Ka Nupepa Kuokoa, Volume XLIII, Number 38, 18 September 1908 — LOAA HE KOMO DAIMANA ILOKO O KA OPU O KA I'A. [ARTICLE]

LOAA HE KOMO DAIMANA ILOKO O KA OPU O KA I'A.

Ua loaa inai nei ia Mr. William H. Bartels, o ke alanui Warren ? Kikako, ka lunahooponopono o ka Nupepa Pukala Trade kekahi i'a nona ke' kauinaha he eha paona iaia i hele aku ai e lawai'a maloko o ka lokowai Delav r an, a loaa aku la kekahi komo daimana maloko o kona oim, nona ke kifmukuai o hookalii haneri me kanalima dala. He iwakalua-kumamalua ka nui o kana mau.i'a i loaa ma kela liakahiaka, iaia i huli hoi mai ai no'ka halewaapa, ua kiola aku la oia i kana mau i'a ia Keating, me ke kauoha aku iaia e hoomaemae 1 ua poe i'a nei, a i ka manawa i okiia iho ai o ka opu o ka i'a nui loa 0 lakou ua hulali ae la kekahi komo daimana mai kona opu ae, ka mea nana 1 hoopiha aku iaia me ke kaliaha no ka loaa ana o kela komo. Ua hele ke gula a hapa'upau, aka e mau ana no nae ka anapa o ke daimana. O ka hoea ana o kela komo daimana iloko o ka opu o kela i'a, he mea pahaohao loaia, a he lehulehu wale nae na mea i manaoia aku, pela i loaa aku ai kela komo i keia i'a. īna aole i haule kela komo mai kekahi mea aku i hele ma kela lokowai ma ke ano ulia, alaila mai ka manamanalima mai paha o kekahi kanaka make i hopuia aku ai e kela i'a a pela i komo ai iloko o kona opu, aka aole nae he mea hiki ke koho pololei aku i ka mea oiaio. Ua waihoia no kela komo daimana ma ka hokele o Mr. Bartels, me ka manao o ka mea nona kela komo ina oia ke ola nei, oia wale no ka mea hiki ke hoike ae i ke ano o ke kaa ana aku o ua komo la malalo o ka malama ana a kela i 'a.