Ka Nupepa Kuokoa, Volume XLIII, Number 37, 11 September 1908 — MAHALOIA KA BANA O WAIALEE Lohe ko ke Kulanakauhale Nei i ka Hoene o na Ohe a na Keiki o Kahuku. [ARTICLE]

MAHALOIA KA BANA O WAIALEE

Lohe ko ke Kulanakauhale Nei i ka Hoene o na Ohe a na Keiki o Kahuku.

No kā manawa mua loa i loaa ai ka ike i ko ke kulanakauhale nei poe no ka bana puhiohe a na keiki o ke Kula o Waialee, ia lakou i hoea mai ai i ke kulanakauhale nei me ke puhi hele ana maluna o na kaa uwila ma ke kakahi; aka o ka Poalua nei, a ua kiihihewa loa ka hapanui o ka poe i lolie i ka paani ana o kela bana, o ka bana no ia o ke aupuni, ka like loa o ka lakou paani ana, eia ka auanei he bana malihini loa kela i ka lehulehu. Ua. kahikoia kela poe keiki me na lole Kaki me na-papale keokeo, a he ku i ka haaheo ko lakou mau ano ke nana aku ia lakou e noke ana i ke pnhi i ka lakou mau ohe maluna o na kaa. Mamuli o ke noiia ana aku i ka Papa Hoonaauao e Mr. Dillingham no ka hookuu ana mai i kela mau keiki mai ke kula 'mai no ka hele ana mai e makaikai i ke aumokukaua o ka Paleipika, pela lakou i hoea mai ai ma ke kaaahi o ka hora ewalu o ke kakahiaka o ka Poalua nei, a kau maluna o na kaauwila, ua lawe loaia aku la lakou no ka hale hoikeike o na i'a ame Kapiolani Paka, a mamua ae o ka hora umi-kumamalua, ua huli hoi hou aku la lakou no ka hale hoolulu kaaahi no ka ai ana i leo lakou aina awakea maluna o ke kaaahi. Ma ia auwina la, ua hoea mai la na kaikamahine o ke kula o Palama ae nei, a hui pu me keia mau keiki, o ko lakou hele aku la no ia no.ka uwapo o Hackfeld ma, a kau aku la maluna o ka moku Paionia, a lawe ia aku la e hoomakaikai i na mokukaua e ku mai ana iloko ae nei o ke awa. Ma ka uwapo o ke. alanui Alakea i hooleleia mai ai lakou apau noulea nei 0 ka aina, a mahope iho o ka kai ana ia luna o kekahi mau īnokn, ua ka'i aku la lakou no ka hale hoolulu kaaahi, a huli hoi aku la no ko lakou Home, ma ke kaaahi o ka liora ekolu a oi. - - E hoomanaoia, o ka bana a na keiki o ke kula o Waialee, na na hoa o ka Hale o na Lunamakaainana o ke kau Ahaolelo aku nei i hala, i hoomaka mua i ka haawi ana i kekahi mau kokua i mea e loaa ai ka bana na kela mau keiki, a akahi no a hoomaopopoia aku, ua makaukau maoli ka ua mau keiki 1 a i ka paani ana, me he poe la lie mau makahiki ko lakou iloko o ka bana puhi ohe. O Mr. Berger no ka mea nana i a'o 1 kela mau keiki i na la mua o ka loaa o na meakani, e hele mau ana ilaila i kela ame keia manawa, a pela i loaa aku ai ka makaukau ia lakou, he makaukau e hiki ai ia lakon ke komo iloko o ka Bana Hawaii i ko lakou manawa e hemo mai ai mailoko mai o kela kula.»