Ka Nupepa Kuokoa, Volume XLIII, Number 38, 18 September 1908 — HOPUIA HE KEPANI KUAI WAIONA. [ARTICLE]

HOPUIA HE KEPANI KUAI WAIONA.

Maho})e koke iho o ka hora eiwa o ke ahiahi o ka la Sabati i hala i paa ae ai kekahi Kepani nona ka lialeaina e ku nei mā ke alanui Moi e kokoke ana i ke alaniii Iwilei i lea hopuia e Lunanana Pennell no ke kuai waiona me ka laikini ole. Ua hoohuoiia kela haleaina no kekahi manawa ae nei i hala, a i ka wa 0 l\ir. Fennell i hoea aku ai me Makai Ahi, ua loaa pono aku la ia laua kela Kepani e kuai mai ana he omole bia 1 kekahi mea, a o ka paa koke aku la no ia o ka ona nona kela hale i ka hopuia no ke kuai ana i ka waiona me ka laikini ole. I ka manawa i huliia aku ai oloko o ua hale nei, ua loaa aku la he mau omole bia lehulehu malalo o ke pakaukau kuai ame kekahi ie i hele a piha i ke sake. Iloko nae o keia manawa a na luna aupuni i komo aku ai no ka hopu ana i kela Kepani, ua ku a hehena maoli kana wahine no keia pilikia i kau aku maluna o kana kane. Ua hookuuia aku no nae oia mamuli o kona haawi ana mai he hookahi haneri dala bela.