Ka Nupepa Kuokoa, Volume XLIII, Number 37, 11 September 1908 — HOLOPONO KA PU RAIFELA KANIOLE. [ARTICLE]

HOLOPONO KA PU RAIFELA KANIOLE.

I SPRINGFIELD, Mass., Aug. 25 — Imua o na komite o na aliikoa o ka pualikaua Amerika i hoao ai o Hiram Percy Maxim, ka mea nana i imi a i hana iho nei i ka pu raifela kani ole, ! a ma kela hoaoia ana ua ikeia ka hooi pono ma o loa aku o na kumu kanalua apau. Ua hooiaio mai oia iloko o na manawa lehulehu i hoaoia ai maloko 0 ka halekoa a maloko o ka ululaau e kokoke Ia ma Wilbraham Akau, ua hiki loa i kela pu ke kiia maloko o 150 kapuai, i kekahi kanaka me ka lohe oleia mai o ke poha ana e like me na pu e ae. koe wale no he -wahi pa ka mea e loheia e like me ka hookani ana ae i na manamanalim>\ Hookahaha loa ia na Aliikoa. Ua lilo loa i mea hookahaha nui i ka naau o na komite o ka pualikoa 1 ko lakou wa i ike ai i ka hoohanaia ana o kela pu me ke kaniole oiai, ua hiki ia lakou ke lohe i ke kopena e kani ana ma kahi he 150 kapuai ka mamao, aka no keia pu aohe wahi mea a loheia aku koe wale no aia a kokoke aku ma kahi he 10 kapuai mai iaia mai alaila hiki ke loheia aku ke kiko ana a ka hamare i ka poka. Ua hiki loa ke kiia kela pu jmai lta 100 kapuai aku a hiki i ka 2000 i-a ka mamao, āole nae e loheia aku ana ke poha ana, koe wale no lie paina me he mea la he kani na ka manamanalima i hookaniia mai. Ua hiki loa keia pu ke kiia i kekahi kanaka me ka i ike a lohe ole ia o kahi i ki mai ai a 0 ka make ana ka mea e ikeia. j Hoaoia i Maopopo Pono. , Ua haawiia he 40 poka i kela , Maxim a ua hele na aliikoa a ma kahi j he 2,000 i-a a kukulu i maka a kauo-1 haia aku oia e ki mai. Ua kiia eia kela mau poka apau me ke kanji alapine aohe nae he loheia aku he wahi leo koe wale no ke koele o ka poka 1 ka papahao maka. I ko lakou hookokoke ana aku a ka 150 kapuai mai iaia mai, o ke kiko wale no o ka pu ka mea loheia aku me ke koliuliu. Aohe ike ia aku o ka uwahi ame ka a mai o ke ahi mai ka pu mai. No ka lawa ole o ka makemake hoao o na aliikoa ua laweia kela pu a kahi kokoke i ka Moanawai a malaila i hoaoia ai, kahi aohe walaau o na ano like ole. Ua kauia he papa ma-ka ma kahi he 500 i-a ka mamao me ka hana pu ia i wahi e pee mai ai ke kanaka. He ewalu ana poka i lohe i ke koele, aohe nae he loheia aku o ka leo o ka pu. Ma kela mau hoao lehulehuia ana ua ike na Komite, he pu maikai loa ia i ka wa kaua, a he pu ino loa ke j loaa i ka poe manaoino. Ua hooholo na komite he 74 pa-keneta ke kaiii ole o kela pu.