Ka Nupepa Kuokoa, Volume XLIII, Number 37, 11 September 1908 — KA HEIHEI WAAPA O NA MOKUKAUA. [ARTICLE]

KA HEIHEI WAAPA O NA MOKUKAUA.

He mehameha pu wale no ka Poakahi nei, ka la kulaia o na Limahana, aka nae, ma ia kakahiaka, he heihei waapa ka i inalamaia e kekahi mau luina oluna o ka Mokukaua Dakota ame ka Virginia Komohana. Ua lilo keia heihei i mea makahehi nuiia e na luina o kela mau niokukaua a pela no hoi me ka leliulehu ae o na kanaka oluna o kekahi mau moku okoa aku, a ua hele na uwapo a lehau ī ka poe makaikai. Mahope koke iho o ka hora ehiku o ia kakahiaka, ua'hoomaka aku la ua mau waapa la e holo ī ka wa i kani aku ai o ka pu hoailona no ka hoomaka ana e heihei mai ka halewaapa aku o ka Healani. Ua like loa ka ikaika o na kanaka hoe o keia mau waapa, a pela no hoi ka liolo o na waapa, a i ka nana aku ia laua e holo la nowaho o ka boe, ua hiki ole ke koho aku i ka waapa nana e aha-'i mai ana ka lanakila. Iloko o na i-a he hookahi haneri lee kaulike loa la ua mau waapa la i kahi hookahi, aka ua hooinaka aku la ka waapa o ka Mokukaua Dakota Hema e panee liilii nomua ma na iniha, a hiki i ke mamua o kona hoa heihei. Ke ua mau waapa la ma ke kai ooloku me ka mau no nae o kekahi waapa mamua o kekahi, aka i ka hiki ana i ka boe, a hoohuli mai nouka nei o ka aina, ua ulolohi loa ka waapa o Dakota He'ma, a kokoke loa ua mau waapa la e kau like ma ia liuli hoi ana mai a laua. Oiai nae aole i kuupau loa na luln» 0 ka waapa o Dakota i ko lakou ika'iKa ia lakou i kaa ai mamua, nolaila i ka ,ike ana mai ua kokoke loa kekahl waapa e kau like me ko lakou, o ka wa ia i kuupau hou mai ai i ka hoe ana, a i ke komo ana mai i kahi o ke kai maliuo, ua mamāo loa mai la lakou mamua, a o ka mau mai la no ia o ko lakou kaawale a hiki i ka pahu eo. He inau kaukani dala ka pili mawaena o na Juina o kela mau waapa, a ua kani ka aka a na luina o ka waapa 1 kaa ai o ka lahakila, no kela māu dala mahualiua, a ku hoi i ka hoka kekalii poe aku o lakou i haule ai ma ia heihei ana.

TOKIO, Aug. 28. —Mainuli o ka loaa ana o ka mokuahi Pelekane Lunera i ke tafuni ua piholo oia i ka moana. He kanalima poe oluna i make a he elua wale no i pakele mai.