Ka Nupepa Kuokoa, Volume XLIII, Number 37, 11 September 1908 — HE EKOLU MAU KANAKA O NA MOKUKAUA I HOOPAKELEIA. [ARTICLE]

HE EKOLU MAU KANAKA O NA MOKUKAUA I HOOPAKELEIA.

I ka manawa i kipa mai ai ke aumokukaua o ka Akelanika i Honolulu nei iloko o na mahina i hala aku nei, ua hoopakeleia ke piholo ana o kekahi poe kanaka oluna o ia mau moku i hele ai i ka auaukai ma Waikiki e na keiki a Hustace. A i ka hoea ana mai nei hoi o keia mau mokukaua hou o ka Pakipika, ua hoopakeleia kekahi o na kanaka oluna o kekahi o keia inau moku e Harold Hustace ame Henry Steiner ma ka auwina la o ka Poaono i hala, aole nae me ka papa heenalu i hoopakelia ai, aka me ka waa, oiai aole he papa heenalu i koe i ka hale o keia mau keiki, a pela i ulu mai ai ka manao iloko o Mrs. Hustace e hoolako hou mai i papa kaokoa loa no ka hoopakele wale ana no i ka poe apau i piholo iloko o ke kai. Ma ka la Sabati ae, he elua mau kanaka oluna o na mokukaua i hoopakeleia e kekahi no o na keiki a Hustace nona ka inoa o Curtis Hustace, a nie ka waa no oia i holo aku ai no ka hoopakele ana mai iaia, a na keia keiki hookahi no ame Harry Steiner i hoopakele i kekahi luina e aku o ua mau moku la ma ia wahi hookahi no. Oiai ua nui maoli ka hana a keia mau keiki e kiai ai no ka hoopakele ana i na kanaka o na mokukaua e hele mau ana i ka auau mawaho o Waikiki ia lakou ma Honolulu nei, nolaila ua ulu ae ka n?anao iloko o na lala o ka hui heihei waa o Waikiki, e hoike āku i ka lohe i na alii o na mokukaua e hoouna mai i kekahi mau kanaka o lakou no Ike kiai makaala ana i ka poe oluna o Ikela poe moku e hele ana i ka auaukai ma kela wahi. j He hookahi no nae kumu nui o ka jloaa ana p ka poino i kela poe luina [ haole mamuli iio ia. o ka. h.emo ana o |ka boe, e hoike ana i kahi hohonu, kahi ilioi e ko ana ke au me ka ikaika. | ++* —