Ka Nupepa Kuokoa, Volume XLIII, Number 37, 11 September 1908 — MAIKAI KE KULANA O KA PUALI RAIFELA HAWAII. [ARTICLE]

MAIKAI KE KULANA O KA PUALI RAIFELA HAWAII.

Ma ka hoikeike kikipu nui i malama ia mai nei ma Camp Perry, Ohio, ua loaa i ka Puali Raifela ki pololei o Hawaii nei ka helu kiekie e haaheo ai o Hawaii, oia hoi, ua loaa i ka Puali Hawaii ka helu 26 mailoko ae o kanalima mau puali, a no lakou ka nui o na helu he 2714, e ku-e ana i ka helu 34 i loaa ia lakou i ka makahiki i hala nona ka nui ona puali he 48. Ua loaa mai keia lono hauoli ma ke telekalapa ma ka Poakolu o ka pule i hala a ua panai aku o Kiaaina Frear ia Mekia Riley o ka Puali Hawaii ma Camp Perry i kana mau hoomaikai. Ua hoike pu mai o Mekia Riley i ka nui o na helu i loaa i ka Puali ki pololei o Hawaii me ka pai mai i ka Puali Hawaii i ka loaa ana o ke kulana kiekie ame ka haule hope loa ana 0 kekahi mau Puali ki pololei o Amerika ia lakou. Ua lilo ka N hanohano ame ka makaukau i loaa i ka puali Raifela Hawaii 1 mmea hookahaha nui aku i na olohe ki pololei o na puali e ae oiai no nae, ma ka makahiki i hala ua loaa no i ka Puali Hawaii he kulana kiekie. 0 ka Puali Raifela Hawaii i laweia aku no ka hoikeike he poe wae wale ia no lakou mai ka puali ekahi mai o ka N. G. H. He nui no ka poe akamai 0 na puali Hawaii e ae, aka aole lakou 1 laweia. Ua hoike pu mai oia i ka inoino o ka moana a lakou i holo ai, aka nae, ua maikai maoli ke kulana o ka puali Hawaii, oiai ua kulaia lakou ma na ano ea like ole. Qko lakou la hope loa i hoomaamaa ai ma ka Papu Shafter (Kahauiki) e hoike ana ia i ka hopena maikai loa i ka la makani loa oiai ia la, he ikaika maoli ka makani me ka hiki pono ole o ke ki ana. 0 keia malalo iho nei ka ka Akukana Kenerala Jones i hoike miai ai e pili ana i na helu i loaa i ka Puali e like me ka lono i loaa mai ma ke kelekalapa: 200 i-a, ki iohi 4.T9 200 i-a, ki wikiwiki 409 600 i-a ki lohi 459 800 i-a, ki lohi .. .*. 471 Holo pualu a ki 495 1000 i-a, ki lohi 421 Huina 2714 1 ka makahiki i hala o ka huina nui o- na helu i loaa i ka Puali Hawaii he 2686, a i keia makahiki ua oi ae he 28 lielu hou. O ke alakai kiekie o keia puali, oia no o Mekia Riley, a malalo aku ona na aliikoa e ae, a ma ka la 5 o Augate aku nei i haalele mai ai lakou ia Honolulu nei. Ua haule ino kekahi poe pnali ki poK lei akahiai J)a o Amenka i keia puali. O kekahi o ka poe akamai loa iloko o ka puali Kiai Lahui he poe i hoopaaia na inoa no ka haomaauiaa mau ana ma na wa kaawale iloko o ka makahiki no ka hoomakaukau no ka hoikeike makahiki. O kekahi mau puali o ka Puali Kiai Lahui ua maikai no ko lakou mau kulana, sf ua haawiia ka manawa akea kupono no lakou e hoomaamaa ai i lawa ai' ko lakou makaukau kikipu ma na ka-wa like ole. 0 ka poe ki pololei o na puali o Hawaii nei lie manawa wale no ko lakou 1 kaupalenaia. He nui ka poe i paa i ka lakou mau hana ponoi a o kekahi poe he mau limahana ke aupuni a ua kaohiia lakou e ia ma'u hana mai ka hele pinepine ana ma kahi hoomaamaa no ka hoomakaukau ana ia lakou. Ma ke ki ana i»ka 1000 i-a ua emi iho na helu i loaa ia lakou i keia makahiki mamua o ka makahiki i hala a ua manaoia, mamuli no ia o ka inoino oka moana ia lakou i holo aku nei. .