi loa ia a nolaila, e lawe ana ia ia kumuhana a noonoo pu ine ke kuhina Kalaiaina Gafila. I "He mea pono ole keia e hoopauaka wale ia, a aole no makou e hopohopo ana no ka hoonee ana aku i keia hana imua. "0 ko makou manaoio maoli a ua hiki loa hoi ia mea ke hōoiaioia, aole 1 lawelawe o Breckons i kana mau hana maanei e like me ke kupono maoli e lawelaweia. Ke manaoio pu nei makou ua hoeha aku oia i ka hooponopono aupuni kaulike e like me ka plli o ia mea i na aina hikina a ua lilo maoli i kumu keakea i ka hookoia o ke kanawai ame ka maluhia mawaena o na kanaka o ka hikina. "Aole makou e paio ana i keia ninau iloko o ka pouli, aka ua' hoouna aku i keia mau kumu hoopii imua o ka Loio Kuhina Nui Bonaparte nia ka la 10 o Augate. Ua hooholo au aohe ia he mea kupono ka hoike ana ae i ke akea a liiki i ko lakou hoounaia ana aku i Wakinekona. «O na kumu hoopii a makou i waiho aku nei he mau kumu koikoi loa, a ke manaoio nei no au ua lawa na hpike e kakoo mai ana i mea e hoopii ai ia Breckons no ka pono ole o kana hana. "Ua maopopo ia'u ua loaa ia Mr. Breckons he mau kope o na leumu hoopii na leka ame na olelo ike i hoohikiia e a'u ame kekahi poe e ae i hoouna ai i Wakinekona. I ka nana aku ua hoounaia mai ke kope o kekahi mau leka ia Mr. Breckons mai Wakinekona mai, aka nae o kahi i ioaa mai ai o kekahi mau leka hope, i hoouna kokeia aku nei ma ka ekeleka hope, he koho wale no ko'u. <( Ua hoikeike aku au i kekahi mau kope o na olelo hoike i hoohikiia i kekahi poe, a ua ninaninau i kekahi mau oleloike mawaena o kekahi o na Pake ame na Kepani a malia ua kamailio paha kekahi poe o lakou ia Mr. Breckons, aka, ua loaa iaia kekahi mau

mea ano nui o kekahi leka a'ui haawi kino ai ia Kiaaina Frear, a he palapala ia i kupono e ikeia e ke Kiaaina ame kona mau paalalo iho ame ka poe i kakauinoa i ua palapala la. Aohe maopopo ia'u ke kumu o ko Breckons lohe ana i kela mea koe wale no ina ua oili ae mai kekahi ae o na paalalo o ke Kiaaina alaila," pela paha oia i lohe ae ai. "Aka nae, aohe o'u hopohopo no ka loaa ana iaia i mau kope o kela leka. Aole makou e paio ana he kino a he kino, a i ole e paio ana paha iloko o ka pouli. "Ma ka PoAha aku nei o ka pule i hala, ua haawi aku au i ke kope o na kumu hoopii ia Lunakanawai Dole, aka nae. aole i loaa iaia kela mau kope a hiki i keia la. a ua loaa mua akn ia Mr. Breekons ka lioike no ia mea mamua o kela manawa. "Aole au i ike ua hoikeike aku paha o Lunakanawai Dole i kela mau kope ia Mr. Breckons, eia nae, o kana o ka olelo ana mai ia'u e kuka aku ana oia me ia no kela mau kuumu hoopii ku-e iaia." Ua Makaukau o Breckons. Ma ka launa kamailio ana me Mr. Breckons ma ka Poaha i hala, o kana

i pane mai ai, no kekahi manawa i hala ae nei ua hoopiiia no oia e keia Thwing imua o ka Lunakanawai Kiekie a ua hoakaka aku oia ma na mea apau e pili ana i na kumu hoopii nona. Ma ka Poaha o ka pule i hala ka haawi ana ae a Mr. Tliwing i na kope o na kumu hoopii ame na olelo ike i hoohiki ia ana i hoouna ai i Wakinekona ia Lunakanawai Dole a nana i liaawi ae ia Mr. BreckPns me kona nana ole ia mau kope. Ua hoakaka ae o Mr. Breckons i kona makaukau e halawai aku me na kumu hoopii i waihoia aku nei nona, a ua ike no oia aohe oiaio o na kumu hoopii ku-e iaia.