Ka Nupepa Kuokoa, Volume XLIII, Number 37, 11 September 1908 — O MRS. MARY KEALOHA TIMOTEO UA HALA Ma Kawaiahao e Malama ia ai Kona Anaina Hoolewa ma ka Auwina La Sabati. [ARTICLE+ILLUSTRATION]

O MRS. MARY KEALOHA TIMOTEO UA HALA

Ma Kawaiahao e Malama ia ai Kona Anaina Hoolewa ma ka Auwina La Sabati.

Ma ka hora umi o ka po o ka la Sabati nei i pauaho mai ai o Mrs. Mary Kealoha Timoteo i keia ola ana mahope iho o kona kaa ma'i ana no kekahi mau pule pokole ae nei i hala, ma ko laua home mauka o ke alanui Kula. Hc makualiine oia i ike nuiia apunl keia Toritore, ma ke ano he paahana no ko ke Akua aupuni, a ua pili aloha aku no ka poe apau i ike a i kainaaina iaia. Puakea, Kohala, Hawaii, kona wahi o ka hanauia ana iloko o ka mahina o Augate, 1852, aka ma Waialua, Oahu, nae kahi ona i hoohala ai i ka hapanui o kona manawa iloko d kona mau la opio, a malaila no i loaa ai iaia na lioonaauao ana, malalo o Rev. Guliek, ka mea e noho poo kumu ana no ke kula kaikamahine o Haleiwa. Ma ka makahiki 1871 i mare ae ai oia me Kev. Timoteo, oiai o Timoteo e noho kumukula ana no kekahi o na kula ma Kohala, a iloko mai o ka makahiki 1876 i hoi pu mai ai laua a noho ma ke kula kahunapule ma Honolulu nei, maloko o ka pa i lilo ae nei i halepule no na Korea. I ka makahiki 1880, na kaheaia mai la o Eev. Timoteo .i kahu no ka Ekalesia o Waialua, a ma keia ekaleaia i noho ai laua no na makahiki he umikumamawalu me ka pilipaa o ke aloha o na hoahanau ia laua ma ke ano he mau makua no lakou. j Ma o ka hakahaka ana o ka Ekalesia o Kaumakapili, ua kaheaia aku la ! o Timoteo' e lioi mi i kahu no ia eka-

lesia, a o keia ka mea nana i liookaawale iwii ia laua mai Waialua inai, mo ka minamina no nae o na hoahanau no laua. Iloko o na hana a kana kane, ua lilo oia i mea kokua aku iaia, a ma ko laua hana like ana, ua lioomamaia mai na hana ma ka laua mau wahi i noho aku ai. Aole'wale no oia he mea hooikaika ma na hana o ko ke Akua aupuni, aka he kalena ike himeni kekahi ona, a o keia no hoi kekahi o na kumu i umeia aku ai ka manao ame ka noonoo o ka poe opiopio e komo pu aku a kokua ma na hana maikai. Mamuli 110 o kona makemake maoli, maloko ana o ka Luakini o Kawaiahao e malamaia ai kona anaina hoolewa ma ka hora ekolu o ka auwina la o keia Sabati iho, a na Rev. Lono ame Gulick e haawi mai ana i mau haiolelo pili iaia ame ke ano o kona ola ana. He lala oia no ka Ahahui Kaahumanu ame ka Ahahui Kalama Helu I, a e laweia aku ana kona kino lepo a hoomoeia akn maloko o ka pa o ka Lnakini o Kaumakapili mauka o Palama.

MRS. TIMOTEO