Ka Nupepa Kuokoa, Volume XLIII, Number 37, 11 September 1908 — HOOKU'I I KA POU KELEPONA. [ARTICLE]

HOOKU'I I KA POU KELEPONA.

Oiai he mau la hauoli no na kanaka o ke aumokukaua na la o lakou i hookuuia: aku ai e lele iuka nei o ka aina, nolaila uā hele aku la kekahi poe o lakou e hoolimahma i mau kaa holo lealea, a ma ka auwina la o ka Poalua nei, ua hoomaka akti la kekahi mau luina e heihei ma ke alanui Moi ma o aku o ke alanui Ala,kea a hiki i ka huikau ana o nā kaa i kahi hookahi. Ua holo aku la kekahi kaa a hooku'i ka lio i ka pou kelepona, me ka ikaika, ka mea nana i kiola iaia iluna o ka honua, me ka pianaoia ua make, aka nae mahope iho o ka waiho ana o ka lio no kekahi manawa loihi, ua loaa hon mai la ka nuhou hauoli no ke ola loa ana o ua lio nei. Ua nahaha nae ke kaa, e hikl aku ai na hoolilo i wahi e paā hou ai i ka hanaia ma kahi o ka iwakalua dala. No ka halelio Club Stables aku kela kaa ame ka lio i hoolimalimaia ai, a i ka mānawa i loaa ai ka ulia i kela poe luina, ua hoike kokeia mai la ka lohe i ka halelio, a hoounaia aku la he kauka no ka nana pono ana i na poino o kela lio.

Ma keia Poakahi ae, Sepatemaba 14 e noho ai ka Aha Elele Teritore o ka aoao Repubalika maloko o ka Halekeaka Opiuma, a ma ka la 19 aku e noho ai ka Aha Elele Kalana maloko o ka Makeke Kahiko.